ഇങ്ങനെ കൈപിടിച്ച് നിന്നാല്‍ മതി! ടൈറ്റാനിക് പോസ് റീക്രിയേറ്റ് ചെയ്യാന്‍ ശ്രമിച്ചതാ! രസകരമായ വീഡിയോയുമായി അമേയ

കരിക്ക് വെബ് സീരീസിലൂടെയായിരുന്നു അമേയ പ്രേക്ഷകര്‍ക്ക് പരിചിതയായത്. മോഡലിംഗിലൂടെയായിരുന്നു കരിയര്‍ തുടങ്ങിയത്. ഇടയ്ക്ക് ചില സിനിമകളിലും താരം വേഷമിട്ടിരുന്നു. അടുത്തിടെയായിരുന്നു അമേയ വിവാഹിതയായത്. കിരണ്‍ കട്ടിക്കാരനാണ് അമേയയെ ജീവിതസഖിയാക്കിയത്. വിവാഹ ശേഷമായി ഇരുവരും കാനഡയിലേക്ക് തിരിച്ചുപോവുകയായിരുന്നു. തിരിച്ചെത്തിയ ശേഷമുള്ള യാത്രാവിശേഷങ്ങളെല്ലാം അമേയ പങ്കുവെച്ചിരുന്നു. ഇടയ്ക്ക് ഇരുവരും നയാഗ്ര വെള്ളച്ചാട്ടം കാണാനായി പോയിരുന്നു.

വിവാഹത്തിന് ദിവസങ്ങള്‍ ബാക്കി നില്‍ക്കുന്നതിനിടയിലായിരുന്നു ഇവര്‍ നാട്ടിലേക്കെത്തിയത്. കല്യാണത്തിനായാണ് ഇത്തവണത്തെ വരവ് എന്ന് അമേയ ആദ്യം പറഞ്ഞിരുന്നു. ആദ്യം നാട്ടിലെത്തിയ അമേയ കാര്യങ്ങളെല്ലാം സെറ്റാക്കുന്നതിനിടയിലായണ് കിരണും എത്തിയത്. കല്യാണ ചെക്കനെ എയര്‍പോര്‍ട്ടില്‍ സ്വീകരിക്കുന്നതിന്റെ വീഡിയോ വൈറലായിരുന്നു. കല്യാണവുമായി ബന്ധപ്പെട്ടുള്ള എല്ലാ വിശേഷങ്ങളും ഇന്‍സ്റ്റഗ്രാമിലും യൂട്യൂബ് ചാനലിലൂടെയുമായി പങ്കുവെച്ചിരുന്നു.

കല്യാണം കഴിഞ്ഞ് കുറച്ചുദിവസം നാട്ടില്‍ നിന്നതിന് ശേഷമായിരുന്നു ഇരുവരും തിരിച്ചുപോയത്. നാട്ടിലെ യാത്രകളുടെ വിശേഷങ്ങളും ഇന്‍സ്റ്റഗ്രാമിലൂടെ പങ്കുവെച്ചിരുന്നു. കല്യാണം കഴിഞ്ഞതിന് പിന്നാലെയായിരുന്നു മുടി വെട്ടിയത്. ഷോര്‍ട്ടാക്കിയതോടെ ലുക്ക് മാറിയെന്നായിരുന്നു എല്ലാവരും പറഞ്ഞത്. ടൈറ്റാനിക് പോസ് റീക്രിയേറ്റ് ചെയ്യാന്‍ ശ്രമിച്ചതിനെക്കുറിച്ച് പറഞ്ഞുള്ള രസകരമായ വീഡിയോയാണ് ഇപ്പോള്‍ ചര്‍ച്ചയായിക്കൊണ്ടിരിക്കുന്നത്. വീഡിയോ ഇതിനകം വൈറലായിക്കഴിഞ്ഞിട്ടുണ്ട്.

കപ്പലില്‍ അല്ലേ, വാ നമുക്ക് ടൈറ്റാനിക് പോസ് റീക്രിയേറ്റ് ചെയ്യാം. അത് വേണോയെന്നായിരുന്നു കിരണിന്റെ ചോദ്യം. പിന്നേ, ദേ ഇങ്ങനെ കെട്ടിപ്പിടിച്ച് നിന്നാല്‍ മതിയെന്നായിരുന്നു അമേയ പറഞ്ഞത്. ഇതുമതി, ഓക്കെ ബൈ എന്ന് പറഞ്ഞ് പോവുകയായിരുന്നു കിരണ്‍. ഇത് കാണുമ്പോള്‍ ആരെ ഓര്‍മ്മ വരുന്നുവെന്നായിരുന്നു അമേയ ചോദിച്ചത്. ടൈറ്റാനിക്കിലെ റോസും ജാക്കും, ചതിക്കാത്ത ചന്തുവിലെ ചന്തുവും വസുമതിയും, ഇതായിരുന്നു അമേയയുടെ ഓപ്ഷന്‍. ഫോട്ടോയിലും റീല്‍സിലും വീഡിയോയിലുമൊക്കെ വരാനായി കിരണിനെ നിര്‍ബന്ധിക്കാറുണ്ട് അമേയ. ഇടയ്‌ക്കൊന്ന് ഡാന്‍സ് ചെയ്യാന്‍ പറഞ്ഞപ്പോള്‍ കൂടിയെങ്കിലും ഇടയ്ക്ക് വെച്ച് നിര്‍ത്തിപ്പോവുകയായിരുന്നു.

പിറന്നാള്‍ ദിനത്തിലായിരുന്നു അമേയ ജീവിതത്തിലേക്ക് ഒരാള്‍ വരാന്‍ പോവുന്നതിനെക്കുറിച്ച് പറഞ്ഞത്. ഏറെ വിശേഷപ്പെട്ടതാണ് ഇത്തവണത്തെ പിറന്നാളെന്നായിരുന്നു അമേയ പറഞ്ഞത്. ഇനിയങ്ങോട്ടുള്ള ജീവിതത്തില് കൂട്ടായി അദ്ദേഹമുണ്ടാവും. മുഖം കാണുന്ന ഫോട്ടോ പങ്കുവെച്ചൂടേയെന്നായിരുന്നു എല്ലാവരും ചോദിച്ചത്. സമയമാവുമ്പോള്‍ മുഖം കാണിക്കാമെന്നായിരുന്നു മറുപടി. പിന്നീടായിരുന്നു എന്‍ഗേജ്‌മെന്റ് ചിത്രങ്ങള്‍ പങ്കുവെച്ചത്. ഇടയ്ക്ക് വെച്ച് വിമര്‍ശകന് നല്‍കിയ അമയേയുടെ മറുപടിയും ചര്‍ച്ചയായിരുന്നു.

@All rights reserved Typical Malayali.