അണപ്പല്ല് തട്ടി നാവിലുണ്ടായ മുറിവ് കാന്‍സര്‍ ആയി, അവസാന നാളുകളില്‍ കാറ്റടിച്ചാല്‍ പോലും വേദനിക്കുന്ന അവസ്ഥ; ജിഷ്ണുവിനെ കുറിച്ച് അച്ഛന് പറഞ്ഞത്
മൂന്നാം തവണയും കാന്‍സര്‍ വന്നപ്പോഴാണ് അമൃത ആശുപത്രിയില്‍ എത്തിച്ചത്. അപ്പോഴേക്കും ശരീരം നന്നായി ക്ഷീണിച്ചിരുന്നു. കൈയ്യും കാലും ചലിപ്പിക്കാന്‍ പോലും പറ്റാത്ത അവസ്ഥയായിരുന്നു. ഇന്ത്യ മുഴുവന്‍ സഞ്ചരിച്ച് എല്ലാവരോടും സംസാരിച്ച് ഓടി നടന്ന മകന്‍ പെട്ടന്ന് ഒന്നും മിണ്ടാന്‍ പറ്റാതെ നില്‍ക്കുന്ന അവസ്ഥ ഏതെങ്കിലും അച്ഛന് കണ്ട് നില്‍ക്കാന്‍ കഴിയുമോ. അവസാന കാലങ്ങളില്‍ ഇട്ടിരുന്ന ഷര്‍ട്ടിന്റെ ബട്ടന്‍ പോലും തനിച്ച് അഴിക്കാന്‍ പറ്റില്ലായിരുന്നു. ഒരു കാറ്റ് വന്നാല്‍ വേദനിക്കുന്ന ശരീരമായിരുന്നു. ഞങ്ങളെ വേദനിപ്പിക്കേണ്ട എന്ന് കരുതി ഒന്നും പറയില്ല. ഭക്ഷണം കഴിക്കാനും, മൂത്രം എടുത്ത് മാറ്റാനും വേണ്ടി ശരീരത്തില്‍ രണ്ട് തുള ഇട്ടിരുന്നു. വല്ലാത്ത ഒരു അവസ്ഥയായായിരുന്നു അത് എന്നാണ് രാഘവന് പറഞ്ഞത്
ജിഷ്ണുവിന്റെ ഓര്‍മ
ഓര്‍ക്കുമ്പോള്‍ ഇപ്പോഴും നീറ്റലുണ്ടാക്കുന്ന വേര്‍പാടുകള്‍ ഒരുപാടാണ് മലയാള സിനിമയില്‍. അതിലൊന്നാണ് നടന് ജിഷ്ണു രാഘവന്റെയും. നടന് എന്നതിനപ്പുറം മരണം വന്ന് വിളിയ്ക്കുന്നത് വരെയും, തന്റെ തളര്‍ച്ചയെ ലോകത്തിന് മുന്നില്‍ കാണിക്കാതെ ധീരതയോടെ നിന്ന നടന്, വ്യക്തി എന്ന നിലയിലാണ് ജിഷ്ണുവിനെ ഇന്നും മലയാളികള്‍ ഓര്‍ക്കുന്നത്.
മാര്‍ച്ച് 25 ന് ജിഷ്ണു മരണപ്പെട്ടിട്ട് ഏഴ് വര്‍ഷം പൂര്‍ത്തിയാവുകയാണ്. ഇപ്പോഴും ജിഷ്ണുവിന്റെ വേര്‍പാട്, ഏതോ ഒരു സിനിമയുടെ ക്ലൈമാക്‌സ് മാത്രമാണ്. ഇപ്പോഴും ജിഷ്ണു എവിടെയോ ജീവിയ്ക്കുന്നുണ്ട് എന്ന പ്രതീതിയാണ് പ്രേക്ഷകര്‍ക്ക്. നടന്റെ ഏഴാം ചരമവാര്‍ഷികത്തില്‍ മകന്റെ വേര്‍പാടിനെ കുറിച്ച് അച്ഛന് രാഘവന് പറഞ്ഞ കാര്യങ്ങള്‍ വീണ്ടും വൈറലാവുകയാണ്.
