ഞാനായിട്ട് മാറിയതല്ല! സങ്കടമുണ്ട് ഇങ്ങനെ സംഭവിച്ചതില്‍! മാംഗല്യം പരമ്പരയില്‍ നിന്നും മാറിയതിനെക്കുറിച്ച് അര്‍ച്ചന കൃഷ്ണ പറഞ്ഞത്?

മാംഗല്യം പരമ്പരയില്‍ നിന്നും അര്‍ച്ചന കൃഷ്ണ മാറിയിരിക്കുകയാണ്. ലൈവ് വീഡിയോയിലൂടെയായിരുന്നു അര്‍ച്ചന ഇതേക്കുറിച്ച് പറഞ്ഞത്. അനഘയെ ഇപ്പോള്‍ അവതരിപ്പിക്കുന്നത് വേറൊരാളാണ്. അതിന്റെ കാരണം ചോദിച്ച് ഒത്തിരി ആളുകള്‍ എനിക്ക് മെസ്സേജ് അയയ്ക്കുന്നുണ്ടായിരുന്നു. പുതിയ അനഘയെ ഉള്‍ക്കൊള്ളാന്‍ പറ്റുന്നില്ല എന്നൊക്കെ മെസ്സേജിലുണ്ട്. എനിക്ക് മുന്‍പ് റിയ ആയിരുന്നു അനഘയെ അവതരിപ്പിച്ചത്. അതിന് ശേഷമാണ് ഞാന്‍ വരുന്നത്. എന്നെയും ആദ്യം ഉള്‍ക്കൊള്ളാന്‍ പറ്റിയിരുന്നില്ല, കുറച്ച് കഴിഞ്ഞപ്പോഴാണ് നിങ്ങളുടെ മനസില്‍ എനിക്ക് ഇടം കിട്ടിയത്. അത് ഇത്രത്തോളം സ്‌ട്രോംഗാണെന്ന് വിചാരിച്ചില്ല. അതിലെനിക്ക് ഒരുപാട് സന്തോഷമുണ്ട്.

20ാം എപ്പിസോഡ് മുതല്‍ ഞാന്‍ മാംഗല്യത്തിലുണ്ട്. ഇപ്പോള്‍ മൂന്നൂറിലേറെ എപ്പിസോഡായല്ലോ. ഒരു കുടുംബം പോലെയായിരുന്നു ഞങ്ങള്‍ കഴിഞ്ഞിരുന്നത്. മാസത്തിലെ ആദ്യ 15 ദിവസം ഞാന്‍ അവിടെയാണ്. എല്ലാവരുമായും നല്ല കൂട്ടാണ്. പെട്ടെന്നൊരു ദിവസം അതില്‍ നിന്നും മാറേണ്ടി വന്നതില്‍ എനിക്കും സങ്കടമുണ്ട്. കാതോട കാതോരവും കന്യാദാനവും ചെയ്യുന്നുണ്ട് ഞാന്‍. കഴിഞ്ഞ ദിവസമായിരുന്നു കാതോട് കാതോരം ക്ലൈമാക്‌സ് ഷൂട്ട് ചെയ്തത്. ആദ്യ 15 ദിവസം മാംഗല്യത്തിനാണ് ഞാന്‍ നല്‍കിയിട്ടുള്ളത്. ഇടയ്ക്ക് 20 വരെയൊക്കെ പോവാറുണ്ട്. എങ്ങനെയെങ്കിലും ഡേറ്റ് അഡ്ജസ്റ്റ് ചെയ്ത് നില്‍ക്കാറുണ്ട്.

