18-ാം വര്‍ഷം.. ഒടുക്കം കാത്തിരുന്ന ആ വിശേഷം അറിയിച്ച് ദേവിചന്ദന..!! സന്തോഷമടക്കാനാകാതെ കിഷോര്‍.. ആശംസകളാല്‍ മൂടി പ്രിയപ്പെട്ടവര്‍..

മിമിക്രി വേദികളിലൂടെ കരിയര്‍ ആരംഭിച്ചതാണ് ദേവി ചന്ദന. പിന്നീട് സിനിമകളില്‍ നായികമാരുടെ തോഴിയായും സീരിയലുകളില്‍ വില്ലത്തിയായും എല്ലാം സജീവമായി. നര്‍ത്തകി കൂടെയായ ദേവി ചന്ദന തന്റെ വിശേഷങ്ങള്‍ എല്ലാം സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. ഇപ്പോഴിതാ കല്യാണ ജീവിതം പ്രായപൂര്‍ത്തിയിലെത്തിയതിനെ കുറിച്ച് പറഞ്ഞ് വന്നിരിക്കുകയാണ് നടി

ഇന്നാണ് കിഷോറിന്റെയും ദേവി ചന്ദനയുടെയും വിവാഹ വാര്‍ഷികം. പതിനെട്ട് വര്‍ഷം പൂര്‍ത്തിയായതോടെ ദാമ്പത്യ ജീവിതം പ്രായപൂര്‍ത്തിയായി എന്നും, പക്വതയില്‍ എത്തി എന്നുമാണ് നടി ഇന്‍സ്റ്റഗ്രാമില്‍ കുറിച്ചത്. ഭര്‍ത്താവിനൊപ്പമുള്ള മനോഹരമായ ഒരു ഫോട്ടോയും ദേവി പോസ്റ്റിനൊപ്പം വച്ചിട്ടുണ്ട്.

‘ഞങ്ങളുടെ വിവാഹ വാര്‍ഷികം ഇന്ന് പക്വതയിലേക്ക് കടക്കുന്നു, 18 വര്‍ഷങ്ങള്‍ ഒരുമിച്ച് ജീവിച്ചു. നല്ലതും ചീത്തയുമായ എല്ലാ അനുഭവങ്ങള്‍ക്കും ദൈവത്തിന് നന്ദി. പ്രണയവും പരസ്പരമുള്ള മനസ്സിലാക്കലുമാണ് ഞങ്ങള്‍ എന്നും പങ്കുവയ്ക്കുന്നത്. ഇപ്പോഴും മുന്നോട്ട് പോകുന്നു, മൈലുകളോളം ഇങ്ങനെ തന്നെ മുന്നോട്ട് പോകണം’ എന്നാണ് ദേവി ചന്ദന പറയുന്നത്.

2006 ഫെബ്രുവര് 2 നാണ് ഗായകനായ കിഷോര്‍ വര്‍മ ദേവി ചന്ദനയെ വിവാഹം ചെയ്തത്. വര്‍ഷങ്ങളായുള്ള പ്രണയമാണ് വിവാഹത്തിലെത്തിയത്. 2002 ല്‍ ഒരു മിമിക്രി ഷോയുടെ റിഹേഴ്‌സല്‍ ഷോയില്‍ വച്ചാണ് കിഷോറും ദേവി ചന്ദനയും ആദ്യമായി കാണുന്നത്. ആ ബന്ധം പിന്നീട് പ്രണയമായി വളര്‍ന്നു. വിവാഹത്തിന് ശേഷവും ദേവി അഭിനയത്തിലും മിമിക്രിയിലും ഡാന്‍സിലും എല്ലാം സജീവമായിരുന്നു. രണ്ട് പേര്‍ക്കും കലയോട് അത്രയും വലിയ താത്പര്യവുമാണ്.

പതിനെട്ട് വര്‍ഷത്തിനിടയില്‍ ഒരുപാട് കളിയാക്കലുകളും കുറ്റപ്പെടുത്തലുകളുമെല്ലാം നേരിടേണ്ടി വന്നതിനെ കുറിച്ച് ദേവിയും കിഷോറും നേരത്തെ സംസാരിച്ചിട്ടുണ്ട്. മക്കളില്ലാത്തതിനെ കുറിച്ചുള്ള ചോദ്യമാണ് ഏറ്റവും അധികം കേട്ടത്. ദേവി ചന്ദനയുടെ വണ്ണത്തെ കളിയാക്കിയുള്ള ചോദ്യങ്ങളും ഉണ്ടായിരുന്നുവത്രെ. കിഷോറിനെ നോക്കി അനിയനാണോ എന്നൊക്കെയുള്ള ചോദ്യം സഹിക്കാതെ ദേവി തടി കുറയ്ക്കുകയും ചെയ്തിരുന്നു. എന്നാല്‍ അക്കാര്യങ്ങളെല്ലാം തമാശയിലൂടെയാണ് ദേവിയും കിഷോറും തങ്ങളും യൂട്യൂബ് ചാനലിലൂടെ പറഞ്ഞിട്ടുള്ളത്.

@All rights reserved Typical Malayali.