അമ്മായിയമ്മയ്ക്ക് ജിപി കൊടുത്ത കിടിലന്‍ ബര്‍ത്ത് ഡേ സര്‍പ്രൈസ്; ആണ് കുട്ടിയില്ലാത്ത ഒരമ്മയ്ക്ക് മകനെ കിട്ടിയ സന്തോഷം ആ മുഖത്തുണ്ട്
സോഷ്യല്‍ മീഡിയയില്‍ പണ്ടേ ഗോവിന്ദ് പദ്മസൂര്യ താരമായിരുന്നു എങ്കിലും ഗോപികയുമായുള്ള വിവാഹത്തിന് ശേഷം ആ തരാപരിവേഷം കുറച്ചു കൂടെ കൂടിയിട്ടുണ്ട്. തന്റെ ആരാധകരെ തൃപ്തിപ്പെടുത്താന്‍ എന്നോണം എല്ലായ്‌പ്പോഴും എന്തെങ്കിലുമൊക്കെ അപ്‌ഡേഷനോ, വിശേഷമോ ജിപിയും പങ്കുവയ്ക്കാറുണ്ട്. അമ്മായിയമ്മ ബീന അനിലിന്റെ ബര്‍ത്ത് ഡേ ആണ് പുതിയ വിശേഷം.
ബര്‍ത്ത് ഡേയ്ക്ക് കിടിലന്‍ ഒരു സര്‍പ്രൈസ് ആണ് ഗോവിന്ദ് പദ്മസൂര്യ ബീനാമ്മയ്ക്ക് നല്‍കിയത്. ജിപി ദുബായിലാണ്, അമ്മയുടെ ബര്‍ത്ത് ഡേയ്ക്ക് വരാന്‍ പറ്റില്ല എന്ന് നേരത്തെ അറിയിച്ചിരുന്നിരിക്കാം. ഗോപികയ്ക്കും കീര്‍ത്തനയ്ക്കും ഭര്‍ത്താവ് അനിലിനുമൊപ്പം കേക്ക് മുറിക്കുകയായിരുന്ന ബീനാമ്മയെ ജിപി പിന്നിലൂടെ വന്ന് കെട്ടിപ്പിടിയ്ക്കുകയായിരുന്നു. ശരിക്കും അമ്മ ഞെട്ടി.
‘ദുബായില്‍ നിന്നൊരു ബര്‍ത്ത് ഡേ സര്‍പ്രൈസ്’ എന്ന് പറഞ്ഞാണ് ജിപി വീഡിയോ ഇന്‍സ്റ്റഗ്രാമിലൂടെ പങ്കുവച്ചത്. വീഡിയോയില്‍ ഗോപികയുടെ എക്‌സ്പ്രഷന്‍ കണ്ടിട്ട്, ഗോപികയ്ക്ക് കാര്യം നേരത്തെ അറിയാമായിരുന്നു എന്നാണ് ആരാധകരുടെ അനുമാനം. ‘ആണ് കുട്ടിയില്ലാത്ത ഒരമ്മയ്ക്ക് മകനെ കിട്ടിയതുപോലെ ഒരു സന്തോഷം ബീനാമ്മയുടെ മുഖത്തുണ്ട്’ എന്ന് ഒരാരാധകന് പറയുന്നു. ഈ നിമിഷം വളരെ വിലപ്പെട്ടതാണെന്നും, ഈ സന്തോഷം എന്നും നിലനില്‍ക്കെട്ട എന്നുമൊക്കെയുള്ള ആശംസകളും കമന്റുകളും വേറെയും വരുന്നുണ്ട്.
പക്ക ഒരു ഫാമിലി പേഴ്‌സണാണ് ജിപി. ജിപി പ്രണയിച്ച് വിവാഹം ചെയ്യും എന്ന് പലരും പ്രെഡിക്ട് ചെയ്തുവെങ്കിലും, ഇല്ല എനിക്ക് അറേഞ്ച്ഡ് മാര്യേജ് തന്നെയായിരിക്കും എന്ന് ജിപി പറഞ്ഞിരുന്നു. അങ്ങനെ വീട്ടുകാരായി കണ്ടെത്തിയ പെണ്‍കുട്ടി തന്നെയാണ് ഗോപിക. ഇരുവരുടെയും വിവാഹത്തിന്റെ ഓരോ ചടങ്ങിലും ജിപി കുടുംബവുമായി എത്രമാത്രം സിങ്കാണെന്നും വ്യക്തമായിരുന്നു. ഗോപികയുടെ കുടുംബമായും ജിപി വളരെ പെട്ടന്ന് അടുക്കുകയും ചെയ്തു.
ബാലതാരമായി അഭിനയ ലോകത്തേക്ക് എത്തിയ ഗോപിക പ്രേക്ഷക ശ്രദ്ധ നേടിയത് സാന്ത്വനം എന്ന സീരിയലില്‍ അഞ്ജലിയായി വന്നതിന് ശേഷമാണ്. ഇപ്പോള്‍ അച്ചു സുഗന്ദ് ആദ്യമായി സംവിധാനം ചെയ്യുന്ന ഹ്രസ്വ ചിത്രത്തില്‍ അഭിനയിച്ചു നില്‍ക്കുകയാണ് താരം. മറ്റ് പ്രൊജക്ടുകള്‍ ഒന്നും ഏറ്റെടുത്തിട്ടില്ല.
ടെലിവിഷന്‍ ആങ്കറായി പ്രേക്ഷക പ്രിയം നേടിയ ജിപിയുടെ തുടക്കം സിനിമയില്‍ കുഞ്ഞു കുഞ്ഞു വേഷങ്ങള്‍ ചെയ്തുകൊണ്ടായിരുന്നു. എന്നാല്‍ ഇന്ന് തെലുങ്കില്‍ വില്ലന്‍ എന്ന നിലയിലും ജിപി ശ്രദ്ധേയനാണ്. നായകനായി അഭിനയിച്ച മനോരാജ്യം എന്ന മലയാള സിനിമയാണ് ഏറ്റവുമൊടുവില്‍ റിലീസ് ചെയ്തത്. പൂര്‍ണമായും മെല്‍ബണില്‍ ചിത്രീകരിച്ച സിനിമയ്ക്ക് മികച്ച അഭിപ്രായങ്ങളാണ് കിട്ടുന്നത്.
@All rights reserved Typical Malayali.
Leave a Comment