പ്രതിമാസം 2 കോടി; കൊച്ചിയിലും, ദുബായിലും ആഡംബര സൗധങ്ങൾ; കോടികൾ വിലയുള്ള കാറുകള്‍; DQ നെയ്തെടുത്ത സാമ്രാജ്യം

ഇന്ത്യയിൽ ഏറ്റവും കൂടുതൽ ആരാധകരുള്ള നടന്മാരിൽ ഒരാളാണ് ദുൽഖർ സൽമാൻ . ചിലര്‍ ഡിക്യു എന്ന് വിളിക്കും മറ്റുചിലര്‍ക്ക് പ്രിയം കുഞ്ഞിക്കയാണ്. ഏറ്റവും അടുപ്പമുള്ളവര്‍ മച്ചാനേ, ചാലുക്ക എന്നൊക്കെ വിളിക്കും അങ്ങനെ അങ്ങനെ പല പേരുകളാണ് ദുൽഖര്‍ സൽമാന്.

ഡിക്യുവിന് 40 വയസ്സ് പൂർത്തിയായിരിക്കുകയാണ്. താര പുത്രനായിട്ടുകൂടി അതിന്‍റയൊരു പ്രിവിലേജും എടുക്കാതെ സ്വന്തം കഴിവും അധ്വാനവും കൊണ്ട് വളർന്നുവന്ന ചെറുപ്പക്കാരൻ കൂടിയാണ് DQ. റിപ്പോർട്ടുകൾ ശരിയെങ്കിൽ ഏകദേശം അഞ്ഞൂറുകോടിയോളം രൂപയുടെ ആസ്തി താരപുത്രൻ മാത്രമായി നേടിയിട്ടുണ്ട്.

ദുബായിലെ ഐടി ജോലി ഉപേക്ഷിച്ച് അച്ഛന്റെ പാത പിന്തുടർന്ന് സിനിമയിലേക്ക് എത്തുകയായിരുന്നു. ആ തീരുമാനം തെറ്റല്ല എന്ന് പിന്നീട് കാലം തെളിയിച്ചു. ഒരു നടനെന്ന നിലയിൽ തൻ്റെ കരിയറിൽ നിന്നുള്ള വരുമാനത്തിനൊപ്പം, ഒരു ചലച്ചിത്ര നിർമ്മാണ കമ്പനി ഉൾപ്പെടെ നിരവധി വിജയകരമായ ബിസിനസ്സ് സംരംഭങ്ങളും അദ്ദേഹം സ്വന്തമാക്കിയിട്ടുണ്ട്.

മോഹന്‍ലാല്‍ കഴിഞ്ഞാല്‍ ഏറ്റവും കൂടുതല്‍ പ്രതിഫലം വാങ്ങിക്കുന്ന താരമാണ് മമ്മൂട്ടി എന്നാണ് പൊതുവെ പറയുക. മമ്മൂട്ടിയെയും മോഹൻലാലിനെയും പോലെ ദുല്‍ഖറും ഇക്കാര്യത്തിൽ ഒട്ടും മോശമല്ല. സിനിമകളില്‍ നിന്നും പരസ്യങ്ങളില്‍ നിന്നുമായി വലിയൊരു വരുമാനവും താരം ഇതിനോടകം തന്നെ സമ്പാദിച്ചിട്ടുമുണ്ട്.

മൂന്ന് മുതല്‍ എട്ട് കോടി രൂപ വരെയാണ് പ്രതിഫലമായി താരം വാങ്ങുന്നത് എന്നാണ് റിപ്പോർട്ട്. സിനിമയിലും വാണിജ്യ പരസ്യങ്ങളിലും അഭിനയിക്കുന്നതാണ് അദ്ദേഹത്തിന്റെ പ്രധാന വരുമാന മാർഗ്ഗം. ഫിലിം പ്രൊഡക്ഷൻ ഹൗസും ചില കുടുംബബിസിനസുകളും നോക്കുന്നതും താരമാണ് എന്നും റിപ്പോർട്ടുകൾ ഉണ്ട്. ഇതെല്ലാം കൂടി പ്രതിമാസം രണ്ട് കോടിയോളം സമ്പാദിക്കുന്നുവെന്നാണ് കണക്കുകൾ.

