എന്നെ അമ്മ വേണ്ടപോലെ നോക്കിയിട്ടില്ലെന്ന ബിന്ദുവിന്റെ പരിഭവം; അവളുടെ പരാതി ഒരിക്കലും തീരില്ലെന്ന് പറഞ്ഞ പൊന്നമ്മ; വീണ്ടും വൈറലായി വീഡിയോ

മലയാള സിനിമയുടെ പ്രിയപ്പെട്ട അമ്മ എന്നാണ് കവിയൂർ പൊന്നമ്മ അറിയപ്പെടുന്നത്. മെഗാസ്റ്റാറുകളുടെ എല്ലാം അമ്മവേഷത്തിൽ എത്തിയ പൊന്നമ്മ മലയാളികൾക്ക് ഏറെ പ്രയങ്കരിയാണ്. ഏറെനാളായി വാർധക്യ സഹജമായ അസുഖങ്ങളെ തുടർന്ന് ചികിത്സയിൽ ആണ് താരം. എന്നാൽ കഴ്ഞ്ഞദിവ സം മുതൽ ആരോഗ്യനില വഷളാവുകയും ആശുപത്രയിൽ പ്രവേശിപ്പിക്കുകയും ചെയ്തു.

കൊച്ചിയിലെ സ്വകാര്യ ആശുപത്രിയില്‍ ചികിത്സയിലാണ് നടി. ദിവസങ്ങളായി ആശുപത്രിയിലെ തീവ്ര പരിചരണ വിഭാഗത്തില്‍ ചികിത്സയില്‍ കഴിയുകയായിരുന്ന താരത്തിന്റെ ആരോഗ്യസ്ഥിതി മാറ്റമില്ലാതെ തുടരുകയാണ്. ചെറുതും വലുതുമായ ഒട്ടനവധീ വേഷങ്ങളിലൂടെയാണ് കവിയൂർ പൊന്നമ്മ അരങ്ങുവാണത്.

പതിനാലാമത്തെ വയസ്സിൽ അന്നത്തെ പ്രമുഖ നാടകക്കമ്പനിയായ പ്രതിഭ ആർട്ട്സിന്റെ നാടകങ്ങളിൽ ഗായികയായാണ് കലാരംഗത്തു വരുന്നത്. കെ പി എ സിയുടെ മൂലധനം എന്ന നാടകത്തിലൂടെ നാടകരംഗത്തെത്തി. തോപ്പിൽ ഭാസിയെ ആണ് തന്റെ അഭിനയകലയുടെ ഗുരുവായിക്കാണുന്നത്. സിനിമാ നിർമ്മാതാവായിരുന്ന മണിസ്വാമിയാണ് പൊന്നമ്മയുടെ ഭർത്താവ്. വിവാഹിതയായ ബിന്ദു ആണ് പൊന്നമ്മയുടെ ഏകമകൾ. ബിന്ദു കുടുംബസമേതം അമേരിക്കയിലാണ്.

ജെബി ജങ്ഷനിൽ പങ്കെടുക്കാൻ എത്തിയപ്പോൾ മകളെകുറിച്ച് പൊന്നമ്മയും, താരത്തെക്കുറിച്ചു മകളും തുറന്നുപറഞ്ഞത് . അന്ന് പൊന്നമ്മ പറഞ്ഞ വാക്കുകൾ ആണ് ഇപ്പോൾ വൈറലായി മാറുന്നത്. മകൾ ഭർത്താവിന്റെ ഫാമിലിയെപോലെയാണ് ഇരിക്കുന്നതെന്നും പൊന്നമ്മ പറയുന്നു. അമേരിക്കയിൽ ആണ് മകൾ. എന്റെ രണ്ടാമത്തെ നാത്തൂന്റെ മകൻ വെങ്കിട്ട രാമൻ ആണ് ബിന്ദുവിനെ വിവാഹം കഴിച്ചിരിക്കുന്നത്. മകളും മകനും ആണ് അവൾക്ക്. മരുമകൻ യൂണിവേഴ്സിറ്റിയിൽ പ്രൊഫെസ്സർ ആണെന്നും പൊന്നമ്മ പറഞ്ഞു.

അമ്മയെ കുറിച്ചുള്ള മകളുടെ പരാതി ബ്രിട്ടാസ് ആണ് ആദ്യം പറയുന്നത്. അമ്മ എന്നെ നോക്കിയിട്ടില്ല എന്നാണ് ബിന്ദു പറഞ്ഞത് , ഇതിനെകുറിച്ചെന്താണ് പൊന്നമ്മ ചേച്ചിക്ക് പറയാൻ ഉള്ളതെന്നും ബ്രിട്ടാസ് ചോദിക്കുന്നു. കഷ്ടം എന്നാണ് പൊന്നമ്മ പറയുന്നത്. “ഉള്ള സമയം ഒരുപാട് നോക്കിയിട്ടുണ്ട്. പിന്നെ ഭക്ഷണം കഴിക്കണമെങ്കിൽ ഞാൻ ജോലി ചെയ്യണമാരുന്നു. കുഞ്ഞായിരുന്നപ്പോൾ മനസിലാക്കണം എന്നില്ല. പക്ഷെ മുതിര്ന്നപ്പോഴും ഭയങ്കര ശാഠ്യം ആയിരുന്നു.

ഉള്ള സമയം ഉള്ളതുപോലെ വാരിക്കോരി കൊടുത്തിട്ടും ഉണ്ട്. ആ ശാഠ്യം ഇപ്പോഴും ഉണ്ട്. ആ പരിഭവം മാറൂല്ല. അതിൽ ദുഃഖം ഒന്നുമില്ല. നോക്കിയിട്ടില്ല, ഇടക്ക് നോക്കാൻ ആയില്ല എന്നതൊക്കെ ഒരു സത്യം ആണല്ലോ. പറയാൻ പാടില്ലാത്തതാണ്, എങ്കിലും പറയാം എട്ടുമാസം വരെ പാല് കൊടുത്തിട്ടൊള്ളൂ”, എന്നും പൊന്നമ്മ പറയുന്നുണ്ട്.

കരിയറിന്റെ തുടക്കത്തില്‍ തന്നെ അമ്മ വേഷം കൈകാര്യം ചെയ്ത പൊന്നമ്മ തന്റെ 20ാമത്തെ വയസിലായിരുന്നു സത്യന്റെയും മധുവിന്റെയും അമ്മയായി എത്തിയത്. വാർധക്യസഹജമായ ബുദ്ധിമുട്ടുകൾ കാരണം അഭിനയത്തിൽ നിന്നും ഏറെ നാളായി വിട്ടുനിൽക്കുകയാണ് താരം തന്റെ നിത്യേന ഉള്ള പ്രാർത്ഥനയെക്കുറിച്ചും, മരണത്തെക്കുറിച്ചുമൊക്കെ ഒരിക്കൽ താരം പറഞ്ഞട്ടുണ്ട്.

@All rights reserved Typical Malayali.