ചെറുപ്പം മുതല്‍ ഒരേയൊരു ഫാഷന്‍ ഐക്കണേ എനിക്കുള്ളൂ, അത് വാപ്പച്ചിയാണ്!’ കുഞ്ഞിക്കയുടെ ന്യൂ ലുക്കില്‍ ഇത് മമ്മൂക്ക തന്നെയെന്ന് ആരാധകര്‍
ചെറുപ്പം മുതല്‍ ഒരേയൊരു ഫാഷന്‍ ഐക്കണേ എനിക്കുള്ളൂ, അത് വാപ്പച്ചിയാണ് കുഞ്ഞിക്കയുടെ ന്യൂ ലുക്കില്‍ ഇത് മമ്മൂക്ക തന്നെയെന്ന് ആരാധകര്‍.ഫാഷന്‍ ഐക്കണ്‍ മമ്മൂക്കയുടെ അതേ പാതയിലാണ് ഇപ്പോള്‍ ആരാധകര്‍ക്ക് പ്രിയപ്പെട്ട കുഞ്ഞിക്കയും. താരത്തിന്റെ പുത്തന്‍ ലുക്കാണ് ഇപ്പോള്‍ ആരാധകരും സോഷ്യല്‍ മീഡിയയും ഏറ്റെടുക്കുന്നത്. മമ്മൂക്കയുടെ ഫാഷന്‍ സെന്‍സിനെക്കുറിച്ച് വാതോരാതെ പറയുമ്പോഴും കുഞ്ഞിക്കയും ഇപ്പോള്‍ അതേ ട്രാക്ക് പിടിക്കുകയാണ്.കുഞ്ഞിക്കയുടെ ഏറ്റവും പുതിയ ലുക്ക് ട്രെന്‍ഡിംഗ് ആകുന്നു.തന്റെ ഫാഷന്‍ ഐക്കണ്‍ വാപ്പച്ചിയെന്ന് താരം.പുത്തന്‍ ചിത്രങ്ങള്‍ ശ്രദ്ധേയമാകുന്നു
യൂത്ത് ഐക്കണ്‍ സങ്കല്‍പ്പങ്ങളില്‍ ഓരോ യുവ താരങ്ങള്‍ മാറിമറിഞ്ഞ് എത്തുമെങ്കിലും മലയാളികളുടെ ഫാഷന്‍ ഐക്കണ്‍ എന്ന പദവി മമ്മൂക്കയ്ക്ക് മാത്രം സ്വന്തമായതാണ്. ഇന്നും യുവതാരങ്ങളെപ്പോലും തോല്‍പ്പിക്കുന്ന ട്രെന്‍ഡ് സെറ്ററാണ് മമ്മൂക്ക. കഴിഞ്ഞ ദിവസം ദുല്‍ഖര്‍ എത്തിയ ഉദ്ഘാടന വേദിയില്‍ പോലും ഉയര്‍ന്നു കേട്ടത് ‘ഇത് മമ്മൂക്ക തന്നെയാണല്ലോ’ എന്നാണ്. മുടി നീട്ടി വളര്‍ത്തിയ ദുല്‍ഖറിന്റെ ലുക്കാണ് ആരാധകര്‍ വാപ്പച്ചിേയാട് ഉപമിക്കാന്‍ കാരണം.ദുല്‍ഖറിനൊപ്പം മാളവിക മേനോനും ഉദ്ഘാടന വേദിയില്‍ എത്തിയിരുന്നു. ദുല്‍ഖറിന്റെ പുത്തന്‍ സ്റ്റൈലിനെക്കുറിച്ച് സംസാരിച്ചാണ് മാളവിക മമ്മൂക്കയെക്കുറിച്ച് ചോദിച്ചത്. ആരാണ് ദുല്‍ഖറിന്റെ ഫാഷന്‍ ഐക്കണ്‍ എന്ന് ചോദിച്ചപ്പോള്‍ തന്നെ ആരാധകര്‍ വലിയ ആവേശത്തിലായി. ‘ചെറുപ്പം മുതല്‍ ഒരേയൊരു ഫാഷന്‍ ഐക്കണ്‍ മാത്രമേ എനിക്കുള്ളൂ, അത് എന്റെ വാപ്പച്ചിയാണ്’ എന്ന് പറയുകയാണ് ദുല്‍ഖര്‍
. മമ്മൂക്കയുടെ ഫാഷന്‍ സെന്‍സിനെക്കുറിച്ച് സിനിമ ഇന്‍ഡസ്ട്രിയില്‍ തന്നെ വലിയ മതിപ്പാണ് ഉള്ളത്.
ദുല്‍ഖറിന്റെ ഓരോ പുത്തന്‍ ലുക്കും ആരാധകര്‍ക്കിടയില്‍ തരംഗമായി മാറാറുണ്ട്. ഇത്തവണയും ആ പതിവിന് മാറ്റമില്ല. പുതിയ ലുക്കും ആഘോഷപൂര്‍വ്വം ഏറ്റെടുക്കുകയാണ് ആരാധകര്‍. കിംഗ് ഓഫ് കൊത്തയ്ക്ക് വേണ്ടിയാണ് ദുല്‍ഖര്‍ മുടി നീട്ടി വളര്‍ത്തിയിരുന്നത്. മുടി അങ്ങനെ തന്നെ മെയിന്റെയ്ന്‍ ചെയ്യുകയാണ് താരം. മമ്മൂക്ക പതിനെട്ടാം പടി എന്ന ചിത്രത്തിന് വേണ്ടി ഇത്തരത്തില്‍ മുടി നീട്ടി വളര്‍ത്തി എത്തിയിരുന്നു. അതേ സ്റ്റൈലാണ് കുഞ്ഞിക്കയും എത്തിയത്.ആരാധകര്‍ക്കായി ഓക്കേ കണ്‍മണിയും സുന്ദരിപെണ്ണും പാടിയാണ് വേദിയെ ഇളക്കിമറിച്ചത്. വേദിയില്‍ ആരാധകര്‍ക്കായി ചുവടുവെച്ചും മാസ് സെല്‍ഫിയും പങ്കുവെച്ചുമാണ് ദുല്‍ഖര്‍ മടങ്ങിയത്. പ്രേക്ഷകര്‍ കാത്തിരിക്കുന്ന ദുല്‍ഖര്‍ ചിത്രമാണ് കിംഗ് ഓഫ് കൊത്ത. പാന്‍ ഇന്ത്യന്‍ താരമായി നിറഞ്ഞു നില്‍ക്കുന്ന ദുല്‍ഖര്‍ ഇന്ന് ഇന്ത്യന്‍ പ്രേക്ഷകരെ ഒന്നടങ്കം ആവേശത്തിലാഴ്ത്തുകയാണ്. മലയാളത്തില്‍ സെക്കന്‍ഡ് ഷോ എന്ന ചിത്രത്തിലൂടെ സിനിമയിലെത്തി ഇന്ന് ഭാഷയുടെ എല്ലാ ഭേദങ്ങളും കടക്കുകയാണ് താരം. സീതാരാമവും ചുപ്പുമാണ് ദുല്‍ഖറിന്റെ ഏറ്റവും ഒടുവില്‍ പുറത്തിറങ്ങിയ ചിത്രങ്ങള്‍. ഇവ രണ്ടും വലിയ ഹിറ്റാണ് താരത്തിന് സമ്മാനിച്ചത്.
@All rights reserved Typical Malayali.
Leave a Comment