ലൈഫ്‌സ്റ്റൈൽ ഏഷ്യയുടെ 2023-ലെ കണക്കനുസരിച്ച് ദുൽഖർ സൽമാൻ്റെ ആസ്തി 7 മില്യൺ ഡോളർ (ഏകദേശം 57 കോടി രൂപ) ആണ്, ഇത് ഇന്ഡസ്ട്രിയിലെ ഏറ്റവും സമ്പന്നനായ നടന്മാരിൽ ഒരാളാക്കി. അദ്ദേഹത്തിൻ്റെ വാർഷിക വരുമാനം 1.2 ദശലക്ഷം യുഎസ് ഡോളറാണ് ( അതയത്10 കോടി രൂപ).

ഭാഷകളുടെ അടിസ്ഥാനത്തിൽ ആണ് തന്റെ സാലറി താരം നിശ്ചയിക്കുന്നത് എന്നും റിപ്പോർട്ടുണ്ട്. 967,012 ഡോളർ (8 കോടി രൂപ) വരെയും ദുൽഖർ ഈടാക്കാറുണ്ട് എന്നും ടൈംസ് റിപ്പോർട്ടുണ്ട്. തൻ്റെ അഭിനയ ജീവിതത്തിന് പുറമേ ബ്രാൻഡ് അംബാസിഡർ ആയും മറ്റ് പരിപാടികളിൽ നിന്നും അത്യാവശ്യം നല്ലൊരു തുകയാണ് മാസാമാസം താരപുത്രന്റെ കീശയിലേക്ക് എത്തുന്നത്.

അച്ഛനെപ്പോലെ തന്നെ വാഹനപ്രേമിയായ ദുൽഖറിന്റെ കൈയ്യിൽ ഏഴുകോടികെ മുകളിൽ വിലയുള്ള വാഹനങ്ങളും ഉണ്ട്. നിരവധി ആഡംബര വാഹനങ്ങൽ സ്വന്തമായുണ്ട് Porsche 911 Carrera S, Audi Q7, Mercedes-Benz SLS AMG, Range Rover Vogue, BMW M3 Convertible, Ferrari 458 Spider, BMW X6, Mercedes Benz AMG G63, BMW Z4, BMW M5 എന്നിവ അദ്ദേഹത്തിൻ്റെ വിലപ്പെട്ട സ്വത്തുക്കളിൽ ഉൾപ്പെടുന്നു.ട്രഫ് ബോണവില്ലെ, ബിഎംഡബ്ല്യു R1200GS അഡ്വഞ്ചർ തുടങ്ങിയ ആഡംബര ബൈക്കുകളും അദ്ദേഹത്തിനുണ്ട്.

ദുൽഖർ സൽമാന് കേരളത്തിലും ദുബായിലും റിയൽ എസ്റ്റേറ്റിൽ നിക്ഷേപമുണ്ട്. ഫിനാൻഷ്യൽ എക്‌സ്‌പ്രസിൻ്റെ റിപ്പോർട്ട് അനുസരിച്ച്, ദുബായിൽ ഏകദേശം 1.6 മില്യൺ യുഎസ് ഡോളർ (14 കോടി രൂപ) വിലമതിക്കുന്ന ഒരു പെൻ്റ്‌ഹൗസ് അദ്ദേഹത്തിനുണ്ട്. അദ്ദേഹത്തിൻ്റെ കൊച്ചിയിലെ വീടിന് 12 മില്യൺ യുഎസ് ഡോളറാണ് വിലയെന്നും ടൈംസ് ഓഫ് ഇന്ത്യ പറയുന്നു.

@All rights reserved Typical Malayali.