കാലം മായ്ക്കാത്ത മുറിവുകളില്ലെന്നാണ്! പക്ഷേ, ആ വേദന ഇപ്പോഴും അതേപോലെ തന്നെ! ഇമോഷണല്‍ പോസ്റ്റുമായി ഭാവന

ജീവിതത്തിലെ അപ്രതീക്ഷിത പ്രതിസന്ധികളില്‍ പോലും കരുത്തോടെ നിന്ന വ്യക്തിയാണ് ഭാവന. പുറമെ കാണുന്നത് പോലെയല്ല, എന്റെ മനസിലും സങ്കടങ്ങളുണ്ടാവാറുണ്ടെന്ന് താരം പറഞ്ഞിരുന്നു. ജീവിതത്തില്‍ എല്ലാമെല്ലാമായ അച്ഛനെ നഷ്ടമായതിന്റെ വേദനയില്‍ നിന്നും ഇപ്പോഴും കരകയറിയിട്ടില്ലെന്ന് ഭാവന പറയുന്നു. കാലം മുറിവുണക്കുമെന്നാണ് പൊതുവെ പറയാറുള്ളത്, പക്ഷേ, യാഥാര്‍ത്ഥ്യം അങ്ങനെയാവണമെന്നില്ല. ജീവിതത്തില്‍ ഓരോനിമിഷവും, സന്തോഷവും സങ്കടവും വരുമ്പോഴുമെല്ലാം അച്ഛനെ മിസ്സ് ചെയ്യുന്നു. എപ്പോഴും ഹൃദയത്തിലുണ്ട് അച്ഛന്‍ എന്നുമായിരുന്നു ഭാവന കുറിച്ചത്. അച്ഛന്‍ കൂടെയില്ലാതായിട്ട് 9 വര്‍ഷമായെന്നും താരം കുറിച്ചിട്ടുണ്ട്.

പൊതുവെ സങ്കടങ്ങള്‍ അങ്ങനെ പുറത്ത് കാണിക്കുന്ന ആളല്ല ഞാന്‍ എന്ന് മുന്‍പ് ഭാവന പറഞ്ഞിരുന്നു. ആളുകള്‍ എങ്ങനെയാണ് അതിനെ വിലയിരുത്തുന്നതെന്ന് പറയാനാവില്ല. അതിനാല്‍ത്തന്നെ അങ്ങനെയുള്ള കാര്യങ്ങളൊന്നും പറയാറില്ല. എന്റെ ജീവിതത്തിലെ വേദനകളും മുറിവുകളുമെല്ലാം മരണം വരെ അവിടെയുണ്ടാവും. അച്ഛന്റെ വിയോഗം ഏറെ വേദനിപ്പിച്ച കാര്യമാണ്. മനസിലൊരു വേദനയായി അതിപ്പോഴുമുണ്ട്. മരിക്കുന്നത് വരെ അത് മാറുമെന്ന് തോന്നുന്നില്ലെന്നും മുന്‍പ് ഭാവന പറഞ്ഞിരുന്നു.

അച്ഛന്റെയും അമ്മയുടെയും മകളായി ജനിക്കാന്‍ കഴിഞ്ഞത് ജീവിതത്തിലെ വലിയ ഭാഗ്യമായാണ് കരുതുന്നതെന്നും ഭാവന പറഞ്ഞിരുന്നു. സത്യസന്ധമായ സ്‌നേഹം എന്താണെന്ന് പഠിച്ചത് നിങ്ങളില്‍ നിന്നാണ്. മകളെന്ന നിലയില്‍ എന്നും നിങ്ങളെ ഓര്‍ത്ത് അഭിമാനം തോന്നിയിട്ടുണ്ട്. കൂടെ ഇല്ലെങ്കിലും അച്ഛനോടുള്ള സ്‌നേഹത്തിന് മരണമില്ലെന്നായിരുന്നു മുന്‍പൊരിക്കല്‍ ഭാവന കുറിച്ചത്.

2015 സെപ്റ്റംബറിലായിരുന്നു ഭാവനയുടെ അച്ഛന്‍ വിടവാങ്ങിയത്. ക്യാമറാമാനായിരുന്നു അദ്ദേഹം. മകള്‍ സിനിമയിലെത്തണമെന്ന് ഏറെ ആഗ്രഹിച്ചതായിരുന്നു അദ്ദേഹം. നമ്മളിലൂടെ ഭാവന അഭിനയജീവിതത്തിന് തുടക്കം കുറിച്ചപ്പോള്‍ പിന്തുണയുമായി അച്ഛന്‍ ഒപ്പമുണ്ടായിരുന്നു. പരിമളം എന്ന കഥാപാത്രത്തെയായിരുന്നു ചിത്രത്തില്‍ താരം അവതരിപ്പിച്ചത്. സഹനടിയായി തുടങ്ങി പിന്നീട് നായികയായി മാറുകയായിരുന്നു ഭാവന.
GOAT second part: വിജയ്‌ അഭിനയിക്കില്ല; ഗോട്ട് 2ൽ നായകനാര്?

മലയാളത്തിന് പുറമെ അന്യഭാഷയില്‍ നിന്നുള്ള അവസരങ്ങളും താരത്തിന് ലഭിച്ചിരുന്നു. നീണ്ട ഇടവേള അവസാനിപ്പിച്ച് അടുത്തിടെ താരം മലയാള സിനിമ ചെയ്തിരുന്നു. കന്നഡ സിനിമാ നിര്‍മ്മാതാവായ നവീനാണ് ഭാവനയെ വിവാഹം ചെയ്തത്. റോമിയോ എന്ന ചിത്രത്തിനിടയില്‍ വെച്ചായിരുന്നു ഇരുവരും പ്രണയത്തിലായത്. വിവാഹ ശേഷവും താരം സിനിമയില് സജീവമാണ്. അഭിനയ രംഗത്ത് തുടരാനായിരുന്നു നവീനും പറഞ്ഞത്. ഇവരുടെ വിവാഹ ചിത്രങ്ങളും വീഡിയോകളുമെല്ലാം അന്ന് വൈറലായിരുന്നു.

@All rights reserved Typical Malayali.