കത്തി നില്‍ക്കുമ്പോള്‍ വിവാഹം, മക്കള്‍ സ്‌കൂള്‍ പോകാന്‍ തുടങ്ങിയപ്പോള്‍ തിരിച്ചുവരവ്, ഇപ്പോള്‍ ബോളിവുഡില്‍ സജീവം; എല്ലാത്തിനും കാരണമുണ്ട്, കൃത്യമായ പ്ലാനിങും!
കഴിഞ്ഞ വര്‍ഷത്തെ മികച്ച ക്രിട്ടിക്‌സ് നായികയ്ക്കുള്ള ഫിലിം ഫെയര്‍ പുരസ്‌കാരം സ്വീകരിച്ച് നില്‍ക്കുകയാണിപ്പോള്‍ ജ്യോതിക. ചടങ്ങിനിടയിലെ ഏതാനും ചിത്രങ്ങളും തന്റെ നന്ദിയും നടി ഇന്‍സ്റ്റഗ്രാമിലൂടെ അറിയിച്ചു. ബ്ലാക്ക് ഡ്രസ്സില്‍, ഫിലിം ഫെയറിന്റെ മൊമന്റോ ആ ബ്ലാക്ക് ലേഡിയെ പോലെ തന്നെയുണ്ട് ജ്യോതിക എന്നാണ് പ്രേക്ഷകാഭിപ്രായം. ഗ്ലാമര്‍ അല്പം കൂടിപ്പോയതില്‍ അസൂയപ്പെടുന്നവരുടെ നെഗറ്റീവ് കമന്റുകളും ചിത്രത്തിന് താഴെ കാണാം
കാതല്‍ ദ കോര്‍ എന്ന മലയാള സിനിമയ്ക്കാണ് ജ്യോതികയ്ക്ക് പുരസ്‌കാരം ലഭിച്ചത്. അവസരം ഒരുക്കിയ മമ്മൂട്ടിയ്ക്കും, ജിയോ ബേബിയ്ക്കും കാതല്‍ ദ കോര്‍ ടീമിനും ജ്യോതിക നന്ദി പറയുന്നുണ്ട്. മമ്മൂട്ടിയ്‌ക്കൊപ്പം സമാനമായ ഒരു റോള്‍ നല്‍കിയതിനാണ് വേദിയില്‍ നന്ദി പറഞ്ഞത്. സോഷ്യല്‍ മീഡിയയില്‍ പങ്കുവച്ച പോസ്റ്റില്‍, ഇതെന്റെ തുടക്കമാണെന്ന് ജ്യോതിക കുറിക്കുന്നു. ‘എന്നെ തന്നെ പുനര്‍നിര്‍വചിച്ചുകൊണ്ടുള്ള സിനിമയിലേക്കുള്ള എന്റെ തുടക്കം മാത്രമാണ് കാതല്‍ ദ കോര്‍’ എന്നാണ് ജ്യോതിക പറഞ്ഞത്.
അത് ശരിയാണ്, കാതല്‍ ദ കോര്‍ എന്ന സിനിമയ്ക്ക് ശേഷം ജ്യോതികയുടെ കംപ്ലീറ്റ് മൂഡേ മാറി. ഇപ്പോള്‍ ബോളിവുഡില്‍ സജീവമാവുകയാണ് നടി. അതിനായി മുംബൈയിലേക്ക് താമസം മാറി. മക്കള്‍ ഇപ്പോള്‍ മുംബൈയിലാണ് പഠിക്കുന്നത്. സൂര്യയും ഇപ്പോള്‍ ജ്യോതികയ്‌ക്കൊപ്പം മുംബൈയിലുണ്ട്.
