നിങ്ങളുടെ കഠിനപ്രയ്തനം നേരില്‍ കാണുന്നതാണ്! കണ്‍ഗ്രാറ്റ്‌സ് ക്യാപ്റ്റന്‍! ഭര്‍ത്താവിന്റെ കരിയറിലെ പുതിയ നേട്ടത്തെക്കുറിച്ച് മെറിന്‍ ഗ്രിഗറി
ഐഡിയ സ്റ്റാര്‍ സിംഗറിലൂടെയായി പ്രേക്ഷകര്‍ക്ക് പ്രിയങ്കരിയായി മാറിയതാണ് മെറിന്‍ ഗ്രിഗറി. ജീവിതത്തിലെ സുപ്രധാന വഴിത്തിരിവുകളിലൊന്നായിരുന്നു ഇത്. പല ഗായകരും അതേക്കുറിച്ച് തുറന്നുപറഞ്ഞിട്ടുണ്ട്. സമാനമായിരുന്നു മെറിന്റെ കരിയറും. ഷോയിലെ അനുഭവങ്ങളെക്കുറിച്ച് ഇടയ്ക്ക് വാചാലയവാറുണ്ട് അവര്‍.
സിനിമകളും ആല്‍ബം ഗാനങ്ങളും റിയാലിറ്റി ഷോകളുമൊക്കെയായി സജീവമാണ് മെറിന്‍. സോഷ്യല്‍മീഡിയയിലൂടെയും തന്റെ വിശേഷങ്ങള്‍ ഗായിക പങ്കുവെക്കാറുണ്ട്. ഐഡിയ സ്റ്റാര്‍ സിംഗറില്‍ മെന്റര്‍മാരിലൊരാളായി മെറിനുമുണ്ട്. ചിത്രയ്ക്കും സുജാതയ്ക്കുമൊപ്പമുള്ള ചിത്രങ്ങളും വീഡിയോയും ഇന്‍സ്റ്റഗ്രാമിലൂടെ പങ്കുവെച്ചിരുന്നു. ഇപ്പോഴിതാ ജീവിതത്തിലെ പുതിയ സന്തോഷത്തെക്കുറിച്ച് പറഞ്ഞുള്ള മെറിന്റെ പോസ്റ്റാണ് വൈറലായിക്കൊണ്ടിരിക്കുന്നത്.
പൈലറ്റായ അങ്കിതാണ് മെറിന്റെ ജീവിതപങ്കാളി. വിശേഷ ദിനങ്ങളില്‍ അങ്കിതിന് ആശംസ അറിയിച്ച് ഗായിക എത്താറുണ്ട്. കണ്‍ഗ്രാറ്റ്‌സ് ക്യാപറ്റന്‍ അങ്കിത്, ഞാനും മധുവും നിങ്ങളെക്കുറിച്ചോര്‍ത്ത് അഭിമാനിക്കുന്നു. ഒരുപാട് സന്തോഷത്തോടെയാണ് ഞാന്‍ ഈ പോസ്റ്റ് പങ്കുവെക്കുന്നത്. നിങ്ങളുടെ കഠിനാധ്വാനം നേരില്‍ കാണുന്നതാണ് ഞാന്‍. അതിരാവിലെ എഴുന്നേറ്റ് പഠിക്കുന്നതും, എല്ലാ ദിവസവും നിശ്ചിത സമയം പഠനത്തിനായി മാറ്റിവെക്കുന്നതുമെല്ലാം എനിക്കറിയാവുന്ന കാര്യമാണ്. എന്നെക്കൊണ്ട് എന്തായാലും അതിന് കഴിയില്ലെന്നും ഗായിക പറയുന്നു.
ചെയ്യുന്ന കാര്യങ്ങളിലെല്ലാം മിതത്വം നിലനിര്‍ത്തുന്ന നിങ്ങളുടെ സ്വഭാവം എന്നെ ആകര്‍ഷിച്ചിട്ടുണ്ട്. എല്ലാം അതുപോലെ തന്നെ മുന്നേറട്ടെ. ദൈവം നിങ്ങള്‍ക്ക് മികച്ചത് തരട്ടെ. നിങ്ങള്‍ക്കൊപ്പംയാത്ര ചെയ്യാനായി കാത്തിരിക്കുകയാണ് ഞങ്ങള്‍ എന്നുമായിരുന്നു മെറിന്‍ കുറിച്ചത്. സുഹൃത്തുക്കളും ആരാധകരുമടക്കം നിരവധി പേരാണ് പോസ്റ്റിന് താഴെയായി അങ്കിതിന് ആശംസ അറിയിച്ച് എത്തിയിട്ടുള്ളത്. തന്റെ മോട്ടിവേറ്ററും ബെസ്റ്റ് ഫ്രണ്ടുമെല്ലാം അങ്കിതാണെന്ന് മുന്‍പ് മെറിന്‍ വ്യക്തമാക്കിയിരുന്നു. നടാഷയാണ് ഇവരുടെ മകള്‍. മകളുടെ വിശേഷങ്ങളും മെറിന്‍ ഇന്‍സ്റ്റഗ്രാമിലൂടെ പങ്കുവെക്കാറുണ്ട്.
കുട്ടിക്കാലം മുതലേ സംഗീതം അഭ്യസിച്ചിട്ടുണ്ട് മെറിന്‍. ആല്‍ബങ്ങളിലൂടെയായിരുന്നു ആദ്യം ശ്രദ്ധ നേടിയത്. ഐഡിയ സ്റ്റാര്‍ സിംഗറിലൂടെ ജനഹൃദയങ്ങളില്‍ ഇടം നേടുകയായിരുന്നു. സിനിമയില്‍ പാടിത്തുടങ്ങിയതോടെ നിരവധി അവസരങ്ങളായിരുന്നു ലഭിച്ചത്. എം ജയചന്ദ്രന്‍ ഐഡിയ സ്റ്റാര്‍ സിംഗറില്‍ അതിഥിയായി എത്തിയപ്പോള്‍ ഇതില്‍ നിന്നൊരാളെ എന്റെ സിനിമയിലേക്ക് പാടാന്‍ വിളിക്കുമെന്ന് പറഞ്ഞിരുന്നു. അതിനുള്ള അവസരം എനിക്ക് ലഭിക്കുമെന്ന് കരുതിയിരുന്നില്ല. ഷോയിലുണ്ടായിരുന്ന സമയത്തായിരുന്നു ‘റോമിയോ’യില്‍ പാടാന്‍ അവസരം ലഭിച്ചത്. ജോമോന്റെ സുവിശേഷങ്ങളിലെ നോക്കി നോക്കി എന്ന പാട്ട് ഹിറ്റായതോടെയാണ് എന്നെ കൂടുതല്‍ പേര്‍ തിരിച്ചറിഞ്ഞതെന്നും മെറിന്‍ പറഞ്ഞിരുന്നു.
@All rights reserved Typical Malayali.
Leave a Comment