എല്ലാം ആഗ്രഹിച്ചത് പോലെ നടക്കട്ടെ! ഡിവൈന്-ഡോണ്‍ സന്തോഷവാര്‍ത്ത ഏറ്റെടുത്ത് പ്രിയപ്പെട്ടവര്‍
യൂട്യൂബ് ചാനലിലൂടെയായി പ്രേക്ഷകര്‍ക്ക് പരിചിതയാണ് ഡിവൈന്. ജീവിത വിശേഷങ്ങളെല്ലാം വ്‌ളോഗിലൂടെയായി പങ്കിടാറുണ്ട്. ഡോണും തോമുവും ചാക്കോച്ചനുമെല്ലാം വീഡിയോകളിലുണ്ടാവാറുണ്ട്. ഇപ്പോഴിതാ ജീവിതത്തിലെ പുതിയ സന്തോഷത്തെക്കുറിച്ച് പറഞ്ഞെത്തിയിരിക്കുകയാണ് ഡിവൈന്. പള്ളിയിലെ കല്യാണവും മക്കളുടെ മാമോദീസയുമൊക്കെ നടക്കാന്‍ പോവുകയാണ്. അതിനുള്ള തയ്യാറെടുപ്പുകളെക്കുറിച്ച് പറഞ്ഞായിരുന്നു പുതിയ വീഡിയോ. വലിയ നൂലാമാലകളൊന്നുമില്ല ഇനി, പിള്ളേരുടെ കാര്യങ്ങളൊന്ന് സെറ്റാവാനുണ്ട്. എന്റെയും ഡോണ്‍ ചേട്ടന്റെയും കാര്യം ഓക്കെയാണെന്നുമായിരുന്നു ഡിവൈന് പറഞ്ഞത്.
പള്ളിയില്‍ നിന്നും പോസിറ്റീവ് പ്രതികരണം വന്നതോടെ എന്തൊക്കെയാണ് വാങ്ങിക്കേണ്ടത് എന്ന് ചോദിച്ചിരുന്നു. മന്ത്രകോടിയും വെഡ്ഡിംഗ് റിംഗുമൊക്കെ വാങ്ങിക്കാനുണ്ട്. വെഡ്ഡിംഗ് റിംഗ് എന്റെ താല്‍പര്യമാണ്. ഡോണ്‍ ചേട്ടന് അത്ര താല്‍പര്യമുണ്ടായിരുന്നില്ല. എനിക്ക് ഇഷ്ടമാണെന്ന് അറിയുന്നത് കൊണ്ട് സമ്മതിച്ചു. എല്ലാം അതിന്റേതായ രീതിയില്‍ തന്നെ സെറ്റാക്കണമെന്നാണ് ആഗ്രഹം. അതിനുള്ള തത്രപ്പാടിലാണ്. അച്ചന്‍ വായോ എന്ന് പറഞ്ഞാല്‍ വേഗം പോയി ചെയ്യണം. അധികം വൈകാതെ തന്നെ ഇതെല്ലാം നടക്കും. പിള്ളേരുടെ കാര്യം കുറച്ചൂടെ സെറ്റാക്കിയാല്‍ മതി എന്ന് അച്ചന്‍ പറഞ്ഞപ്പോഴേ ഞങ്ങള്‍ തയ്യാറെടുപ്പുകള്‍ തുടങ്ങുകയായിരുന്നു. പരിപാടികള്‍ ഇനി കാര്യമായിട്ട് തന്നെ വേണം. ചടങ്ങുകള്‍ക്കായി ഡ്രസ് സെറ്റാക്കുന്നതും, മോതിരം വാങ്ങിക്കുന്നതുമൊക്കെയായിരുന്നു പുതിയ വീഡിയോയിലൂടെ കാണിച്ചത്.
ഡിവൈന് ആഗ്രഹിച്ചത് പോലെ തന്നെ കാര്യങ്ങളെല്ലാം ഭംഗിയായി നടക്കട്ടെ. കുറേനാളായി ആഗ്രഹിച്ചിരുന്ന കാര്യമല്ലേ. ഒരുപാടായി മനസില്‍ കൊണ്ട് നടന്നിരുന്ന ആഗ്രഹങ്ങളിലേക്ക് നടന്നടുക്കുകയാണല്ലേ, സന്തോഷമുണ്ട്. കൊടുക്കാന്‍ പറ്റുന്നത്ര സന്തോഷം ഡിവൈന് കൊടുക്കണം, എല്ലാം കൊണ്ടും ഇത് മറക്കാന്‍ പറ്റാത്ത ദിവസമായി മാറട്ടെ. ആഗ്രഹിച്ചത് പോലെ എല്ലാം ദൈവം നടത്തി തരട്ടെയെന്നുമായിരുന്നു കമന്റുകള്‍. പള്ളിയില്‍ വെച്ച് കല്യാണം നടത്താനുള്ള ശ്രമങ്ങള്‍ തുടങ്ങിയതിനെക്കുറിച്ച് മുന്‍പ് ഡിംപിള്‍ തുറന്നുപറഞ്ഞിരുന്നു.
കല്യാണം കഴിഞ്ഞിട്ട് 3 വര്‍ഷമായെങ്കിലും പള്ളിയിലെ കല്യാണത്തിനായി കാത്തിരിക്കുകയാണ് ഞങ്ങള്‍. അതുപോലെ തോമുവിന്റെയും ചാക്കോച്ചന്റെയും മാമോദീസയും നടത്തിയിട്ടില്ല. പള്ളിയില്‍ വെച്ച് ഇത് നടത്താന്‍ കുറേ കടമ്പകളുണ്ട്. അതൊക്കെ ഓരോന്നായി പൂര്‍ത്തിയായാലേ അത് നടക്കൂയെന്ന് മുന്‍പ് ഡിംപിള്‍ പറഞ്ഞിരുന്നു. പള്ളിയില്‍ പോയി കല്യാണം നടത്തുന്നതിനൊപ്പം മക്കളുടെ മാമോദീസയും നടത്താനുള്ള തയ്യാറെടുപ്പിലാണ് ഇവര്‍. അതിനായി കാര്യങ്ങളെല്ലാം സെറ്റാക്കുകയാണെന്ന് ഡോണും ഡിവൈനും പറഞ്ഞിരുന്നു. ഡിംപിളും മമ്മിയും ഡാഡിയുമെല്ലാം ഇവരോടൊപ്പമുണ്ടായിരുന്നു.
@All rights reserved Typical Malayali.
Leave a Comment