ജീവിതത്തില്‍ കൃത്യമായ പ്ലാനിങ് ഉള്ള ആളാണ് ജ്യോതിക. സിനിമയിലേക്ക് വന്നത് വലിയ പ്ലാനിങോടുകൂടെ അല്ല എങ്കിലും, എത്തിയതിന് ശേഷം തനിക്ക് വലിയ പ്ലാനിങ് ഉണ്ടായിരുന്നു എന്ന് ജ്യോതിക തന്നെ പറയുന്നു. സാമ്പത്തികമായി ഇന്റിപെന്റഡ് ആവാന്‍ കഴിയണം. അതിന് നല്ല സിനിമകള്‍ ചെയ്യണം എന്നതായിരുന്നു ജ്യോതികയുടെ ആഗ്രഹം.
Also Read: അപൂര്‍വ്വമായ അസുഖം, ആരോഗ്യപ്രശ്‌നങ്ങള്‍, വിവാഹ മോചനം; എങ്ങനെയാണ് വ്യക്തി ജീവിതത്തിലെ പ്രശ്‌നങ്ങളെല്ലാം തരണം ചെയ്തത്; സമാന്ത പറയുന്നു
സിനിമ മാത്രമല്ല ജീവിതം, വിവാഹം കഴിഞ്ഞ് സെറ്റില്‍ഡ് ആവണം. അതിന് പ്രായം അധികമൊന്നും ചെല്ലരുത്. കുടുംബ ജീവിതം നീറ്റായിരിക്കണം എന്ന നിര്‍ബന്ധവും ജ്യോതികയ്ക്കുണ്ടായിരുന്നു. സൂര്യയുമായി പ്രണയത്തിലായതിന് ശേഷം വിവാഹം അധികമൊന്നും വച്ചുതാമസിപ്പിച്ചില്ല. പെട്ടന്ന് തന്നെ വിവാഹ ജീവിതത്തിലേക്ക് കടന്നു.
കുടുംബ ജീവിതത്തില്‍ തിരക്കിലായ ജ്യോതിക കുറേക്കാലം സിനിമയുടെ പരിസരത്തേക്കേ വന്നില്ല. എന്നാല്‍ മക്കള്‍ വളര്‍ന്ന് സ്‌കൂള്‍ ജീവിതത്തിലേക്ക് പോയി, അവരവരുടെ കാര്യം നോക്കാം എന്ന സ്‌റ്റേജില്‍ ആയപ്പോള്‍ ജ്യോതിക സിനിമയിലേക്ക് തിരിച്ചുവന്നു. അതും സൂര്യയുടെയും കുടുംബത്തിന്റെയും ശക്തമായ പിന്തുണയോടെ.
തിരിച്ചുവരവില്‍ ആദ്യം ജ്യോതിക തിരഞ്ഞെടുത്തിരുന്നത് സ്ത്രീപക്ഷ ചിത്രങ്ങള്‍ മാത്രമായിരുന്നു. എന്നാല്‍ അതിലൊരു മാറ്റം വന്നത് കാതല്‍ ദ കോര്‍ എന്ന സിനിമയ്ക്ക് ശേഷമാണ്. ബോളിവുഡിലും സജീവമാവുന്ന നടി ഇപ്പോഴും തന്റെ നായികാ മൂല്യം കുറയാതെ സൂക്ഷിക്കുന്നു.
ബോളിവുഡില്‍ സജീവമാവുന്നതിന് പിന്നിലും ജ്യോതികയ്‌ക്കൊരു ഉദ്ദേശമുണ്ടെന്നാണ് പറയപ്പെടുന്നത്. മുംബൈയിലേക്ക് ജ്യോതിക താമസം മാറിയപ്പോള്‍ പിന്നാലെ സൂര്യയെയും അങ്ങോട്ട് കൊണ്ടുപോയി. പതിയെ സൂര്യയെ ബോളിവുഡ് സിനിമാ ലോകത്ത് ഉയര്‍ത്തിക്കൊണ്ടുവരാനാണ് ജ്യോതികയുടെ ഇപ്പോഴത്തെ ശ്രമം. അതിന്റെ ഭാഗമായി സൂററൈ പോട്രിന്റെ ഹിന്ദി റീമേക്ക് സൂര്യ നിര്‍മിയ്ക്കുകയും ചെയ്തു.
@All rights reserved Typical Malayali.
Leave a Comment