മമ്മൂട്ടിയുടെ മകളായും നായികയായും എത്തിയ നടിയല്ലേ ഇത്, എന്തൊരു മാറ്റമാണ്; 17 വയസ്സുള്ളപ്പോള്‍ 50 വയസ്സുകാരനുമായി വിവാഹം, പിന്നീട് ജീവിതത്തില്‍ സംഭവിച്ചത്?
അഞ്ജു മലയാളികള്‍ക്ക് ഇപ്പോഴും ബേബി അഞ്ജുവാണ്. ബാലതാരമായി അഭിനയം തുടങ്ങിയതാണ് അഞ്ജു. മമ്മൂട്ടിയുടെ മകളായും, നായികയായും വേഷമിട്ട നടി എന്ന ലേബലിലാണ് ഇന്നും ചിലര്‍ അഞ്ജുവിനെ തിരിച്ചറിയുന്നത്. ഇപ്പോള്‍ ബിഗ് സ്‌ക്രീനില്‍ നിന്നെല്ലാം അകന്ന് കഴിയുന്ന നടി, മിനിസ്‌ക്രീനില്‍ സജീവമാണ്. തമിവിലും തെലുങ്കിലും മലയാളത്തിലുമൊക്കെയായി മെഗാ സീരിയലുകളുടെ തിരക്കിലാണ് നടി.
മലയാളത്തില്‍ അമ്മേ ഭഗവതി എന്ന സീരിയലിന് ശേഷം ഇപ്പോള്‍ കോണ്‍സ്റ്റബിള്‍ മഞ്ജു എന്ന സീരിയലാണ് ചെയ്തുകൊണ്ടിരിയ്ക്കുന്നത്. സൂര്യ ടിവിയില്‍ സംപ്രേക്ഷണം ചെയ്യുന്ന സീരിയലില്‍ ഭാനുമതി എന്ന കഥാപാത്രമായി അഞ്ജു എത്തുന്നു. സോഷ്യല്‍ മീഡിയയില്‍ ഒന്നും സജീവമല്ലാത്ത അഞ്ജുവിന്റെ പുതിയ ചിത്രം സഹതാരം പങ്കുവച്ചതോടെയാണ് അഞ്ജു വീണ്ടും ചര്‍ച്ചാ വിഷയമാവുന്നത്.
കോണ്‍സ്റ്റബിള്‍ മഞ്ജു എന്ന സീരിയലില്‍ അഞ്ജുവിന്റെ മകളായി അഭിനയിക്കുന്ന മേഘ രാജനാണ് തന്റെ ഓണ്‍സ്‌ക്രീന്‍ അമ്മയ്‌ക്കൊപ്പമുള്ള ചിത്രം പങ്കുവച്ചെത്തിയത്. സെറ്റ് സാരിയും, ചന്ദനക്കുറിയുമൊക്കെയായി പക്ക ഒരു വീട്ടമ്മയുടെ ലുക്കിലുള്ള അഞ്ജുവിന്റെ ഫോട്ടോ ആരാധകര്‍ ഏറ്റെടുത്തു.
നന്നെ ചെറുപ്പത്തിലാണ് അഞ്ജു സിനിമ ലോകത്തേക്ക് എത്തിയത്. അന്നേ തമിഴിലും തെലുങ്കിലും കന്നടയിലും മലയാളത്തിലുമെല്ലാം സജീവമായിരുന്നു. അതൊരു വലിയ ഭാഗ്യമായിട്ടാണ് അഞ്ജു കാണുന്നത്. സിനമയില്‍ മിന്നി നില്‍ക്കുമ്പോഴായിരുന്നു വിവാഹം. ഒരു ഘട്ടം കഴിഞ്ഞപ്പോള്‍ അഭിനയവും തിരക്കുകളും എല്ലാം മടുത്തു, വിവാഹം കഴിഞ്ഞ് സെറ്റില്‍ഡ് ആവാന്‍ ആഗ്രഹിച്ചു എന്നാണ് ഇതേ കുറിച്ച് അഞ്ജു ഒരു അഭിമുഖത്തില്‍ പറഞ്ഞത്. പക്ഷെ ആ വിവാഹ ജീവിതത്തില്‍ താന്‍ ചതിക്കപ്പെട്ടു എന്നും അഞ്ജു പറയുന്നു.
പതിനേഴാം വയസ്സിലായിരുന്നു അഞ്ജുവിന്റെ വിവാഹം. കന്നട നടന്‍ കടുവ പ്രഭാകറുമായുള്ള പ്രണയ വിവാഹമായിരുന്നു. എന്നാല്‍ അച്ഛനെക്കാള്‍ പ്രായമുള്ള ആളാണ് പ്രഭാകര്‍ എന്ന് അഞ്ജുവിന് അറിയില്ലായിരുന്നുവത്രെ. അന്‍പത് വയസ്സ് കഴിഞ്ഞ ആളാണ് തന്റെ ഭര്‍ത്താവ് എന്നറിയുമ്പോഴേക്കും അഞ്ജു ഗര്‍ഭിണിയായിരുന്നു. ചതിക്കപ്പെട്ടു എന്നറിഞ്ഞപ്പോള്‍ ആ ബന്ധം ഉപേക്ഷിച്ച് അഞ്ജു വീട്ടിലേക്ക് തിരിച്ചെത്തി. ആ ബന്ധത്തിലാണ് അര്‍ജുന്‍ എന്ന മകന് ജനിച്ചത്. മകന് രണ്ട് വയസ്സുള്ളപ്പോള്‍ പ്രഭാകര്‍ മരിക്കുകയും ചെയ്തു. ഇപ്പോള്‍ അനലിസ്റ്റായി ജോലി ചെയ്യുകയാണ്. പ്രഭാകര്‍ ജീവിതത്തില്‍ നിന്ന് പോയതിന് ശേഷം മറ്റൊരു ബന്ധത്തിലേക്ക് അഞ്ജു പോയിട്ടില്ല. മകന് വേണ്ടി ജീവിക്കുകയായിരുന്നു. താന്‍ അഭിനയിക്കുന്നതൊക്കെ മകന് വലിയ ഇഷ്ടമാണെന്ന് അഞ്ജു പറയുന്നു.
@All rights reserved Typical Malayali.
Leave a Comment