നെഗറ്റീവാണെങ്കിലും അനഘയ്ക്ക് ചില പോസിറ്റീവ് കാര്യങ്ങളുണ്ട്. കുറേ കഴിഞ്ഞ് അനഘയും പോസിറ്റീവായി മാറും. അത് കംപ്ലീറ്റാക്കണമെന്നുണ്ടായിരുന്നു എനിക്ക്. വേറെ പ്രൊജക്ട് പോലും ഞാന്‍ സ്വീകരിക്കാതിരുന്നത് അനഘയോടുള്ള ഇഷ്ടം കൊണ്ടാണ്. ഞാനായിട്ട് കളഞ്ഞതല്ല ഇത്. കമ്യൂണിക്കേഷനില്‍ വന്ന പ്രശ്‌നങ്ങളാണ്. വേറെ ലൊക്കേഷനില്‍ പോയി എന്നെ വിളിക്കുന്നതിന് മുന്‍പ് ഞാന്‍ ഏതാണ് ചെയ്യുന്നതെന്ന് എന്നോട് ചോദിക്കേണ്ടതല്ലേ.

ഒരു പ്രൊജക്ട് ഏറ്റെടുത്താല്‍ അത് പൂര്‍ത്തിയാക്കാതെ ഞാന്‍ വേറെ സീരിയലിലേക്ക് പോവാറില്ല. പെട്ടെന്ന് വിളിച്ച് നാളെ ഷൂട്ടുണ്ടെന്ന് പറഞ്ഞാല്‍ പോവാനാവില്ലല്ലോ. നേരത്തെ ഷൂട്ട് തുടങ്ങുന്നുണ്ടെങ്കില്‍ അത് അറിയിക്കേണ്ടതല്ലേ. എന്നെ വിശ്വസിച്ച് തുടങ്ങിയൊരു പ്രൊജക്റ്റിലായിരുന്നു ഞാന്‍. അവിടെ നിന്നും പെട്ടെന്ന് ഇട്ടിട്ട് പോരാനാവില്ലായിരുന്നു. അതേക്കുറിച്ചൊക്കെ ഞാന്‍ അവരെ അറിയിച്ചതാണ്. വൈകുന്നേരം വന്നാല്‍ മതിയോ എന്ന് ചോദിച്ചപ്പോള്‍ മതിയെന്ന് പറഞ്ഞതാണ്. രണ്ട് സീനുണ്ടെന്ന് പറഞ്ഞായിരുന്നു ആദ്യം വിളിച്ചത്. പിന്നീട് അവര്‍ വിളിച്ച് അഞ്ചാറ് സീനുണ്ടെന്ന് പറഞ്ഞത്.

അങ്ങനെ അതിന് വരാനുള്ള തയ്യാറെടുപ്പുകളൊക്കെ നടത്തുന്നതിനിടയില്‍ അവരെ വിളിച്ചപ്പോഴാണ് വേറൊരു അറേഞ്ച്‌മെന്റ് ചെയ്തിട്ടുണ്ടെന്ന് പറഞ്ഞത്. പുതിയൊരു ആര്‍ടിസ്റ്റിനെ തിരഞ്ഞെടുത്തുവെന്ന് എന്നോട് പറഞ്ഞിരുന്നില്ല. ഞാന്‍ ചെന്നപ്പോഴാണ് അതേക്കുറിച്ച് അറിഞ്ഞത്. നേരത്തെ അനഘയെ അവതരിപ്പിച്ച കുട്ടിയോടും ഇതുപോലെയാണ് ചെയ്തത്. അവര്‍ക്കെന്തോ ആരോഗ്യപ്രശ്‌നമുണ്ടായിരുന്നു. അങ്ങനെയാണ് അവരോട് പറയാതെ മാറ്റിയത്. അതറിഞ്ഞപ്പോള്‍ എനിക്ക് സങ്കടമായി, ഇപ്പോഴും വിഷമം മാറിയിട്ടില്ല. അതേ അവസ്ഥ എനിക്കും വന്നു. സങ്കടം കൊണ്ടാണ് കണ്ണൊക്കെ നിറഞ്ഞുവരുന്നതെന്നും അനഘ പറയുന്നുണ്ടായിരുന്നു.

@All rights reserved Typical Malayali.