ഭാര്യയും ഭര്‍ത്താവുമായിക്കഴിഞ്ഞതിന് ശേഷമുള്ള ആദ്യ യാത്ര! ഇനിയും ഒരുപാട് പോവാനുണ്ടെന്ന് ഹരിത നായര്‍

ടെലിവിഷന്‍ പ്രേക്ഷകര്‍ക്ക് സുപരിചിതയാണ് ഹരിത നായര്‍. കുടുംബശ്രീ ശാരദയില്‍ സുസ്മിത എന്ന നെഗറ്റീവ് ക്യാരക്ടര്‍ അവതരിപ്പിക്കുന്നത് ഹരിതയാണ്. മോഡലിംഗില്‍ നിന്നുമാണ് താരം അഭിനയ മേഖലയിലേക്ക് എത്തുന്നത്. ചുരുങ്ങിയ കാലം കൊണ്ട് തന്നെ പ്രേക്ഷകര്‍ക്ക് പ്രിയങ്കരിയായി മാറുകയായിരുന്നു. സോഷ്യല്‍മീഡിയയില്‍ സജീവമായ ഹരിത പങ്കിടുന്ന വിശേഷങ്ങള്‍ പെട്ടെന്ന് തന്നെ വൈറലായി മാറാറുണ്ട്. അടുത്തിടെയായിരുന്നു ഹരിതയുടെ വിവാഹം. വിവാഹ വിശേഷങ്ങളെല്ലാം വൈറലായിരുന്നു. എന്‍ഗേജ്‌മെന്റ് മുതലുള്ള വിശേഷങ്ങളെല്ലാം ഹരിത പങ്കുവെക്കുന്നുണ്ടായിരുന്നു. നിമിഷനേരം കൊണ്ട് തന്നെ പോസ്റ്റുകളെല്ലാം വൈറലായി മാറിയിരുന്നു. ഇടയ്ക്ക് ആരാധകരുടെ ചോദ്യങ്ങളും ഹരിത പരിഗണിച്ചിരുന്നു

മോഡലിംഗ് ചെയ്തിരുന്ന സമയത്ത് പരസ്യങ്ങളില്‍ നിന്നും അവസരം ലഭിച്ചിരുന്നു. സീരിയലില്‍ അഭിനയിക്കാനായി ക്ഷണിച്ചിരുന്നുവെങ്കിലും അന്ന് സ്വീകരിച്ചിരുന്നില്ല. പൊതുവെ ഒരു നെഗറ്റീവ് കാഴ്ചപ്പാടായിരുന്നു അതേക്കുറിച്ച് ഉണ്ടായിരുന്നത്. പിന്നീടാണ് അത് മാറിയത്. ചെമ്പരത്തിയിലൂടെയായിരുന്നു മിനിസ്‌ക്രീനില്‍ അരങ്ങേറിയത്. സ്റ്റെബിനായിരുന്നു അതിന് നിമിത്തമായത്. കുറച്ചുകാലമേ ഈ ക്യാരക്ടര്‍ ഉണ്ടാവുകയുള്ളൂ എന്ന് തുടക്കത്തില്‍ പറഞ്ഞിരുന്നുവെങ്കിലും കുറച്ചുകാലം കൂടി അത് പോയിരുന്നു.

ഇന്‍ഡസ്ട്രിയുമായി ഒരു ബന്ധവുമില്ലാത്ത ആളാണ് സനോജ് എന്ന് ഹരിത പറഞ്ഞിരുന്നു. ആഗ്രഹിച്ചത് പോലെയുള്ള പങ്കാളിയെയാണ് കിട്ടിയതെന്നും താരം തുറന്നുപറഞ്ഞിരുന്നു. ഇതുവരെ കണ്ടിട്ടുള്ളതില് ഏറ്റവും മികച്ച വ്യക്തി എന്നായിരുന്നു സനോജിനെ വിശേഷിപ്പിച്ചത്. യൂട്യൂബിലും ഇന്‍സ്റ്റഗ്രാമിലുമായി സനോജിന്റെ ചിത്രങ്ങളും വീഡിയോകളും ഹരിത പങ്കുവെക്കാറുണ്ട്. വിവാഹ ശേഷമുള്ള വിശേഷങ്ങളാണ് ഇപ്പോള്‍ ചര്‍ച്ചയായിക്കൊണ്ടിരിക്കുന്നത്. ഭാര്യയും ഭര്‍ത്താവുമായതിന് ശേഷമുള്ള ആദ്യ യാത്ര. ഇനിയും കുറേ ട്രിപ്പുകള്‍ പോവാനുണ്ടെന്നുമായിരുന്നു ഹരിത കുറിച്ചത്. താരങ്ങളും ആരാധകരുമടക്കം നിരവധി പേരാണ് പോസ്റ്റിന് താഴെയായി അഭിപ്രായം രേഖപ്പെടുത്തിയിട്ടുള്ളത്.

മാട്രിമോണിയല്‍ വഴിയായിരുന്നു ഹരിതയും സനോജും കണ്ടുമുട്ടിയത്. ദുബായില്‍ ജോലി ചെയ്യുകയാണ് അദ്ദേഹം. ഏഴ് മാസത്തെ പരിചയത്തിന് ശേഷമായിരുന്നു വിവാഹം. അത്രയും നാളത്തെ പരിചയമേ ഉണ്ടായിരുന്നുള്ളൂവെങ്കിലും വര്‍ഷങ്ങളായി അറിയാവുന്നവരെപ്പോലെയാണ് ഞങ്ങളെന്ന് ഇരുവരും പറഞ്ഞിരുന്നു. തുടക്കം മുതലേ തന്നെ രണ്ടുപേര്‍ക്കും അങ്ങനെയാണ് അനുഭവപ്പെട്ടത്. ആ സൗഹൃദം ഇപ്പോഴും ഞങ്ങള്‍ നിലനിര്‍ത്തുന്നുണ്ടെന്നും ഇരുവരും വ്യക്തമാക്കിയിരുന്നു. ഭര്‍ത്താവിനൊപ്പമായി ദുബായിലേക്ക് പോയതിനെക്കുറിച്ചും ഹരിത പറഞ്ഞിരുന്നു. ഇനി പരമ്പരയില്‍ ഉണ്ടാവില്ലേ, അഭിനയം അവസാനിപ്പിക്കുകയാണോയെന്നായിരുന്നു ആരാധകര്‍ ചോദിച്ചത്. കാത്തിരുന്ന് കാണൂയെന്നായിരുന്നു ഹരിത ക്യുആന്‍ഡ്എയില്‍ മറുപടിയേകിയത്.

@All rights reserved Typical Malayali.