തന്നെ പറഞ്ഞത് ഗോപി സുന്ദര്‍ പോട്ടെ എന്ന് വച്ചു, കേട്ടിരുന്നു! അമ്മയെ പറഞ്ഞാല്‍ അങ്ങനെയാണോ? ഒന്നും അറിയാത്ത നിഷ്‌കളങ്കയായ അമ്മയെ പറഞ്ഞതിന് കേസ് കൊടുത്തു!

സോഷ്യല്‍ മീഡിയയില്‍ വളരെ അധികം സൈബര്‍ അറ്റാക്ക് നേരിട്ട സംഗീത സംവിധായകനാണ് ഗോപി സുന്ദര്‍. നെഗറ്റീവ് കമന്റുകളെയും ഗോസിപ്പുകളെയും കണ്ടില്ല എന്ന് നടിച്ച് മുന്നോട്ട് പോയാലും ചിലര്‍ അത് തുടര്‍ന്നുകൊണ്ടേയിരുന്നു. ഇപ്പോള്‍ ഏറ്റവുമൊടുവില്‍ ഇതാ അമ്മയെ കുറിച്ച് മോശമായി കമന്റിട്ട ആള്‍ക്കെതിരെ പൊലീസ് കേസ് കൊടുത്ത് രംഗത്തെത്തിയിരിയ്ക്കുകയാണ് ഗോപി സുന്ദര്‍.

ചിങ്ങം ഒന്ന് പ്രമാണിച്ച്, കേരളീയ വേഷത്തിലുള്ള ഒരു സെല്‍ഫി ചിത്രം ഗോപി സുന്ദര്‍ തന്റെ ഫേസ്ബുക്കിലൂടെ പങ്കുവച്ചിരുന്നു. അതിന് താഴെ ഒരുപാട് നെഗറ്റീവ് കമന്റുകള്‍ വന്നുവെങഅകിലും ഗോപി സുന്ദറിനെ പ്രകോപിപ്പിച്ചത് അമ്മയെ മോശമായി ചിത്രീകരിച്ചുകൊണ്ടുള്ള കമന്റാണ്. അതിനെതിരെ അപ്പോള്‍ തന്നെ ഗോപി സുന്ദര്‍ പ്രതികരിക്കുകയും. കമന്റിട്ട ആളുടെ പ്രൊഫൈല്‍ ഡീറ്റഫെയില്‍സും കൊടുത്തായിരുന്നു ആദ്യത്തെ പ്രതികരണം.

‘സുധീ നായര്‍ക്ക് എന്റെ അമ്മയെ വേണമെന്നാണ് പറയുന്നത്. അറിയില്ല, എന്ത് പറയണം എന്ന്. എന്റെ നിഷ്‌കളങ്കയായ അമ്മയെ അപമാനിച്ചതില്‍ വളരെ അധികം വേദന തോന്നുന്നു. പ്രിയപ്പെട്ട കൂട്ടുകാരെ, ഇവനെ നിങ്ങള്‍ ത്‌ന്നെ എന്തെങ്കിലും ചെയ്യണം, ഞാനില്ല. ദൈവം അവനെ അനുഗ്രഹിക്കട്ടെ’ എന്ന് പറഞ്ഞാണ് പ്രൊഫൈല്‍ ഷെയര്‍ ചെയ്തത്.

അതിന് ശേഷമാണ് അയാള്‍ക്കെതിരെ സൈബര്‍ പൊലീസില്‍ കേസ് കൊടുത്ത വിവരവും ഫേസ്ബുക്കിലൂടെ ഗോപി സുന്ദര്‍ അറിയിച്ചത്. ‘ഇന്ത്യന്‍ സംഗീത ലോകത്ത് വര്‍ഷങ്ങളായി പ്രവൃത്തിയ്ക്കുന്ന എനിക്ക്, ഈ രംഗത്ത് ദേശീയ പുരസ്‌കാരം പോലുള്ള അംഗീകാരങ്ങളും ലഭിച്ചിട്ടുണ്ട്. എന്നാല്‍ കഴിഞ്ഞ കുറച്ച് കാലങ്ങളായി തീര്‍ത്തും വ്യക്തിപരമായ കാരണങ്ങളുടെ പേരില്‍ ഞാന്‍ സൈബര്‍ അറ്റാക്ക് നേരിട്ടുകൊണ്ടിരിയ്ക്കുകയാണ്. എന്നാല്‍ അതിനെയൊന്നും ഞാന്‍ കാര്യമാക്കിയെടുത്തിരുന്നില്ല. നെഗറ്റീവ് കമന്റുകളെ അവഗണിച്ച് മുന്നോട്ടു പോകുകയായിരുന്നു. എന്നാല്‍ ഇപ്പോള്‍ നിഷ്‌കളങ്കയായ എന്റെ അമ്മയെ ഇതിലേക്ക് വലിച്ചിഴയ്ക്കുന്നു’ എന്ന് പറഞ്ഞുകൊണ്ടാണ് ഗോപി സുന്ദറിന്റെ പരാതി.

എട്ട കമന്റ് എന്താണ് എന്നും, പ്രൊഫൈലിന്റെ സ്‌ക്രീന്‍ പ്രിന്റും എല്ലാം പരാതിയ്‌ക്കൊപ്പം വച്ചിട്ടുണ്ട്. സപ്താഹം വായിക്കുന്ന സുധീ എസ് നായര്‍ ഈ കമന്റിട്ട ആള്‍ എന്ന സംശയമുള്ളതായി ഒരു പോസ്റ്റില്‍ ഗോപി സുന്ദര്‍ പറയുന്നുണ്ട്. അതുകൊണ്ട് തന്നെ ‘ഇനി നമുക്ക് സപ്താഹം വായിക്കാം’ എന്ന ക്യാപ്ഷനോടെയാണ് പരാതിയുടെ പകര്‍പ്പ് സോഷ്യല്‍ മീഡിയയില്‍ പങ്കുവച്ചത്. ഇയാളുടെ ഇന്‍സ്റ്റഗ്രാം പ്രൊഫൈലിന്റെ ലിങ്കും ഗോപി സുന്ദര്‍ ഫേസ്ബുക്കിലൂടെ ഷെയര്‍ ചെയ്തിട്ടുണ്ട്.

@All rights reserved Typical Malayali.