എന്നെ ആരും വിളിച്ചില്ല എന്ന് ജോമോള്‍ പറഞ്ഞത് സത്യം, പത്ത് വര്‍ഷം ജോമോളെ സിനിമില്‍ നിന്ന് അകറ്റി നിര്‍ത്തിയത് ആര്, എന്താണ് സംഭവിച്ചത്? അന്ന് നടി പറഞ്ഞത്
കഴിഞ്ഞ കുറച്ചു ദിവസങ്ങളായി സിനിമ ലോകത്തെ ഏറ്റവും വലിയ ചര്‍ച്ച ഹേമ കമ്മിറ്റി റിപ്പോര്‍ട്ട് പുറത്തുവന്നതാണ്. സ്ത്രീകള്‍ക്ക് മലയാള സിനിമ ലോകത്ത് നിന്ന് നേരിട്ട ശാരീരിക – മാനസിക പ്രശ്‌നങ്ങളെ കുറിച്ചുള്ള പഠന റിപ്പോര്‍ട്ടിന് ഇന്നലെയാണ് താരസംഘടനയായ അമ്മ മറുപടി നല്‍കിയത്. ഹേമ കമ്മിറ്റി റിപ്പോര്‍ട്ടില്‍ അമ്മയുടെ പ്രതികരണം ചോദിച്ചപ്പോള്‍, താരസംഘടനയുടെ കീഴില്‍ നടക്കുന്ന മഴവില്‍ അഴകില്‍ അമ്മ എന്ന ഷോയ്ക്ക് ശേഷം, റിപ്പോര്‍ട്ട് പഠിച്ചിട്ട് പറയാം എന്നായിരുന്നു സിദ്ധിഖിന്റെ പ്രതികരണം.
ആഗസ്റ്റ് 20 ന് മഴവില്‍ അഴകില്‍ അമ്മ എന്ന ഷോ കഴിഞ്ഞു. രണ്ട് ദിവസങ്ങള്‍ക്ക് ശേഷം ഇന്നലെ വൈകിട്ടാണ് വിഷയത്തില്‍ താരസംഘടനയായ അമ്മ പ്രതികരണം നടത്തിയത്. മാധ്യമങ്ങളോട് സംസാരിക്കവെ സിദ്ധിഖിനൊപ്പം നടിമാരായ ജോമോളും അനന്യയും ഉണ്ടായിരുന്നു. മലയാള സിനിമയില്‍ നിന്ന് പ്രമുഖ നടിയെ മാറ്റി നിര്‍ത്തി, അഭിനയങ്ങള്‍ നിഷേധിച്ചു എന്ന് പറയവെയാണ് തന്നെയും കുറേക്കാലം മലയാള സിനിമ അകറ്റി നിര്‍ത്തി എന്ന് ജോമോള്‍ പറഞ്ഞത്.
അതല്ല, നന്നായി അവസരങ്ങള്‍ കിട്ടുമ്പോഴാണ് ആ നടിയെ അകറ്റി നിര്‍ത്തിയത് എന്ന് മാധ്യമങ്ങള്‍ പറഞ്ഞു. പക്ഷേ അവരുടെ സിനിമ ഇപ്പോഴും റിലീസായല്ലോ എന്നായിരുന്നു ജോമോളിന്റെ പ്രതികരണം. ഞങ്ങള്‍ ആര്‍ട്ടിസ്റ്റുകള്‍ മാത്രമാണ്, ഞങ്ങളെ തിരഞ്ഞെടുക്കുന്നത് എഴുത്തുകാരും സംവിധായകരും നിര്‍മാതാക്കളുമാണ്. അവരുടെ ആ സ്വാതന്ത്ര്യത്തെ ഞങ്ങള്‍ക്ക് ചോദ്യം ചെയ്യാന്‍ കഴിയില്ല എന്നും ജോമോളും സിദ്ധിഖും വ്യക്തമാക്കി.
