ഭര്‍ത്താവ് കൂട്ടുകാരിയെ പ്രണയിച്ചു വിവാഹം ചെയ്തു; രണ്ട് ഭാര്യമാര്‍ക്കൊപ്പമുള്ള ജീവിതം വിവാദം; മക്കള്‍ക്ക് വേണ്ടി ഭര്‍ത്താവിനെ ഡിവോഴ്‌സ് ചെയ്യുന്നു എന്ന് ഒന്നാം ഭാര്യ!
ബിഗ് ബോസ് ഷോയില്‍ തനിക്ക് രണ്ട് ഭാര്യമാരുണ്ട് എന്ന് ബഷീര്‍ ബഷി പറഞ്ഞപ്പോള്‍ വലിയ തോതില്‍ വിമര്‍ശിച്ചിവരുണ്ടായിരുന്നു. എന്നാല്‍ ഒരേ വീട്ടില്‍ രണ്ട് ഭാര്യമാര്‍ക്കും അതിലുണ്ടായ മക്കള്‍ക്കുമൊപ്പം ബഷീര്‍ ബഷി ജീവിയ്ക്കുന്നത് കണ്ടതോടെ വിമര്‍ശനങ്ങള്‍ അവസാനിച്ചു. പക്ഷെ ബോളിവുഡിലെ അവസ്ഥ ഇതല്ല. ബിഗ് ബോസ് ഓടിടി സീസണ്‍ ത്രിയിലേക്ക് എത്തിയത് ഒരു ഭര്‍ത്താവും രണ്ട് ഭാര്യമാരുമാണ്. പുറത്തിറങ്ങിയതോടെ വിവാഹ മോചനവും പ്രഖ്യാപിച്ചു.
ബിഗ്ഗ് ബോസ് താരവും ടെലിവിഷന്‍ താരവുമായ പായല്‍ മാലിക്കും, വ്‌ളോഗര്‍ ആയ അര്‍മാനും പ്രണയിച്ച് വിവാഹിതരായതാണ്. ഈ ബന്ധത്തില്‍ ഒരു മകനും ഉണ്ട്. എന്നാല്‍ അര്മാന് പായലിന്റെ ഉറ്റ സുഹൃത്ത് കൃതികയെ പ്രണയിച്ച് വിവാഹം ചെയ്തതോടെ പായലും അര്‍മാനും വേര്‍പിരിഞ്ഞു. എന്നാല്‍ പിന്നീട്, അര്‍മാനോട് ക്ഷമിച്ച പായല്‍ മാലിക് തിരിച്ചുവന്നു. സന്തോഷത്തോടെ മൂന്ന് പേരും ജീവിക്കവെയാണ് ഇപ്പോള്‍ ബിഗ് ബോസ് ഓടിടി സീസണ്‍ 3 യിലേക്ക് ക്ഷണം വന്നത്.
എന്നാല്‍ ബഹുഭാര്യത്വത്തെ പിന്തുണയ്ക്കുന്നു എന്ന് പറഞ്ഞ് മൂവര്‍ക്കും എതിരെ വ്യാപകമായ നെഗറ്റീവ് കമന്റുകള്‍ സോഷ്യല്‍ മീഡിയയില്‍ ഉയരാന്‍ തുടങ്ങി. നിര്‍ഭാഗ്യവശാല്‍ മൂന്ന് പേരില്‍ ഏറ്റവും ആദ്യം ബിഗ് ബോസ് ഹൗസില്‍ നിന്ന് പുറത്താക്കപ്പെട്ടത് മായല്‍ മാലിക് ആണ്. സോഷ്യല്‍ മീഡിയയുടെ കടന്നാക്രമണവും, ബിഗ് ബോസ് വീട്ടിലെ ചില അനുഭവങ്ങളും കാരണം, ഇനി അര്‍മാനുമായി ഒന്നിച്ച് ജീവിക്കാന്‍ കഴിയില്ല എന്ന് അറിയിച്ചിരിക്കുകയാണ് ഇപ്പോള്‍ പായല്‍ മാലിക്.
സോഷ്യല്‍ മീഡിയയിലെ വിദ്വേഷ പ്രചരണം എന്റെ മക്കള്‍ക്ക് നേരെയും ഉയരുമ്പോള്‍ ഇനിയും സഹിച്ചു കഴിയാന്‍ സാധിക്കില്ല. ഇനിയെന്റെ തീരുമാനത്തില്‍ മാറ്റമില്ല, ഞാന്‍ അര്‍മാനുമായി ഡിവോഴ്‌സ് ആകുന്നു എന്ന് പായല്‍ പാലിക് യൂട്യൂബ് വീഡിയോയിലൂടെ അറിയിക്കുകയായിരുന്നു.
ഈ ഡ്രാമയും വിദ്വേഷവും കേട്ട് ഞാന്‍ തകര്‍ന്നു. എന്നെ മാത്രം പറയുകയാണെങ്കില്‍ പ്രശ്‌നമില്ല, മക്കള്‍ക്ക് നേരെയും ആ വെറുപ്പ് വരുന്നു. ഇക്കാരണം കൊണ്ട് തന്നെയാണ് അര്‍മാനെ പിരിയുന്നത്. അര്മാന് കൃതികയ്‌ക്കൊപ്പം ജീവിക്കാം. മക്കളുടെ കാര്യം ഞാന്‍ നോക്കിക്കോളും. ഞങ്ങളുടെ മൂന്ന് പേരുടെ തീരുമാനങ്ങളില്‍ മക്കള്‍ ഒരു വിഷയം ആവാന്‍ പാടില്ല. ഏത് രക്ഷിതാക്കളാണ് അത് ആഗ്രഹിക്കുന്നത്.
ഈ തീരുമാനം എനിക്ക് ഒറ്റയ്ക്ക് എടുക്കാന്‍ സാധിക്കില്ല. അര്‍മാനും കൃതികയും ബിഗ് ബോസ് ഹൗസില്‍ നിന്നും പുറത്ത് വന്നതിന് ശേഷം മൂന്ന് പേരും ചേര്‍ന്ന് തീരുമാനിക്കും. പുറത്ത് നടക്കുന്ന കാര്യങ്ങളെ കുറിച്ച് അവര്‍ക്ക് രണ്ട് പേര്‍ക്കും ഒന്നും അറിയില്ല. എന്നിരുന്നാലും എന്റെ തീരുമാനത്തില്‍ ഞാന്‍ ഉറച്ചു നില്‍ക്കുന്നു എന്ന് പായല്‍ മാലിക് വ്യക്തമാക്കി.
@All rights reserved Typical Malayali.
Leave a Comment