ആരോടും പറയാതിരുന്ന ആ രഹസ്യം വെളിപ്പെടുത്തി അമേയ മാത്യു ..
കപ്പിള്‍ ക്യുആന്‍ഡ് എയുമായെത്തിയിരിക്കുകയാണ് അമേയ മാത്യുവും കിരണ്‍ കട്ടിക്കാരനും. ഇതാദ്യമായാണ് ഞങ്ങള്‍ ഇങ്ങനെയൊരു വീഡിയോ ചെയ്യുന്നത്. ഇന്‍സ്റ്റഗ്രാമിലൂടെയായി കുറേ ചോദ്യങ്ങള്‍ വന്നിരുന്നു. വിവാഹ ശേഷമുള്ള മാറ്റങ്ങളെക്കുറിച്ചുള്ള ചോദ്യത്തിനും അമേയയും കിരണും മറുപടിയേകിയിരുന്നു. കിരണിനെക്കുറിച്ചായിരുന്നു അമേയ സംസാരിച്ചത്. അങ്ങനെ വലിയ മാറ്റങ്ങളൊന്നുമില്ല. ആള്‍ ഒരേ പോലെയാണ്. ചെറിയ മാറ്റങ്ങളൊക്കെയുണ്ട്. നേരത്തെയൊക്കെ ചില വഴക്കുകളൊക്കെ ഉണ്ടാവാറുണ്ടായിരുന്നു. അതൊന്നും ഇപ്പോഴില്ല. കല്യാണം കഴിഞ്ഞതോടെ അമേയയ്ക്ക് ക്ഷമ കൂടിയിട്ടുണ്ട്. നേരത്തെ അങ്ങനെ ക്ഷമയൊന്നും ഇല്ലായിരുന്നു. അത് വലിയൊരു മാറ്റമാണ്. ഷോര്‍ട്ട് ടെംപേര്‍ഡായിരുന്നു മുന്‍പ്. പെട്ടെന്ന് ദേഷ്യം വരും. അതൊക്കെ ഇപ്പോള്‍ മാറി.
ഇവള്‍ ഒറ്റയ്ക്ക് വളര്‍ന്നതാണ്. എനിക്ക് ഒരു ചേട്ടനുണ്ട്, പിന്നെ കുറേ കസിന്‍സും. ഞങ്ങള്‍ അങ്ങോട്ടും ഇങ്ങോട്ടുമൊക്കെ കളിയാക്കാറുണ്ട്. ഇവള്‍ക്ക് കളിയാക്കുന്നതാണെന്ന് ആദ്യം മനസിലാവില്ലായിരുന്നു. പിന്നെയാണ് അതൊക്കെ മനസിലാക്കിയത് എന്നായിരുന്നു അമേയയെക്കുറിച്ച് കിരണ്‍ പറഞ്ഞത്.
കഴിഞ്ഞ നവംബറിലാണ് ഞാന്‍ ഇവിടെ എത്തിയത്. ഇവിടെ വന്നിട്ട് ഒരുവര്‍ഷമാവാന്‍ പോവുകയാണ്. ജൂണ്‍ 2നായിരുന്നു വിവാഹം രജിസ്റ്റര്‍ ചെയ്തത്. സ്പൗസ് വിസ ശരിയാക്കാനായാണ് അങ്ങനെ ചെയ്തത്. കിരണിന് ലീവ് നീണ്ടതോടെയായിരുന്നു ഞാന്‍ ഇങ്ങോട്ടേക്ക് വന്നത്. ഓഗസ്റ്റിലാണ് ലീവ് കിട്ടിയത്. അങ്ങനെ വന്ന് കല്യാണം കഴിച്ചു. ഞാന്‍ ഇപ്പോള്‍ അങ്ങനെ പുറത്തൊന്നും പോയി ജോലി ചെയ്യുന്നില്ല. സോഷ്യല്‍മീഡിയയിലൂടെ വരുന്ന കൊളാബൊക്കെ ചെയ്യാറുണ്ടെന്നായിരുന്നു അമേയ പറഞ്ഞത്.
ഞങ്ങള്‍ തമ്മില്‍ അടിയൊക്കെ ഉണ്ടാവാറുണ്ട്. ലോംഗ് ഡിസ്റ്റന്‍സിലായിരുന്ന സമയത്ത് നല്ല അടിയുണ്ടാവുമായിരുന്നു. നേരിട്ട് കാണാനോ, ആള്‍ അടുത്തില്ലാത്തതുമൊക്കെയായിരുന്നു പ്രശ്‌നം. അന്ന് രണ്ട് ദിവസമൊക്കെ മിണ്ടാതെയിരുന്നിട്ടുണ്ട്. മിണ്ടുന്നില്ലേ എന്നൊക്കെ ചോദിച്ച് മെസ്സേജൊക്കെ വരും. അതോടെ അത് മാറും. കല്യാണം കഴിഞ്ഞപ്പോള്‍ ആര്‍ഗ്യുമെന്‍സ് ഉണ്ടാവാറുണ്ട്. അത് വഴക്കിലേക്ക് പോവാതെ നോക്കാറുണ്ട്. കിരണിന് നേരത്തെ തന്നെ നല്ല ക്ഷമയുണ്ട്. ഞാനും ഇപ്പോള്‍ ക്ഷമ പഠിച്ചത് കൊണ്ട് വലിയ പ്രശ്‌നങ്ങളൊന്നുമില്ല.
എന്തെങ്കിലും വഴക്കുണ്ടായാല്‍ രാത്രി ഉറങ്ങുന്നതിന് മുന്‍പ് തന്നെ അത് പറഞ്ഞ് പരിഹരിച്ച് കിടക്കണമെന്ന് കിരണിന്റെ അപ്പ പറഞ്ഞിട്ടുണ്ട്. അത് ഞങ്ങളെപ്പോഴും പാലിക്കാറുണ്ട്. നേരത്തെ കിരണായിരുന്നു ഇനിഷേറ്റിയീവ് എടുത്തത്. ഇപ്പോള്‍ അത് ഞാനാണെന്നായിരുന്നു അമേയ പറഞ്ഞത്. അവിടെയും ഇവിടെയും വന്ന് എന്നെ നോക്കും. അത് കാണുമ്പോള്‍ ഞാന്‍ അത് വിട്ട് കളയുമെന്നായിരുന്നു കിരണ്‍ പറഞ്ഞത്.
@All rights reserved Typical Malayali.
Leave a Comment