1987 ല്‍ ആണ് ജിഷ്ണുവിന്റെ സിനിമാ അരങ്ങേറ്റം. അച്ഛന് രാഘവന്റെ കിളിപ്പാട്ട് എന്ന സിനിമയിലൂടെ ബാലതാരമായി ജിഷ്ണു അരങ്ങേറ്റം കുറിച്ചു. അതിന് ശേഷം സിനിമയില്‍ നിന്നും പൂര്‍ണമായും വിട്ടുനിന്ന ജിഷ്ണു നമ്മള്‍ എന്ന സിനിമയിലൂടെയാണ് രണ്ടാം വരവ് നടത്തുന്നത്.
കുഞ്ഞുന്നാള്‍ മുതല്‍ ജിഷ്ണുവിന് അഭിനയിക്കാന്‍ വലിയ താത്പര്യമായിരുന്നുവത്രെ. കളിപ്പാട്ട് എന്ന ചിത്രത്തിന് ശേഷം ഒരുപാട് അവസരങ്ങളും വന്നിരുന്നു. പക്ഷെ അവന് ചെറുപ്പത്തില്‍ ഷൂട്ടിങിന് പോകുമ്പോള്‍ കൂടെ ആരെങ്കിലും പോകണമല്ല. എനിക്ക് അതിന് സമയം ഉണ്ടായിരുന്നില്ല. അമ്മ അങ്ങനെ പുറത്തേക്കൊന്നും പോകുന്ന ആളായിരുന്നില്ല. ഞങ്ങളെ മനസ്സിലാക്കിയത് കൊണ്ടാവും പിന്നീട് അവന് അഭിനയിക്കണം എന്ന ആഗ്രഹത്തെ കുറിച്ചൊന്നും പറഞ്ഞിട്ടില്ല എന്നാണ് രാഘവന് പറയുന്നത്.
ചലച്ചിത്ര അക്കാദമിയുടെ ഒരു പരിപാടിയില്‍ വച്ചാണ് പിന്നീട് ഞാന്‍ സംവിധായകന്‍ കമലിനെ കാണുന്നത്. അവിടെ വച്ച് അദ്ദേഹം ചെയ്യാന്‍ പോകുന്ന പുതിയ ചിത്രത്തെ കുറിച്ച് പറഞ്ഞു. രണ്ട് ചെറുപ്പക്കാരുടെ കഥയാണ്. ഒരാളെ കിട്ടിയിട്ടുണ്ട്, ഭരതേട്ടന്റെ മകന്‍ സിദ്ധാര്‍ത്ഥ്. അടുത്ത ഒരാളെ കൂടെ വേണം. ആ നടന് അല്പം പൊക്കവും വേണം എന്ന് കമല്‍ പറഞ്ഞപ്പോള്‍ വീട്ടില്‍ ഒരാളുണ്ട്, ആറടി പൊക്കമുള്ള എന്റെ മകന്‍ എന്ന് പറഞ്ഞത് രാഘവന് തന്നെയാണ്. അങ്ങിനെയാണ് നമ്മള്‍ എന്ന സിനിമയിലേക്ക് ജിഷ്ണു എത്തുന്നത്.
ദില്ലിയിലെ നല്ല ഒരു ജോലി രാജിവച്ചാണ് ജിഷ്ണു നമ്മള്‍ എന്ന സിനിമയില്‍ അഭിനയിക്കാന്‍ വരുന്നത്. അതിന് ശേഷം അഭിനയത്തില്‍ സജീവമാവാന്‍ തന്നെയായിരുന്നു ജിഷ്ണുവിന്റെ തീരുമാനം. എന്നാല്‍ ചില സിനിമകള്‍ ഒന്നും വിചാരിച്ച രീതിയില്‍ സക്‌സസ് ആയില്ല. അതോടെ മറ്റെന്തെങ്കിലും ഒരു മേഖല തിരഞ്ഞെടുക്കണം എന്ന് ജിഷ്ണു തീരുമാനിച്ചു.
