ഞാൻ എനിക്ക് ഇഷ്ടമുള്ള വസ്ത്രം ധരിക്കും ..കാണാൻ പറ്റുന്നവർ കണ്ടാൽമതി ..

കേരളത്തിലെ ഉദ്ഘാടനങ്ങളുടെ ബ്രാന്റ് അംബാസിഡര്‍ എന്നാണ് ഇന്ന് ഹണി റോസ് അറിയപ്പെടുന്നത്. വളരെ അധികം ആസ്വദിച്ചാണ് ഞാന്‍ അത് ചെയ്യുന്നത് എന്ന് അഭിമാനത്തോടെ ഹണി റോസ് പറയുന്നു. അതുമായി ബന്ധപ്പെട്ട് വരുന്ന ട്രോളുകള്‍ എല്ലാം ഞാന്‍ ആസ്വദിക്കാറുമുണ്ട്. നെഗറ്റീവ് കമന്റുകള്‍ വായിക്കാറെ ഇല്ല, നമ്മളെ തകര്‍ക്കാന്‍ ശ്രമിയ്ക്കുന്ന അത്തരം നെഗറ്റീവ് കമന്റുകള്‍ തലയിലെടുത്ത് വെറുതേ ജീവിതത്തിലെ സമാധാനം നശിപ്പിക്കുന്നത് എന്തിനാണ്. എന്നെ സംബന്ധിച്ച് സമാധാനമാണ് ഏറ്റവും പ്രധാനം എന്ന് ഹണി പറയുന്നു. ഫ്‌ളവേഴ്‌സ് ഒരു കോടി വിത്ത് കോമഡി എന്ന ഷോയില്‍ പങ്കെടുത്ത് സംസാരിക്കുകയായിരുന്നു ഹണി റോസ്.

ഉദ്ഘാടനത്തിന് ധരിക്കുന്ന വസ്ത്രങ്ങളെ കുറിച്ചും, വെളുക്കാന്‍ എന്തെങ്കിലും ഇന്‍ഞ്ചക്ഷന്‍ ചെയ്‌തോ എന്ന കാര്യങ്ങളും ശ്രീകണ്ഠന്‍ നായര്‍ ചോദിയ്ക്കുന്നുണ്ട്. ഉദ്ഘാടനത്തിന് ധരിക്കുന്ന വസ്ത്രം ചിലതൊക്കെ നമ്മുടെ താത്പര്യമാണ്, മറ്റു ചിലത് എന്ത് ധരിക്കണം എന്ന് വിളിക്കുന്നവര്‍ പറയാറുണ്ട്. വസ്ത്ര വ്യാപാരത്തിന്റെ ഷോപ്പ് ആണ് ഉദ്ഘാടനം ചെയ്യുന്നത് എങ്കില്‍, ചിലപ്പോള്‍ അവര്‍ നമുക്കുള്ള വസ്ത്രം എത്തിക്കും. അത് ധരിച്ചാണ് പോകുന്നത്.

എന്തൊക്കെ പറഞ്ഞാലും ഉദ്ഘാടനം ചെയ്യാന്‍ പോവുമ്പോള്‍ അത്രയും ആളുകള്‍ നമുക്ക് വേണ്ടി കാത്തിരിയ്ക്കുന്നതും, അവരുമായി നമുക്ക് നേരിട്ട് സംവദിക്കാന്‍ കഴിയുന്നതും വളരെ അധികം സന്തോഷം തരുന്ന കാര്യമാണ്. ഒരേ സ്ഥലത്ത് ഒന്ന് രണ്ട് ആഴ്ചയുടെ വ്യത്യാസത്തില്‍ പല ഷോപ്പുകളും ഉദ്ഘാടനം ചെയ്യാന്‍ ഞാന്‍ പോയിട്ടുണ്ട്. അപ്പോഴും ലഭിയ്ക്കുന്ന സ്‌നേഹത്തിനും ആള്‍ക്കൂട്ടത്തിനും ഒരു കുറവും ഉണ്ടാവാറില്ല. അതൊരു പ്രത്യേക സന്തോഷവും അഭിമാനവുമാണ് എന്ന് ഹണി റോസ് പറഞ്ഞു.

തെലുങ്ക് സിനിമകളില്‍ സജീവമായതിന് ശേഷം ഹൈദരബാദിലും ഒരുപാട് ഷോപ്പുകള്‍ ഉദ്ഘാടനം ചെയ്യാനായി പോയിട്ടുണ്ട്. ഇവിടെ കിട്ടുന്നതില്‍ നിന്നെല്ലാം വളരെ വ്യത്യസ്തമായ സ്വീകരണമാണ് അവിടെ കിട്ടുന്നത്. പൊലീസുകാരൊക്കെയാണ് സെക്യൂരിറ്റികളായി നില്‍ക്കുന്നത്. എത്രയൊക്കെ തിരക്കുണ്ടെങ്കിലും ആളുകള്‍ വന്നു ചേരും. സിനിമാ താരങ്ങളെ അവര്‍ കാണുന്ന രീതി തന്നെ വേറെയാണ്. ആ സ്‌നേഹം അനുഭവിച്ചു തന്നെ അറിയണം എന്നാണ് ഹണി പറയുന്നത്.

ഇന്ന് ആണ്‍ – പെണ്‍ വ്യത്യാസമില്ലാതെ വെളുക്കാനായി പലരും പലതും ചെയ്യുന്ന കാര്യമാണ്, പലതരത്തിലുള്ള ഇന്‍ഞ്ചക്ഷനും അതിനായി ഉണ്ട്. ഇത്തരത്തില്‍ എന്തെങ്കിലും ഇന്‍ഞ്ചക്ഷനോ പൊടിക്കൈയകളോ ഹണി റോസ് ചെയ്തിട്ടുണ്ടോ എന്നായിരുന്നു ശ്രീകണ്ഠന്‍ നായരുടെ ഒരു ചോദ്യം. തീര്‍ച്ചയായും മുഖത്ത് ചില മിനുക്ക് പണികളൊക്കെ ചെയ്യുന്ന ആള്‍ തന്നെയാണ് ഞാന്‍. പക്ഷേ ഈ പറയുന്നത് പോലുള്ളതൊന്നും അല്ല. ഒരുപാട് ചെലവുകള്‍ വരുന്ന ട്രീറ്റ്‌മെന്റ്‌സ് ഒന്നും ചെയ്തിട്ടില്ല. നമ്മുടെ സ്‌കിന്‍ കെയറിന്റെ ഡ്‌കോടറുടെ നിര്‍ദ്ദേശപ്രകാരമുള്ള ട്രീറ്റ്‌മെന്റുകള്‍ മാത്രമേ ചെയ്തിട്ടുള്ളൂ. ഈ ഇന്റസ്ട്രിയില്‍ നില്‍ക്കുമ്പോള്‍ അത് അത്യാവശ്യമാണ്- ഹണി റോസ് വ്യക്തമാക്കി.

@All rights reserved Typical Malayali.