ഞാന്‍ എഴുന്നേല്‍ക്കുന്നത് കണ്ടോളൂ, അമൃത സുരേഷ് ആശുപത്രിയില്‍ നിന്ന് എത്തിയതിനു പിന്നാലെ ബാലയുടെ പുതിയ വീഡിയോ, മകള്‍ക്ക് നല്‍കിയ മറുപടി ഡിലീറ്റ് ചെയ്തു!

അമൃത സുരേഷും നടന്‍ ബാലയും തമ്മിലുള്ള സൈബര്‍ പോരാട്ടം തുടര്‍ന്നുകൊണ്ടേയിരിക്കുന്നു. നിലവിലെ പ്രശ്‌നങ്ങള്‍ക്ക് പിന്നാലെ ആശപത്രിയില്‍ അഡ്മിറ്റായ അമൃ കഴിഞ്ഞ ദിവസം ആശുപത്രിയില്‍ നിന്ന് ഡിസ്ചാര്‍ജ് ആയി വീട്ടിലെത്തിയിരുന്നു. ഇപ്പോഴിതാ പുതിയ വീഡിയോയുമായി എത്തിയിരിക്കുകയാണ് ബാല.

എല്ലാ അഭിമുഖങ്ങളിലും മകളെ കാണാന്‍ തന്നെ അനുവദിക്കുന്നില്ല എന്ന് പറഞ്ഞ് ബാല എത്തിയതിന് പിന്നാലെ മകള്‍ പാപ്പുന നടത്തിയ പ്രതികരണം ബാലയ്ക്ക് വന്‍ തിരിച്ചടിയായി. അച്ഛന്‍ എന്ന നിലയിലെ, എന്നോട് സ്‌നേഹമുണ്ടെങ്കില്‍ ചെയ്യേണ്ട ഒരേ ഒരു കാര്യം ഞങ്ങളെ സമാധാനത്തോടെ ജീവിക്കാന്‍ അനുവദിക്കുകയാണ് എന്ന് പറഞ്ഞ മകള്‍, ബാലയ്‌ക്കെതിരെ ചില ഗുരുതര ആരോപണങ്ങളും ഉന്നയിച്ചിരുന്നു.

ഉടനെ മകള്‍ക്കുള്ള പ്രതികരണവുമായി ബാല രംഗത്തെത്തി. നിനക്ക് രണ്ടര – മൂന്ന് വയസ്സുള്ളപ്പോള്‍ എന്നെ വിട്ടു പോയതാണ്, മകളോട് മത്സരിക്കാന്‍ ഞാനില്ല. ഇനിയൊരു പ്രതികരണവും ഉണ്ടായിരിക്കില്ല എന്ന് പറഞ്ഞ് ബാല ഒരു വീഡിയോ പുറത്തുവിട്ടു. എന്നാല്‍ ഇപ്പോള്‍ ആ വീഡിയോ ബാല ഡിലീറ്റ് ചെയ്തു. പകരം പുതിയ ഒരു വീഡിയോയുമായി എത്തിയിട്ടുണ്ട്.

ചുമരില്‍ തൂക്കിയിട്ട തന്റെ ഒരു ഫോട്ടോ കൊളാഷ് വീഡിയോ ആണ് പങ്കുവച്ചിരിയ്ക്കുന്നത്. ‘ഞാന്‍ എഴുന്നേല്‍ക്കുന്നത് കണ്ടോളൂ’ എന്നാണ് വീഡിയോയ്ക്ക് ക്യാപ്ഷന്‍ നല്‍കിയിരിക്കുന്നത്. വീഡിയോയ്ക്ക് താഴെ ബാലയോടുള്ള സ്‌നേഹം അറിയിച്ചും, കൂടുതല്‍ പ്രോത്സാഹനം നല്‍കിയും വരുന്ന കമന്റുകള്‍ കാണാം.

അതേ സമയം മറുവശത്ത്, കഴിഞ്ഞ ദിവസമാണ് അമൃത സുരേ് ആശുപത്രിയില്‍ നിന്നും ഡിസ്ചാര്‍ജ് ആയി വീട്ടിലെത്തിയത്. ബാലയുടെ വീഡിയോയ്ക്ക് പിന്നാലെ മകള്‍ക്ക് നേരെ സൈബര്‍ ആക്രമണം വന്നപ്പോള്‍ അമൃത, ആ ദാമ്പത്യ ജീവിതത്തില്‍ താന്‍ അനുഭവിച്ച ഒരുപാട് ചോരുതുപ്പുന്ന ഓര്‍മകള്‍ പങ്കുവച്ചിരുന്നു. അതും വന്‍ വിവാദമായി. അതിന് പിന്നാലെയാണ് അമൃത ആശുപത്രിയില്‍ അഡ്മിറ്റായി എന്ന് പറഞ്ഞ് സഹോദരി അഭിരാമി സുരേഷ് എത്തിയത്. അസുഖ വിവരം എന്താണെന്ന് പറഞ്ഞില്ല എങ്കിലും, താന്‍ ഇപ്പോള്‍ ബെറ്റര്‍ ആയി വരുന്നു ന്നെ് ഇന്‍സ്റ്റഗ്രാം സ്‌റ്റോറിയിലൂടെ അമൃത അറിയിച്ചിരുന്നു.

@All rights reserved Typical Malayali.