ഇനിയെല്ലാം ദൈവത്തിൻറെ കയ്യിൽ ..വിവാഹ തിയ്യതി തീരുമാനിച്ചു, ഇനി അഞ്ച് മാസം മാത്രം! അധികം വൈകാതെ മിസിസ് കണ്ണമ്മയാകുമെന്ന് ദിയ കൃഷ്ണ
വിവാഹ തിയ്യതി തീരുമാനിച്ചു, ഇനി അഞ്ച് മാസം മാത്രം! അധികം വൈകാതെ മിസിസ് കണ്ണമ്മയാകുമെന്ന് ദിയ കൃഷ്ണ
തെരഞ്ഞെടുപ്പ് തിരക്കുകള്‍ എല്ലാം അവസാനിച്ചതോടെ ദിയയുടെയും അശ്വിന്റെയും വിവാഹ കാര്യത്തില്‍ വീട്ടുകാര്‍ തീരുമാനത്തിലെത്തി. അതെപ്പോഴാണ് എന്നറിയിച്ച് സോഷ്യല്‍ മീഡിയയില്‍ എത്തിയിരിക്കുകയാണിപ്പോള്‍ ദിയ. ഇനി അഞ്ച് മാസങ്ങള്‍ മാത്രം!
diya aswin marriage tumb
അധികം വൈകാതെ മിസിസ് കണ്ണമ്മയാകുമെന്ന് ദിയ കൃഷ്ണ
സോഷ്യല്‍ മീഡിയയില്‍ തങ്ങളുടെ പ്രണയ കാലം ശരിക്കും ആസ്വദിക്കുകയാണ് ദിയ കൃഷ്ണയും അശ്വിന്‍ ഗണേഷും. പ്രണയത്തിലാണ് എന്ന് വെളിപ്പെടുത്തിയതിന് ശേഷം ഇരുവരും ഒന്നിച്ചുള്ള ചിത്രങ്ങളും വിശേഷങ്ങളും തന്നെയാണ് രണ്ട് പേരുടെയും ഇന്‍സ്റ്റഗ്രാം പേജ് മുഴുവന്‍. പക്ഷെ കഴിഞ്ഞ കുറച്ച് ദിവസങ്ങളായി അച്ഛന്‍ കൃഷ്ണകുമാര്‍ തെരഞ്ഞെടുപ്പില്‍ മത്സരിക്കുന്നതിനാല്‍ അതിന്റെ പ്രചരണ പരിപാടികളും പ്രസ്സ് മീറ്റുമൊക്കെയായി തിരക്കിലായിരുന്നു താരം.
തെരഞ്ഞെടുപ്പ് തിരക്കുകള്‍ അവസാനിച്ചതോടെ ദിയയുടെയും അശ്വിന്റെയും കാര്യത്തില്‍ ഇരുവീട്ടുകാരും ഒരു തീരുമാനത്തില്‍ എത്തി എന്നാണ് ഇപ്പോള്‍ അറിയാന്‍ കഴിയുന്നത്. വിവാഹം വച്ചു താമസിപ്പിക്കേണ്ടതില്ലെന്നാണ് തീരുമാനം. വരുന്ന സെപ്റ്റംബറില്‍ തന്നെ ദിയയുടെയും അശ്വിന്റെയും വിവാഹം നടക്കും. അക്കാര്യം ഇന്‍സ്റ്റഗ്രാമിലൂടെ ദിയ അറിയിക്കുകയും ചെയ്തു.
അശ്വിനെ ചേര്‍ത്ത് പിടിച്ച് ചുംബിയ്ക്കുന്ന ചിത്രത്തിനൊപ്പം ‘സെപ്റ്റംബര്‍ 2024’ എന്ന ക്യാപ്ഷനോടെയാണ് പോസ്റ്റ്. സെപ്റ്റംബറില്‍ ഏത് ഡേറ്റിലാണ് എന്ന് പറഞ്ഞിട്ടില്ല. പോസ്റ്റിന് താഴേ ‘കണ്ണമ്മാ’ എന്ന് വിളിച്ച് അശ്വിന്‍ എത്തിയപ്പോഴാണ്, ‘അധികം വൈകാതെ മിസിസ് കണ്ണമ്മയാകും’ എന്ന മറുപടി ദിയ നല്‍കിയത്. ഇരുവര്‍ക്കും ആശംസകള്‍ അറിയിച്ചുകൊണ്ടുള്ള കമന്റുകളാണ് അതിന് താഴെ വരുന്നതെല്ലാം.
എന്തായാലും അഹാനയ്ക്ക് മുന്നെ ദിയയുടെ വിവാഹം കഴിയും എന്നുറപ്പായി. ഇപ്പോഴത്തെ സാഹചര്യത്തില്‍ അഹാനയ്ക്ക് വിവാഹത്തോട് താത്പര്യമില്ല. സിനിമയില്‍ മികച്ച റോള്‍ ചെയ്യണം, നല്ല ഒരു കരിയല്‍ ബില്‍ഡ് ചെയ്യണം എന്ന ലക്ഷ്യത്തില്‍ പോയിക്കൊണ്ടിരിയ്ക്കുകയാണ്. പ്രണയമുള്ളതായിട്ടൊന്നും ഇവിടെയും അഹാന സംസാരിച്ചിട്ടുമില്ല.
ഒരുമിച്ച് റീല്‍ വീഡിയോ ചെയ്തതിലൂടെയാണ് അശ്വിനെയും ദിയയെയും പ്രേക്ഷകര്‍ ശ്രദ്ധിച്ചു തുടങ്ങിയത്. വീഡിയോകള്‍ വൈറലായതോടെ ഇരുവരുടെയും ജോഡി പൊരുത്തത്തെ പ്രശംസിച്ചുകൊണ്ടുള്ള കമന്റുകള്‍ വന്നുതുടങ്ങി. ആ ഹൈപ്പില്‍ നില്‍ക്കുമ്പോഴാണ് പ്രപ്പോസല്‍ വീഡിയോയ്‌ക്കൊപ്പം പ്രണയം പരസ്യപ്പെടുത്തി ഇന്‍സ്റ്റഗ്രാമില്‍ എത്തിയത്.
@All rights reserved Typical Malayali.
Leave a Comment