അച്ഛനെ എടുത്ത് പൊക്കി താരപുത്രി; എന്റെ അച്ഛന് ഒരു വെയിറ്റും ഇല്ല എന്ന് ധര്‍മജന്‍ ബോള്‍ഗാട്ടിയുടെ മകള്‍
അച്ഛനമ്മമാരുടെ പാരമ്പര്യം പിന്‍തുടര്‍ന്ന് താരപുത്രന്മാരും പുത്രിമാരുമൊക്കെ സിനിമയിലേക്ക് വന്നുകൊണ്ടിരിയ്ക്കുന്ന കാലമാണ്. അങ്ങനെ വന്നിലെങ്കിലും ലൈംലൈറ്റില്‍ നില്‍ക്കുന്നവരുമുണ്ട്. സോഷ്യല്‍ മീഡിയയിലൂടെ എല്ലാം ഇവര്‍ ആളുകള്‍ക്ക് ഏറെ പരിചിതയാണ്. എന്നാല്‍ ധര്‍മജന്‍ ബോള്‍ഗാട്ടിയുടെ മക്കള്‍ അത്രയ്ക്കധികം അങ്ങനെ സജീവമാറില്ല. ധര്‍മജന്റെ ചില ഫാമിലി ഫോട്ടോകളിലൂടെ മാത്രമാണ് ആളുകള്‍ മക്കളെ കണ്ടിട്ടുള്ളത്.
ഇപ്പോഴിതാ വ്യത്യസ്തമായ ഒരു ഫോട്ടോയുമായി ഇന്‍സ്റ്റഗ്രാമില്‍ എത്തിയിരിക്കുകയാണ് ധര്‍മജന്‍ ബോള്‍ഗാട്ടി. മൂത്ത മകള്‍ തന്നെ പൊക്കി എടുത്ത് നില്‍ക്കുന്ന ചിത്രത്തിനൊപ്പമുള്ള പോസ്റ്റ് ആരാധകര്‍ ഏറ്റെടുത്തുകഴിഞ്ഞു. ‘എന്റെ അച്ഛന് ഒരു വെയിറ്റും ഇല്ലാത്ത മനുഷ്യനാ’ എന്ന ക്യാപ്ഷനോടെയാണ് ചിത്രം പങ്കുവച്ചിരിയ്ക്കുന്നത്. ചിത്രത്തിന് താഴെ സ്‌നേഹ സൂചകമായി, ഒരു ലവ് ഇമോജി നല്‍കി കമന്റുമായി വിനയ് ഫോര്‍ട്ട് എത്തി.
രസകരമായ കമന്റുകളാണ് ചിത്രത്തിന് താഴെ വരുന്നത്. അത് പൊളിച്ചു, കലക്കി, തിമര്‍ത്തു എന്ന കമന്റാണ് കൂടുതലും വരുന്നത്. വെയിറ്റ് കൂടാന്‍ അച്ഛനെ നമുക്ക് ജിംന്യേഷ്യത്തില്‍ വീട്ടാലോ എന്ന് ചോദിക്കുന്നവരും ഉണ്ട്. ഈ ക്യാപ്ഷന്‍ പറഞ്ഞ് തന്നത് രമേഷ് പിഷാരടിയാണോ എന്നാണ് വേറെ ചിലരുടെ ചോദ്യം. കലാഭവന്‍ ഷാജോണും, തങ്കച്ചന്‍ വിതുരയും അടക്കം നിരവധി പേരാണ് ചിത്രത്തിന് ലൈക്കടിച്ചിരിയ്ക്കുന്നത്.
ടെലിവിഷന്‍ ഷോകളും, സിനിമകളും ഒക്കെയായി തിരക്കിലാണ് നിലവില്‍ ധര്‍മജന്‍ ബോള്‍ഗാട്ടി. അതിനൊപ്പം ചെറിയ രീതിയിലുള്ള രാഷ്ട്രീയ പ്രവര്‍ത്തനങ്ങളും ഉണ്ട്. പാളയം പിസി എന്ന ചിത്രമാണ് ഏറ്റവുമൊടുവില്‍ ധര്‍മജന്റേതായി തിയേറ്ററിലെത്തിയത്. പൊറാട്ട് നാടകം ആണ് നടന്റെ അടുത്ത റിലീസ്. നൗഷാദ് സഫോണ്‍ സംവിധാനം ചെയ്ത ചിത്രത്തില്‍ സൈജു കുറുപ്പാണ് നായകന്‍.
@All rights reserved Typical Malayali.
Leave a Comment