സര്‍ക്കാര്‍ സഹകരണത്തോടെ കമ്പ്യൂട്ടര്‍ ടീച്ചര്‍ ട്രെയിനിങ് പ്രോഗ്രാം നടത്തുന്നതിന് വേണ്ടി സൊസൈറ്റി രൂപീകരിച്ചു. ഓരോ സ്‌റ്റേറ്റിലും അതിന്റെ ഓഫീസുകള്‍ ഉണ്ടാക്കി. അതിന് വേണ്ടി ഇന്ത്യ മുഴുവന്‍ കറങ്ങേണ്ടി വന്നപ്പോള്‍ നിന്ന് തിരിയാനുള്ള നേരം പോലും ജിഷ്ണുവിന് ഉണ്ടായിരുന്നില്ല. അതിനിടയിലാണ് അണപ്പല്ല് ഉരഞ്ഞ് നാവില്‍ മുറിവ് ഉണ്ടാവുന്നത്. തിരക്ക് പിടിച്ച ജീവിതത്തിന് ഇടയില്‍ അത് അത്ര കാര്യമാക്കിയില്ല.
വല്ലാത്ത വേദന വന്നപ്പോഴാണ് ജിഷ്ണു ഡോക്ടറെ കാണിച്ചത്. മുറിവില്‍ ഫംഗസ് ഉണ്ടായാല്‍ ലുക്കോപ്ലാക്കിയ എന്ന കാന്‍സറിന് വഴിയൊരുക്കും എന്ന് ഡോക്ടര്‍മാര്‍ മുന്നറിയിപ്പ് നല്‍കിയിരുന്നു. പിന്നീട് ഒരിക്കല്‍ നാട്ടില്‍ വന്നപ്പോള്‍ ആര്‍സിസിയില്‍ പോയി കാണിച്ചു. എന്റോസ്‌കോപി ചെയ്തുവെങ്കിലും കുഴപ്പമില്ല എന്നാണ് അന്ന് ഡോക്ടര്‍ പറഞ്ഞത്.
എന്നാല്‍ കുറച്ച് ദിവസം കഴിഞ്ഞപ്പോള്‍ വീണ്ടും വേദന വന്നു. എംആര്‍ഐ സ്‌കാനിങ് ചെയ്തപ്പോള്‍ കാന്‍സര്‍ ആണ് എന്ന് ഡോക്ടര്‍ സ്ഥിരീകരിച്ചു. അത്യാവശ്യമായി സര്‍ജ്ജറി വേണം എന്നായിരുന്നു ഡോക്ടര്‍മാര്‍ പറഞ്ഞത്. എന്നാല്‍ ആ സമയം ഏറ്റെടുത്ത രണ്ട് സിനിമകളുടെ തിരക്കിലായിരുന്നു ജിഷ്ണു. സര്‍ജ്ജറി കഴിഞ്ഞാല്‍ കുറച്ച് കാലത്തേക്ക് സംസാരിക്കാന്‍ പറ്റില്ല എന്ന് അറിയാവുന്നത് കൊണ്ട് ഡോക്ടര്‍മാരോട് സാവകാശം ചോദിച്ചു. ബാഗ്ലൂരില്‍ വച്ചായിരുന്നു സര്‍ജ്ജറി. അത് വിജയകരമായി നടന്നു.
സര്‍ജ്ജറിയുടെ തുടര്‍ച്ചയായി സ്പീച്ച് തെറാപ്പിയും ചെയ്തു. ജീവിതത്തിലേക്ക് ജിഷ്ണു തിരിച്ചെത്തിയതിന്റെ സന്തോഷത്തിലായിരുന്നു ഞങ്ങള്‍. എന്നാല്‍ ആ സന്തോഷം അധികനാള്‍ ഉണ്ടായിരുന്നില്ല. മാസങ്ങള്‍ കഴിഞ്ഞപ്പോഴേക്കും തൊണ്ടയില്‍ ഒരു മുഴ പോലെ വന്ന് ശ്വാസം എടുക്കാന്‍ പോലും പ്രയാസമാണ് എന്ന അവസ്ഥ വന്നു. വീണ്ടും ഡോക്ടറുടെ അടുത്തേക്ക്.
