രേവതിക്ക് ഇനി പുതിയ മുഖമോ? ഗോമതി പ്രിയ ചെമ്പനീര്‍ പൂവില്‍ നിന്നും മാറിയോ? ആശങ്കയോടെ ആരാധകര്‍
സ്ഥിരമായി കണ്ടുവരുന്നൊരു കഥാപാത്രത്തെ പെട്ടെന്ന് മാറ്റിയാല്‍ പ്രേക്ഷകര്‍ നിരാകരിക്കുകയാണ് പതിവ്. ടെലിവിഷന്‍ പരമ്പരകളില്‍ മുഖം മാറുമ്പോള്‍ ആ മാറ്റം പെട്ടെന്ന് ഉള്‍ക്കൊള്ളാറില്ല പ്രേക്ഷകര്‍. പകരക്കാരായെത്തി പിന്നീട് പ്രേക്ഷകര്‍ക്ക് പ്രിയപ്പെട്ടവരായി മാറിയവരേറെയാണ്. തുടക്കത്തില്‍ സ്വീകരിച്ചില്ലെങ്കിലും പതിയെ പ്രേക്ഷക മനസിലേക്ക് അവര്‍ ഇടിച്ചുകയറാറുണ്ട്. ചെമ്പനീര്‍പ്പൂവ് പരമ്പരയിലെ രേവതിയെ അവതരിപ്പിച്ചിരുന്ന ഗോമതി പ്രിയ മാറിയത് ആരാധകരെ നിരാശരാക്കിയിരിക്കുകയാണ്.
ചുരുങ്ങിയ കാലം കൊണ്ട് തന്നെ പ്രേക്ഷക ഹൃദയത്തില്‍ ഇടം നേടുകയായിരുന്നു ഗോമതി പ്രിയ. സച്ചിയും രേവതിയും ഞങ്ങളുടെ ഇഷ്ട ജോഡികളാണെന്നാണ് ആരാധകരും പറഞ്ഞത്. സച്ചിക്കൊപ്പം വേറൊരാളെ കാണാനാവില്ല, ഗോമതി പരമ്പരയിലേക്ക് തിരികെ വരണമെന്നാണ് പ്രേക്ഷകര്‍ പറയുന്നത്. ഗോമതിയുടെ പോസ്റ്റുകളുടെ താഴെയും ചെമ്പനീര്‍ പൂവ് പ്രമോ വീഡിയോയുടെ താഴെ വരുന്ന കമന്റുകളുമെല്ലാം ഇതേക്കുറിച്ചാണ്. പഴയ രേവതിയെ മതി, ഗോമതി തിരിച്ചുവരണമെന്നായിരുന്നു കമന്റുകളെല്ലാം.
നിങ്ങളെ നശിപ്പിക്കാനുള്ള അധികാരം ആര്‍ക്കും നല്‍കരുത്. അവര്‍ നിങ്ങളെ വേദനിപ്പിച്ചേക്കാം, പക്ഷേ അവര്‍ക്ക് നിങ്ങളെ നശിപ്പിക്കാനാവില്ല. നിങ്ങളൊരു ഫൈറ്ററാണ്, എന്തൊക്കെ അതിജീവിച്ചാണ് ഇവിടെ വരെ എത്തിയതെന്ന് സ്വയം വിലയിരുത്തുകയെന്നായിരുന്നു കഴിഞ്ഞ ദിവസം ഗോമതി ഇന്‍സ്റ്റഗ്രാമില്‍ കുറിച്ചത്. കേരള ഫാന്‍സിനോട് ഇങ്ങനെ ചെയ്യരുത്, സീരിയലില്‍ നിന്നും മാറരുതെന്നായിരുന്നു ആരാധകരുടെ കമന്റുകള്‍.
ചേച്ചി എന്തിനാണ് പരമ്പരയില്‍ നിന്നും മാറിയത്. രേവതിയായി മറ്റാരെയും കാണാന്‍ സാധിക്കില്ല, ഈ സീരിയല്‍ ഇത്രയും ഹിറ്റാവാനുള്ള കാരണം നിങ്ങളുടെ കെമിസ്ട്രിയാണ്. ചുരുങ്ങിയ കാലം കൊണ്ട് ജനങ്ങള്‍ നിങ്ങളെ ഏറ്റെടുത്തതല്ലേ, ഈ പരമ്പരയില്‍ നിന്നും മാറരുത്. രേവതിയെ തിരികെ കൊണ്ടുവരൂ, ഗോമതി പ്രിയ മാറിയാല്‍ ഈ സീരിയല്‍ കാണുന്നത് നിര്‍ത്തും. നിങ്ങളെപ്പോലെ രേവതിയെ അവതരിപ്പിക്കാന്‍ ആര്‍ക്കുമാകില്ല, അങ്ങനെ പോകുന്നു കമന്റുകള്‍. ഗോമതിയെ മാറ്റിയോ, കാരണമെന്താണെന്ന് ചോദിച്ചും ചിലരെത്തിയിരുന്നു. ഡേറ്റ് ക്ലാഷാണ് കാരണമെന്നായിരുന്നു ചിലര്‍ പറഞ്ഞത്. പോസ്റ്റിന് താഴെയുള്ള ചര്‍ച്ചകള്‍ക്കൊന്നും ഗോമതി മറുപടി നല്‍കിയിട്ടില്ല.
ആശങ്കയോടെയാണ് മലയാളത്തിലേക്ക് വന്നത്. ആളുകള്‍ സ്വീകരിക്കുമെയെന്ന ആശങ്കയുണ്ടായിരുന്നു. വളരെ പെട്ടെന്ന് തന്നെ ആളുകള്‍ എന്നെ സ്വീകരിച്ചുവെന്ന് മനസിലായതോടെയാണ് ആശങ്ക മാറിയതെന്ന് ഗോമതി പറഞ്ഞിരുന്നു. മികച്ച നടിക്കുള്ള പുരസ്കാരം ലഭിച്ചപ്പോള്‍ പ്രേക്ഷകര്‍ക്ക് നന്ദി പറഞ്ഞും താരമെത്തിയിരുന്നു. ആറ് വര്‍ഷത്തെ കഠിനാധ്വാനത്തിന്റെ റിസല്‍ട്ടാണ്. സിനിമ ടെലിവിഷന്‍ മേഖലയുമായി യാതൊരുവിധ പരിചയവുമില്ലായിരുന്നു തനിക്കെന്നും ഗോമതി അന്ന് കുറിച്ചിരുന്നു. കഠിനാധ്വാനത്തിലൂടെയാണ് മുന്നേറിയത്. വിതത്തിലെ വലിയൊരു സ്വപ്‌നമാണ് ഇതിലൂടെ സഫലമായതെന്നും അന്ന് നടി പറഞ്ഞിരുന്നു.
@All rights reserved Typical Malayali.
Leave a Comment