ഡിവോഴ്സ് ഏറ്റവും കൂടുതൽ സംഭവിക്കുന്നത് ഹിന്ദുമതത്തിൽ; ഏറ്റവും കൂടുതൽ മതം മാറ്റുന്നത് ജ്യോതിഷികൾ ആണ്; ഹരി പറയുന്നു

ജീവിതത്തിൽ വരുന്ന നെഗറ്റിവ് കാര്യങ്ങളെ താൻ ശ്രദ്ധിക്കാറില്ലെന്ന് ജ്യോതിഷി ഹരി പത്തനാപുരം. എന്റെ അടുത്തേക്ക് പോസിറ്റീവ് കാര്യങ്ങൾകൊണ്ട് ആരും വരാറില്ല, പക്ഷെ ഞാൻ എന്റെ ജീവിതത്തിലെ പോസിറ്റീവ് കാര്യങ്ങളെ കൂടുതൽ കണ്ടെത്താൻ ശ്രമിക്കുന്ന ആളാണ്. എനിക്ക് കുറേക്കാലം വീടില്ലായിരുന്നു. വീടില്ല വീടില്ല എന്ന് ചിന്തിച്ചിരുന്നാൽ എനിക്ക് പോസിറ്റീവ് ആകാൻ ആകില്ല- ഹരി ആനീസ് കിച്ചണിൽ പറയുന്നു. ഒപ്പം ഒരു അനുഭവകഥയും അദ്ദേഹം പങ്കുവച്ചു.

ഒരിക്കൽ എല്ലാ ദോഷങ്ങളും തീർക്കാം എന്നുപറഞ്ഞുകൊണ്ട് ഒരു മന്ത്രവാദി അൻപതിനായിരം രൂപ ഒരു സ്ത്രീയോട് ആവശ്യപ്പെടുന്നു. അവർ അത് കൊടുക്കുകയും പൂജ നടത്തുകയും ചെയ്തു. പൂജക്ക് ശേഷം ഈ മന്ത്രവാദി മുൻപോട്ട് വച്ച കാര്യമാണ് വിചിത്രം. എല്ലാദിവസവും ഒരു മന്ത്രം ചൊല്ലണം. മന്ത്രം ചൊല്ലുമ്പോൾ മഞ്ഞകളർ ഓർക്കരുത് എന്നായിരുന്നു പറഞ്ഞത്. എന്നാൽ കൃത്യമായി നമ്മൾ മഞ്ഞകലർ ഓർത്തുപോകുമല്ലോ. സ്വാഭാവികമായും അവർ കാരണമാണ് ഇങ്ങനെ സംഭവിച്ചത് എന്ന ചിന്ത അവരിലേക്ക് വരികയും മന്ത്രവാദി രക്ഷപെടുകയും ചെയ്യുന്നു.

വെറുപ്പ് കിട്ടാത്ത ഒരാൾ ആണ് ആനി. എത്രയോ പോസിറ്റീവായ കാര്യങ്ങൾ ഉണ്ട് ജീവിതത്തിൽ അത് ആലോചിച്ചു നോക്കിയാൽ ആനി ഹാപ്പി ആകും. എൺപതുശതമാനം ആളുകളുടെയും വിഷയം ഓവർ തിങ്കിങ് ആണ്. പ്രശ്നം ഇല്ലാത്തത് ആണ് വിഷയം. ജ്യോതിഷപ്രകാരം ചില മോശവും സമയങ്ങൾ ഉണ്ട്. അവർക്കുള്ള പരിഹാരം ഉറപ്പായും ശാസ്ത്രം നൽകും. ജ്യോതിഷത്തിൽ വിവാഹം നടക്കുന്ന ഒരു സമയം ഉണ്ട്. അതിൽ വിശ്വസിക്കുന്ന ആളുകൾക്ക് അത് ബാധകം ആണ്. പൊരുത്തം നോക്കാതെ വിവാഹം കഴിഞ്ഞിട്ട് എത്രയോ ആളുകൾ സന്തോഷത്തോടെ ജീവിക്കുന്നു. ഏറ്റവും കൂടുതൽ ഡിവോഴ്സ് നടക്കുന്നത് ഹിന്ദുക്കൾക്ക് ഇടയിലാണ്. അവർ പത്തുപോരുത്തവും നോക്കി നടത്തിയ വിവാഹങ്ങൾ ആയിരിക്കാം.

എന്താണ് പ്രശ്നം എന്ന് വച്ചാൽ കുഞ്ഞു കുഞ്ഞു കാര്യങ്ങൾക്കാണ്‌ ഡിവോഴ്സ് നടക്കുന്നത് എന്നാണ്. ആരും പറഞ്ഞാൽ കേൾക്കില്ല. അതേസമയം ഒരു മുസ്‌ലിം കുടുംബത്തിൽ ആണ് ഡിവോഴ്സ് നടക്കുന്നത് എങ്കിൽ പള്ളിയും കമ്മറ്റിയും ഉസ്താദുമാരും ഇടപെടും. അത് അവർ അനുസരിക്കും. ക്രിസ്തുമതത്തിലും അങ്ങനെ ആണ്. എന്നാൽ ഹിന്ദുമതത്തിൽ അങ്ങനെ സംഭവിക്കുന്നില്ല. സംഭവിച്ചാലും ആരും കേൾക്കില്ല. ഇത് പറഞ്ഞു കൊടുക്കേണ്ടത് ജ്യോതിഷികൾ ആണ്. ഈ പൊരുത്തം നോക്കുന്ന ജ്യോതിഷികൾ എന്ന് പറയുന്നത് പ്രീ മാര്യേജ് കൗൺസിലേഴ്‌സ് ആകണം. റിയാലിറ്റി നേരത്തെ കുട്ടികൾക്ക് ജ്യോതിഷികൾ പറഞ്ഞു കൊടുക്കണം. ഞാൻ ഒരു ജാതകം നോക്കിയാൽ പെൺകുട്ടിയെയും ചെക്കനേയും കാണണം എന്ന് പറയും. പിന്നെ അവരോട് ഒന്ന് സംസാരിക്കും. ഞാൻ മനസിലാക്കിയ കാര്യങ്ങൾ അവർക്ക് പറഞ്ഞു നൽകും ആനീസ് കിച്ചണിൽ ഹരി പറയുന്നു.

@All rights reserved Typical Malayali.