ചക്കര ഉമ്മ, ചക്കര മമ്മ; ഹിന്ദിയും ഇംഗ്ലീഷും മാത്രമല്ല, അസിന്റെ മകള്‍ക്ക് മലയാളവും അറിയാം! 6 ഭാഷകളില്‍ മകള്‍ എഴുതിയ കത്ത് പങ്കുവച്ച് അസിന്‍
ചക്കര ഉമ്മ, ചക്കര മമ്മ; ഹിന്ദിയും ഇംഗ്ലീഷും മാത്രമല്ല, അസിന്റെ മകള്‍ക്ക് മലയാളവും അറിയാം! 6 ഭാഷകളില്‍ മകള്‍ എഴുതിയ കത്ത് പങ്കുവച്ച് അസിന്‍
എന്റെ മകള്‍ക്ക് മലയാളം എഴുതാനും വായിക്കാനും അറിയില്ല, ഇംഗ്ലീഷേ അറിയൂ എന്ന് പറയുന്നത് ചില മലയാളികള്‍ക്കെങ്കിലും അഭിമാനമാണ്. എന്നാല്‍ തന്റെ മാതൃഭാഷ എഴുതാനും വായിക്കാനും മകളെ പഠിപ്പിക്കുന്നതാണ് അസിന്റെ അഭിമാനം. മകള്‍ മലയാളത്തിലടക്കം ആറ് ഭാഷകളിലായി എഴുതിയ കത്തുമായി എത്തിയിരിക്കുകയാണ് നടി
ആമസോൺ ക്ലിയറൻസ്- എസി, റെഫ്രിജറേറ്റർ, വാഷിംഗ് മെഷീൻ എന്നിവകളിൽ 65% കിഴിവ്!
അസിന്‍ തോട്ടുങ്കല്‍ ശരിക്കും മലയാള സിനിമാ ലോകത്തിന് അഭിമാനമാണ്. കൊച്ചിക്കാരിയായ പെണ്‍കുട്ടി, നരേന്ദ്രന്‍ മകന്‍ ജയകാന്തന്‍ വക എന്ന മലയാള സിനിമയിലൂടെയാണ് അഭിനയാരങ്ങേറ്റം കുറിച്ചത്. തുടര്‍ന്ന് തമിഴിലെ നമ്പര്‍ വണ്‍ നായികയായി മാറിയ നടി, അതിന് ശേഷം ബോളിവുഡ് ഇന്റസ്ട്രിയിലേക്ക് ചേക്കേറി. പിന്നീടൊരു മലയാള സിനിമ ചെയ്യാന്‍ വേണ്ടി കേരളക്കരയിലേക്ക് വന്നില്ല എങ്കിലും, ജനിച്ച നാടും ഭാഷയും ഒരിക്കലും അസിന്‍ വിട്ടുകൊടുത്തിരുന്നില്ല.
അന്യഭാഷയില്‍ ഒന്ന് അഭിനയിച്ചു വന്നാല്‍, ഇംഗ്ലീഷ് കലര്‍ത്തി മാത്രം സംസാരിച്ചിരുന്ന ബഹുഭൂരിപക്ഷം നടിമാരില്‍ നിന്നും വിഭിന്നമായി, തനി മലയാളിയായി അസിന്‍ അഭിമുഖങ്ങളില്‍ സംസാരിച്ചതെല്ലാം ഒരിടയ്ക്ക് വൈറലായിരുന്നു.
മൈക്രോമാക്‌സിന്റെ ഉടമയായ രാഹുല്‍ ശര്‍മയെ വിവാഹം ചെയ്തു പോയതിന് ശേഷം അഭിനയത്തില്‍ നിന്നും മാറി നില്‍ക്കുകയാണ് അസിന്‍. വിവാഹത്തിന് ശേഷം ഒരു പൊതു പരിപാടികളിലും മുഖം കാണിക്കാതെ മറഞ്ഞു നില്‍ക്കുന്ന നടി, ഇന്‍സ്റ്റഗ്രാമില്‍ വളരെ ആക്ടീവാണ്. ഭര്‍ത്താവ് രാഹുലിന്റെയും മകള്‍ അരിന്റെയും എല്ലാ വിശേഷങ്ങളും നിരന്തരം പങ്കുവയ്ക്കാറുണ്ട്.
ലോകം ചുറ്റി ആഘോഷിച്ച മകളുടെ ആറാം പിറന്നാളിന്റെ ഫോട്ടോകളും, വിശേഷങ്ങളും എല്ലാം അസിന്റെ ഇന്‍സ്റ്റഗ്രാം സ്‌റ്റോറിയിലൂടെ ആരാധകര്‍ അറിഞ്ഞു. ഇപ്പോഴിതാ ഏറെ കൗതുകമുള്ള ഒരു കാര്യമാണ് അസിന്‍ ഇന്‍സ്റ്റഗ്രാം സ്‌റ്റോറിയായി പങ്കുവച്ചിരിയ്ക്കുന്നത്. വിവിധ ഭാഷകളിലായി മകള്‍ എഴുതിയ ഒരു കത്തിന്റെ ഫോട്ടോ. ഇതിലെത്ര ഭാഷയുണ്ട് എന്ന് പറയാമോ എന്ന് ചോദിച്ച് അസിന്‍ പങ്കുവച്ച പോസ്റ്റ് ആദ്യം കൗതുകമായിരുന്നു. പിന്നീട് അസിന്‍ തന്നെ അത് വ്യക്തമാക്കി.
റഷ്യന്‍, ഫ്രഞ്ച്, സ്പാനിഷ്, ജര്‍മന്‍, ഇറ്റാലിയന്‍ ഭാഷകള്‍ക്കൊപ്പം മലയാളവും ചേര്‍ത്ത് ആറ് ഭാഷകളിലായാണ് കത്ത്. അമ്മയോടുള്ള സ്‌നേഹമാണ് അതില്‍ കുറിച്ചിരിയ്ക്കുന്നത്. ‘പ്രിയപ്പെട്ട മമ്മ, ഐ ലവ് യു. നിങ്ങളാണ് ഏറ്റവും മികച്ചത്, ദയയും സ്‌നേഹവുമുള്ള സ്വീറ്റ് മമ്മ. തമാശക്കാരിയുമാണ്. എനിക്ക് നല്ലൊരു വെക്കേഷന്‍ ആയിരുന്നു. നന്ദി മമ്മ’ എന്നാണ് പല ഭാഷകളിലായി ആറുവയസ്സുകാരിയായ അരിന്‍ എഴുതിയിരിക്കുന്നത്. അവസാനത്തെ വരിയില്‍, ‘ചക്കര ഉമ്മ, ചക്കര മമ്മ’ എന്ന് കൂടെ എഴുതിയിട്ടുണ്ട്.
@All rights reserved Typical Malayali.
Leave a Comment