ആത്മീയതയുടെ വഴിയെ അനുശ്രീ; ഒന്നും പ്രതീക്ഷിക്കരുത്, ആരെയും കുറ്റപ്പെടുത്തരുത്, എല്ലാം ഉള്ളില്‍ സൂക്ഷിക്കുക
സോഷ്യല്‍ മീഡിയയില്‍ വളരെ സജീവമായ നടിയാണ് അനുശ്രീ. നാടന്‍ ലുക്കില്‍, സാരിയൊക്കെ ഉടുത്ത് നില്‍ക്കുന്ന അനുശ്രീയുടെ ഫോട്ടോകള്‍ വളരെ പെട്ടന്ന് സോഷ്യല്‍ മീഡിയ ഏറ്റെടുക്കാറുണ്ട്. എന്നാല്‍ ഇപ്പോള്‍ സാരിയൊന്നുമല്ല, ആത്മീയതയിലുടെ വഴിയില്‍, രുദ്രാക്ഷമൊക്കെ ഇട്ടു നില്‍ക്കുന്ന ഏതാനും ചിത്രങ്ങളാണ് പങ്കുവച്ചിരിയ്ക്കുന്നത്.
രുദ്രാക്ഷം കഴുത്തിലിട്ട്, വിത്തൗട്ട് മേക്കപ്പില്‍ നില്‍ക്കുന്ന ചിത്രങ്ങള്‍ക്കൊപ്പം വളരെ പോസിറ്റീവായ ക്യാപ്ഷനും അനുശ്രീ നല്‍കിയിട്ടുണ്ട്. ‘ആത്മീയതയുടെ സമയം. ഒന്നും പ്രതീക്ഷിക്കരുത്. ആരെയും കുറ്റപ്പെടുത്തരുത്. നിങ്ങളുടെ സന്തോഷവും സങ്കടങ്ങളും ഉള്ളില്‍ തന്നെ സൂക്ഷിക്കുക. എല്ലാം ശരിയാവും’ എന്നാണ് അനുശ്രീ കുറിച്ചിരിയ്ക്കുന്നത്.
സെല്‍ഫ് ലവ്, ഒറ്റയ്ക്ക്, നിങ്ങളും പിന്നെ നിങ്ങളും മാത്രം എന്നൊക്കെയാണ് ഹാഷ് ടാഗുകള്‍ കൊടുത്തിരിയ്ക്കുന്നത്. സ്‌നേഹം അറിയിച്ച് പോസ്റ്റിന് താഴെ എത്തിയവര്‍ക്കെല്ലാം അനുശ്രീ റിപ്ലേ നല്‍കിയതും കാണാം.
ടെലിവിഷന്‍ ഇന്റസ്ട്രിയിലൂടെ കരിയര്‍ ആരംഭിച്ച അനുശ്രീ, ഡയമണ്ട് നക്ലൈസ് എന്ന ചിത്രത്തിലൂടെയാണ് ബിഗ് സ്‌ക്രീനിലേക്കെത്തിയത്. ചെറിയ ചെറിയ റോളുകളിലൂടെ നായികയായി വളരുകയായിരുന്നു. ഇതിഹാസം എന്ന ചിത്രത്തിലൂടെയാണ് അനുശ്രീയുടെ കരിയര്‍ മാറിമറിഞ്ഞത്. നാടന്‍ കുട്ടി റോളുകളില്‍ നിന്ന് ആക്ഷന്‍ റോളുകളും ചെയ്യും എന്ന് കാണിച്ചതോടെ വ്യത്യസ്തമായ ഒരുപാട് റോളുകള്‍ അനുശ്രീയെ തേടിയെത്തി.
തലവന്‍ എന്ന ചിത്രമാണ് ഏറ്റവുമൊടുവില്‍ അനുശ്രീയുടേതായി പുറത്തിറങ്ങിയത്. ആസിഫ് അലിയും ബിജു മേനോനും കേന്ദ്ര കഥാപാത്രങ്ങളായി എത്തിയ ചിത്രത്തിന് മികച്ച പ്രതികരണങ്ങളാണ് വന്നുകൊണ്ടിരിയ്ക്കുന്നത്. താര, കഥ ഇന്നുവരെ എന്നീ ചിത്രങ്ങള്‍ അണിയറയില്‍ തയ്യാറെടുക്കുകയാണ്.
സൗഹൃദങ്ങള്‍ക്ക് വലിയ പ്രാധാന്യം നല്‍കുന്ന നടി തന്റെ വിശേഷങ്ങള്‍ എല്ലാം ഇന്‍സ്റ്റഗ്രാമിലൂടെ പങ്കുവയ്ക്കാറുണ്ട്. അടുത്തിടെയാണ് പുതിയ വീട് വച്ച് അങ്ങോട്ടേക്ക് മാറിയത്. ലളത മനോഹരമായി നടന്ന ആ ചടങ്ങിന്റെ വിശേഷങ്ങളും അനുശ്രീ പങ്കുവച്ചിരുന്നു.
@All rights reserved Typical Malayali.
Leave a Comment