ഈ വീഡിയോകള്‍ വൈറലാവുന്ന സാഹചര്യത്തിലാണ് ജോമോള്‍ എന്തുകൊണ്ടാണ് അഭിനയം നിര്‍ത്തിയത് എന്ന ചോദ്യം ഉയരുന്നത്. 2017 ല്‍ ജോമോള്‍ നല്‍കിയ ഒരു അഭിമുഖത്തില്‍ ഇതിനുള്ള മറുപടി വ്യക്തമായി പറയുന്നുണ്ട്, തന്നെ മാറ്റി നിര്‍ത്തി എന്ന് ജോമോള്‍ പറഞ്ഞത് സത്യമാണ്. സജീവമായ കാലത്ത് തന്നെയാണ് ജോമോളെ മാറ്റി നിര്‍ത്തിയത്. പക്ഷേ അതാരുടെയും തന്ത്രപരമായ പ്ലാനിങ് ആയിരുന്നില്ല എന്നും സ്വാഭാവികമായയ സംഭവിച്ചതാണ് എന്നും ആ അഭിമുഖത്തില്‍ ജോമോള്‍ വ്യക്തമാക്കുന്നുണ്ട്.
2007 ല്‍ പുറത്തിറങ്ങിയ രാക്കിളിപ്പാട്ടാണ് ജോമോള്‍ ആദ്യ ഇന്നിങ്‌സില്‍ അവസാനമായി ചെയ്ത സിനിമ. 2017 ല്‍ വികെ പ്രകാശ് സംവിധാനം ചെയ്ത കെയര്‍ഫുള്‍ എന്ന സിനിമയിലൂടെ അഭിനയത്തിലേക്ക് തിരിച്ചെത്തി, പിന്നീട് ജയ് ഗണേഷ് എന്ന ചിത്രത്തിലും അഭിനയിച്ചു. എന്തുകൊണ്ടാണ് തിരിച്ചുവരാന്‍ ഇത്ര വൈകിയത് എന്നായികുന്നു ചോദ്യം. തിരിച്ചുവരാന്‍ മാത്രം ഞാന്‍ എവിടെയും പോയിട്ടില്ല എന്ന് പറഞ്ഞുകൊണ്ടാണ് ജോമോള്‍ മറുപടിയിലേക്ക് കടന്നത്.
വിവാഹ ശേഷം ഞാന്‍ ഭര്‍ത്താവിനൊപ്പം ബോംബെയിലായിരുന്നു എന്നത് ശരിയാണ്. പക്ഷേ അഭിനയം നിര്‍ത്തുകയാണ് എന്ന് ഞാന്‍ എവിടെയും പറഞ്ഞിട്ടില്ല. ഇടയ്ക്ക് നാട്ടിലേക്ക് വരാറുണ്ട്. സിനിമ സുഹൃത്തുക്കളെ എല്ലാം കാണാറുണ്ട്. പക്ഷേ ആരും ഒരു കഥയും എന്നോട് പറഞ്ഞിട്ടില്ല, ഒരു തിരക്കഥയും എനിക്ക് വന്നിട്ടുമില്ല. വിവാഹം കഴിഞ്ഞതുകൊണ്ട് ഞാന്‍ അഭിനയം നിര്‍ത്തി എന്ന് എല്ലാവരും തെറ്റിദ്ധരിക്കുകയായിരുന്നു. ഞാനായിട്ട് മാറി നിന്നതല്ല. ഈ കാലയളവില്‍ എനിക്ക് വന്ന ഒരേ ഒരു സിനിമയാണ് കെയര്‍ ഫുള്‍. അടുത്ത ഫാമിലി സുഹൃത്താണ് വികെപി, അദ്ദേഹം വിളിച്ചു ഞാന്‍ വന്ന് അഭിനയിച്ചു. ആ വിളി നേരത്തെ മറ്റാരെങ്കിലും വിളിച്ചിരുന്നുവെങ്കിലും കഥ ഇഷ്ടപ്പെട്ടിരുന്നുവെങ്കില്‍ അഭിനയിക്കുമായിരുന്നു എന്നാണ് ജോമോള്‍ പറഞ്ഞത്. എന്നാല്‍ വിവാഹം കഴിഞ്ഞ് മക്കളൊക്കെ ആയപ്പോള്‍ പ്രയോരിറ്റി മാറിയതായും ജോമോള്‍ പറഞ്ഞിട്ടുണ്ട്.
@All rights reserved Typical Malayali.
Leave a Comment