അർച്ചനയുടെ പുതിയ വിശേഷം! പ്രസവ സമയത്ത് അമ്മ കൂടെ ഉണ്ടാകും, നാട്ടിൽ നിന്നും അമേരിക്കയിലേക്ക് അമ്മയെ എത്തിച്ച് അർച്ചന!
പുതിയ അതിഥിയെ വരവേൽക്കാൻ അർച്ചന.ടെലിവിഷന്‍ പ്രേക്ഷകരുടെ പ്രിയപ്പെട്ട നടിയാണ് അര്‍ച്ചന സുശീലന്‍. സീരിയലുകളിലെ നെഗറ്റീവ് കഥാപാത്രങ്ങളിലൂടെ ആരാധകരുടെ മനസില്‍ ഇടം പിടിച്ച നടി. ഇപ്പോഴിതാ ജീവിതത്തില്‍ പുതിയ അതിഥിയെ വരവേല്‍ക്കാനുള്ള ഒരുക്കത്തിലാണ് അര്‍ച്ചന.താന്‍ അമ്മയാകാന്‍ പോകുന്ന സന്തോഷവാര്‍ത്ത താരം ഇൻസ്റ്റയിലൂടെയാണ് പറഞ്ഞത്. ഭര്‍ത്താവ് പ്രവീണ്‍ നായര്‍ക്കൊപ്പം നിറവയറോടെ നില്‍ക്കുന്ന ചിത്രമാണ് അര്‍ച്ചന പോസ്റ്റ് ചെയ്തത്.അമ്മയെ അമേരിക്കയിൽ എത്തിച്ചതിന്റെ സന്തോഷത്തിലാണ് ഇപ്പോൾ അർച്ചന സുശീലൻ. തന്റെ പ്രസവസമയത്ത് അമ്മയും അമേരിക്കയിൽ ഉണ്ടാകും എന്നാണ് പോസ്റ്റുകൾ സൂചിപ്പിക്കുന്നത്.2021-ലായിരുന്നു അര്‍ച്ചനയുടേയും പ്രവീണിന്റേയും വിവാഹം. യുഎസില്‍ നടന്ന ലളിതമായ ചടങ്ങില്‍ അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്തത്.
പാലക്കാടുകാരൻ ആണ് പ്രവീൺ നായർ. വളർന്നതും പഠിച്ചതുമൊക്കെ മുംബൈയിൽ ആണ്. പിന്നീട് പതിനെട്ടുവര്ഷം മുൻപാണ് സ്‌കോളർഷിപ്പ് നേടി അമേരിക്കയിലേക്ക് പ്രവീൺ എത്തുന്നത്.
“പഠനം ഒക്കെ കംപ്ലീറ്റ് ചെയ്ത ശേഷം എൻജിനീയറായി ജോലിക്ക് കയറുകയും ചെയ്തു. ഞാനും പുള്ളിക്കാരനും നന്നായി ഹിന്ദിപറയും. പുള്ളിക്ക് ഹിന്ദി നന്നായി അറിയുന്നതുകൊണ്ടാണ് ഞങ്ങൾ പരസ്പരം അടുത്തത്”, എന്നാണ് അർച്ചന ഞങ്ങൾക്ക് നൽകിയ അഭിമുഖത്തിൽ മുൻപൊരിക്കൽ പറഞ്ഞത്
പ്രണയവിവാഹം എന്ന് പറയാൻ ആകില്ല. മാട്രിമോണിയൽ വഴിയാണ് ഇരുവരും പരിചയപ്പെട്ടതും വിവാഹത്തിലേക്ക് എത്തിയതും.അര്‍ച്ചനയുടെ രണ്ടാം വിവാഹമാണിത്. 2014-ല്‍ മനോജ് യാദവുമായിട്ടായിരുന്നു ആദ്യ വിവാഹം. അതും പ്രണയവിവാഹമായിരുന്നു എന്നാണ് റിപ്പോർട്ടുകൾ സൂചിപ്പിക്കുന്നത്.
@All rights reserved Typical Malayali.
Leave a Comment