അസിനും ഭർത്താവും വേർപിരിയുന്നു എന്ന് പറഞ്ഞവർ കാണുക 12 വർഷങ്ങൾക്കു മുമ്പ് ആദ്യമായി ഹോളിഡേ പോയ സ്ഥലത്ത് മകളെയും കൂട്ടി എത്തി സന്തോഷം പങ്കുവെച്ച് അസിൻ

മൈക്രോ മാക്‌സിന്റെ സഹ-സ്ഥാപകന്‍ രാഹുല്‍ ശര്‍മയുമായുള്ള വിവാഹത്തിന് ശേഷം സിനിമ ലോകത്തെ പൂര്‍ണമായും ഒഴിവാക്കി ജീവിക്കുകയാണ് അസിന്‍ തോട്ടുങ്കല്‍. എന്തിനേറെ വിവാഹത്തിന് ശേഷമുള്ള തന്റെ ഒരു ഫോട്ടോ പോലും അസിന്‍ ഇതുവരെ പുറത്തുവിട്ടിട്ടില്ല. അതേ സമയം ഇന്‍സ്റ്റഗ്രാം സ്റ്റോറിയിലൂടെ മകള്‍ അറിന്റെ എല്ലാ വിശേഷങ്ങളും അറിയിക്കാറുണ്ട്.

ലോക ഭാഷകളോടുള്ള അറിന്റെ ഇഷ്ടവും, പല ഭാഷകള്‍ മകള്‍ക്ക് എഴുതാനും വായിക്കാനും എല്ലാം അറിയാവുന്ന സന്തോഷം ഇന്‍സ്റ്റഗ്രാമിലൂടെയാണ് അസിന്‍ അറിയിച്ചത്. ഭാഷകളോട് മാത്രമല്ല, വരകളോടും പാട്ടുകളോടും യാത്രകളോടും പ്രിയമുള്ള ഏഴു വയസ്സുകാരി അറിന്റെ പിറന്നാള്‍ വിശേഷങ്ങളെല്ലാം മുടങ്ങാതെ അസിന്‍ ഇന്‍സ്റ്റഗ്രാം സ്റ്റോറിയിലൂടെ അറിയിക്കുന്നു. ഇപ്പോഴിതാ മകള്‍ക്കൊപ്പമുള്ള തങ്ങളുടെ പുതിയ യാത്രാ വിശേഷങ്ങളാണ് അസിന്‍ പങ്കുവയ്ക്കുന്നത്.

ഇടക്കാലത്ത് അസിനും ഭര്‍ത്താവ് രാഹുലും വേര്‍പിരിയുന്നു എന്ന് പറഞ്ഞ് ചില കിംവദന്തികള്‍ പ്രചരിച്ചിരുന്നു. അതിനുള്ള മറുപടി കൂടെയാണ് ഈ ഫോട്ടോകളും വീഡിയോകളും. പന്ത്രണ്ട് വര്‍ഷങ്ങള്‍ക്ക് മുന്‍പ് ഞങ്ങള്‍ ആദ്യമായി ഹോളിഡേ ആഘോഷിച്ച സ്ഥലത്ത് മകളുടെ കൈയ്യും പിടിച്ച് നടക്കുന്ന സന്തോഷമാണ് അസിന്‍ പങ്കുവയ്ക്കുന്നത്. രാഹുലിന്റെയും മകളുടെയും ഫോട്ടോകളും വീഡിയോകളും പങ്കുവച്ചിട്ടുണ്ടെങ്കിലും അസിന്‍ അപ്പോഴും മറഞ്ഞു നില്‍ക്കുകയാണ്.

ഗ്രീസിലെ സാന്‍ഡോരിനി എന്ന ദ്വീപിലെ മനോഹരമായ കാഴ്ചകള്‍ അസിന്‍ പങ്കുവച്ച പോസ്റ്റില്‍ കാണാം. രാഹുലിനൊപ്പമുള്ള മനോഹരമായ പ്രണയ നിമിഷങ്ങളും അസിന്‍ പങ്കുവച്ചിട്ടുണ്ട്. തെരുവീഥിയില്‍ ഒരു ഷോപ്പിലെ ലേഡിയെ അരിന്‍ ഗിറ്റാര്‍ വായിച്ച് അത്ഭുതപ്പെടുത്തിയതും അഭിമാനമുള്ള അമ്മ എന്ന നിലയില്‍ അസിന്‍ പങ്കുവയ്ക്കുന്നു. അച്ഛനും അമ്മയ്ക്കും ഒപ്പം മകള്‍ എത്ര സന്തോഷവതിയാണെന്ന് കാണിക്കുന്നതാണ് മറ്റ് പോസ്റ്റുകള്‍.

എന്നാലും എന്തുകൊണ്ടാണ് അസിന്‍ എല്ലാ ക്യാമറ കണ്ണുകളില്‍ നിന്നും അകന്ന് നില്‍ക്കുന്നത് എന്നത് ആരാധകര്‍ക്ക് ഇപ്പോഴും കൗതുകമുള്ള കാര്യമാണ്. ഇന്ത്യയിലെ സകല സമ്പന്നരും പങ്കെടുത്ത ആനന്ദ് അമ്പാനിയുടെ കല്യാണത്തിന് അസിനെ ആരാധകര്‍ പ്രതീക്ഷിച്ചിരുന്നു. എന്നാല്‍ എല്ലാ സെലിബ്രിറ്റികളുടെ ഫോട്ടോകളും വൈറലായപ്പോഴും അസിന്റെ ഒരു ഫോട്ടോ പോലും പുറത്ത് വന്നില്ല. എന്തിനാണ് മറഞ്ഞു നില്‍ക്കുന്നത്.

@All rights reserved Typical Malayali.