മൂത്തമകൻ കൊല്ലത്ത്! സുധിയുടെ ഓർമ്മകളുമായി രേണു പുതിയ തുടക്കത്തിലേക്ക്! എല്ലാം ഏട്ടന്റെ അനുഗ്രഹം; ഇനി നടി രേണു

അതുല്യ കലാകാരൻ കൊല്ലം സുധി ഓർമ്മ ആയിട്ട് വര്ഷം ഒന്ന് കഴിഞ്ഞു. ഒരുവർഷം കഴിഞ്ഞിട്ടും തീരാ നോവാണ് അദ്ദേഹത്തിന്റെ ആരാധകർക്കും, പ്രിയപ്പെട്ടവർക്കും. മരിക്കുന്നതിന് മുൻപേയുള്ള സ്വപ്നമായിരുന്നു കൊല്ലം സുധിക്ക് സ്വന്തമായുള്ള വീട്. അതിന്റെ നിർമ്മാണ പ്രവവർത്തനങ്ങൾ അന്തിമഘട്ടത്തിലേക്കും എത്തിക്കൊണ്ടിരിക്കുകയാണ്. ഇതിനിടയിലാണ്, തന്റെ ജീവിതത്തിലെ പുത്തൻ സന്തോഷം പങ്കുവച്ചുകൊണ്ട് സുധിയുടെ ഭാര്യ രേണു രംഗത്ത് വന്നത്.

അഭിനയരംഗത്തേക്ക് തുടക്കം കുറിക്കുകയാണ് രേണു. നാടകത്തിലൂടെയും, സിനിമയിലൂടെയും ആണ് വെള്ളിവെളിച്ചത്തേക്ക് രേണു എത്തുന്നത്. സോഷ്യൽ മീഡിയയിൽ ഏറെ സജീവമായ രേണുവിന്റെ കന്നി അരങ്ങേറ്റം കൂടിയാണ് ഇത്. കൊച്ചിൻ സംഘമിത്രയുടെ നാടകത്തിലൂടെ കോളേജ് വിദ്യാർത്ഥിനിയുടെ വേഷത്തിലാണ് രേണു എത്താൻ ഒരുങ്ങുന്നത്. ഒപ്പം നിർമ്മാണത്തിലിരിക്കുന്ന ഒരു സിനിമയിലും തരക്കേടില്ലാത്ത ഒരു വേഷം രേണു ചെയ്യുന്നുണ്ട്.

ഇരട്ടനഗരം എന്ന നാടകത്തിലൂടെയാണ് കന്നി അരങ്ങേറ്റം എങ്കിലും സ്‌കൂൾ കാലഘട്ടത്തിലും കോളേജ് പഠനസമയത്തും രേണു അത്യാവശ്യം കലാപരമായ പ്രവർത്തനങ്ങളിൽ സജീവമായിരുന്നു. മാത്രമല്ല സ്‌കൂളിൽ പഠിക്കുമ്പോൾ തന്നെ നൃത്തത്തിലും നാടക അഭിനയത്തിലും സജീവമായിരുന്നു രേണു. സുധിയുടെ മരണശേഷം ഇളയമകൻ റിതുലിനു ഒപ്പം വാകത്താനത്താണ് രേണു ഉള്ളത്. സുധിയുടെ മൂത്തമകൻ കിച്ചു ഇപ്പോഴുള്ളത് കൊല്ലത്തും. പതിനൊന്നുവയസ്സ് വരെ കിച്ചു കൊല്ലത്തായിരുന്നു, അച്ഛൻ ഇല്ലാതെ ഇവിടെ നമ്മുടെ ഒപ്പം നില്ക്കാൻ അവനു മനസ്സിന് വിഷമം ആണ്. ഇടക്ക് വരും പോകും എന്നും രേണു പറയുന്നു. അതേസമയം രേണുവിന്റെ പുത്തൻ തുടക്കത്തിന് നിരവധി ആളുകൾ ആണ് ആശംസകൾ നേർന്നുകൊണ്ട് എത്തിയത്. എല്ലാം ഏട്ടന്റെ അനുഗ്രഹം. ഒരുപാട് സന്തോഷം ഉണ്ട്. നിങ്ങളെ പോലെ ഉള്ളവർ മതി എനിക്ക്. ഏട്ടനെ ഇഷ്ടപ്പെടുന്നവർ എന്നെയും മക്കളെയും ഇഷ്ടപ്പെടുന്നതിൽ. സന്തോഷം – രേണു ആരാധകർക്ക് കമന്റുകളിലൂടെ മറുപടി നൽകി.

ഒരു വര്ഷം കഴിയും മുൻപേ വേറെ വിവാഹം കഴിക്കും എന്നൊക്കെയുള്ള ആരോപണങ്ങളോടും ഇടക്ക് രേണു മറുപടി പറഞ്ഞിരുന്നു. ഞാൻ വേറെ ഒരു വിവാഹം കഴിക്കില്ല. ഞാൻ മരിക്കുവോളം കൊല്ലം സുധിച്ചേട്ടന്റെ ഭാര്യ എന്ന ലേബലിൽ അറിയപ്പെടാൻ ആണ് ഞാൻ ആഗ്രഹിക്കുന്നതും. അങ്ങനെ ചെയ്യാൻ ആണ് ഉറച്ച തീരുമാനം എടുത്തിരിക്കുന്നതെന്നും രേണു മുൻപൊരിക്കൽ പ്രതികരിച്ചത്.

സുധിച്ചേട്ടന്റെ സ്വപ്നം തന്നെയാണ് പൂവണിയുന്നത്. ഉടനെ തന്നെ വീട് പണി പൂർത്തിയാകും. ആത്മാവിൽ സത്യം ഉണ്ടെന്നു വിശ്വസിക്കുന്ന ആളാണ് ഞാൻ അതുകൊണ്ടുതന്നെ, വീടുപണി കഴിയുന്നതോടെ അന്ന് സുധിച്ചേട്ടന്റെ ആത്മാവിന് മോക്ഷം കിട്ടും എന്നാണ് ഞാൻ പ്രതീക്ഷിക്കുന്നത്, വിശ്വസിക്കുന്നത് എന്നും രേണു അടുത്തിടെ പറഞ്ഞിരുന്നു.

@All rights reserved Typical Malayali.