അത് കാന്‍സര്‍ ആണ് എന്ന് സ്ഥിരീകരിച്ചു. കീമോ ചെയ്തു. പുറത്ത് നിന്ന് കൊണ്ടുവന്ന വിലകൂടിയ മരുന്നുകള്‍ എല്ലാം ദിവസവും ശരീരത്തില്‍ കയറ്റിക്കൊണ്ടിരുന്നു. ഒരു ഡോസ് ശരീരത്തില്‍ കയറ്റണമെങ്കില്‍ മൂന്ന് മണിക്കൂര്‍ വരെ എടുക്കും. ആ സമയത്ത് എല്ലാം ജിഷ്ണു സന്തോഷവാനായിരുന്നുവത്രെ. സന്തോഷത്തോടെ തന്നെ അവന് ജീവിതത്തെ തിരിച്ചു പിടിച്ച് ഞങ്ങള്‍ക്ക് ഇടയിലേക്ക് വന്നു.
മൂന്നാം തവണയും കാന്‍സര്‍ വന്നപ്പോഴാണ് അമൃത ആശുപത്രിയില്‍ എത്തിച്ചത്. അപ്പോഴേക്കും ശരീരം നന്നായി ക്ഷീണിച്ചിരുന്നു. കൈയ്യും കാലും ചലിപ്പിക്കാന്‍ പോലും പറ്റാത്ത അവസ്ഥയായിരുന്നു. ഇന്ത്യ മുഴുവന്‍ സഞ്ചരിച്ച് എല്ലാവരോടും സംസാരിച്ച് ഓടി നടന്ന മകന്‍ പെട്ടന്ന് ഒന്നും മിണ്ടാന്‍ പറ്റാതെ നില്‍ക്കുന്ന അവസ്ഥ ഏതെങ്കിലും അച്ഛന് കണ്ട് നില്‍ക്കാന്‍ കഴിയുമോ. മലയാളം പോലെ ഹിന്ദിയും ഇംഗ്ലീഷും നന്നായി സംസാരിക്കുമായിരുന്നുവത്രെ ജിഷ്ണു.
ജിഷ്ണു വയ്യാതെ കിടക്കുമ്പോള്‍ ഒരു നിമിഷം പോലെ അവനെ പിരിഞ്ഞിരിയ്ക്കാന്‍ രാഘവന് കഴിയുമായിരുന്നില്ല. സീരിയലുകളില്‍ നിന്ന് എല്ലാം വിളിച്ചിരുന്നുവെങ്കിലും, അതൊന്നും വേണ്ട മകനൊപ്പം തന്നെ നില്‍ക്കാം എന്ന് രാഘവന് തീരുമാനിച്ചു. എല്ലാ കാര്യങ്ങളും അച്ഛന് തന്നെയാണ് അവന് ചെയ്തു കൊടുക്കുന്നത്.
അവസാന കാലങ്ങളില്‍ ഇട്ടിരുന്ന ഷര്‍ട്ടിന്റെ ബട്ടന്‍ പോലും അവന് തനിച്ച് അഴിക്കാന്‍ പറ്റില്ലായിരുന്നു. ഒരു കാറ്റ് വന്നാല്‍ വേദനിക്കുന്ന ശരീരമായിരുന്നു. ഞങ്ങളെ വേദനിപ്പിക്കേണ്ട എന്ന് കരുതി ഒന്നും പറയില്ല. ഭക്ഷണം കഴിക്കാനും, മൂത്രം എടുത്ത് മാറ്റാനും വേണ്ടി ശരീരത്തില്‍ രണ്ട് തുള ഇട്ടിരുന്നു. വല്ലാത്ത ഒരു അവസ്ഥയായായിരുന്നു അത് എന്നാണ് രാഘവന് പറഞ്ഞത്
കോഴിക്കോട് ആര്‍സിയില്‍ പഠിക്കുമ്പോള്‍ പരിചയപ്പെട്ട ധന്യ രാജനാണ് പിന്നീട് ജിഷ്ണുവിന്റെ ജീവിത പങ്കാളിയായി വന്നത്. കാന്‍സര്‍ സ്ഥിരീകരിച്ച ശേഷം തളര്‍ന്ന് പോയ അച്ഛനും അമ്മയ്ക്കും ഭാര്യയ്ക്കും എല്ലാം പിന്തുണ നല്‍കിയതും ആശ്വസിപ്പിച്ചതും എല്ലാം ജിഷ്ണു തന്നെയായിരുന്നുവത്രെ.
@All rights reserved Typical Malayali.
Leave a Comment