ഞങ്ങളുടെ കൂട്ടത്തില്‍ ഏറ്റവും ക്ഷമയുള്ളത് അവള്‍ക്കാണ്! ഇളയ മകളായ ഹന്‍സികയെക്കുറിച്ച് കൃഷ്ണകുമാര്‍

കൃഷ്ണകുമാറും കുടുംബവും പ്രേക്ഷകര്‍ക്ക് പരിചിതരാണ്. യൂട്യൂബ് ചാനലിലൂടെയായി എല്ലാവരും വിശേഷങ്ങള്‍ പങ്കിടാറുണ്ട്. മോഡലിംഗും ഫോട്ടോ ഷൂട്ടും വീഡിയോകളുമൊക്കെയായി സജീവമാണ് എല്ലാവരും. ഭാര്യയും മക്കളും പുറത്തുപോയാല്‍ വിശേഷങ്ങളറിയാന്‍ വീഡിയോ കണ്ടാല്‍ മതിയെന്നാണ് കൃഷ്ണകുമാര്‍ പറയാറുള്ളത്. മക്കളില്‍ ഏറ്റവും ഇളയ ആളായ ഹന്‍സിക കൃഷ്ണയെക്കുറിച്ച് വാചാലനായെത്തിയിരിക്കുകയാണ് അദ്ദേഹം.

വീട്ടിലെ ഏറ്റവും ഇളയ അംഗം. ഞങ്ങൾ തമ്മിൽ 37 വയസ്സ് വ്യത്യാസം. പക്ഷെ, പലപ്പോഴും തോന്നാറുണ്ട് അവളുടെ ആത്മാവ് എന്നേക്കാൾ ഈ ഭൂമിയിൽ സഞ്ചരിച്ച പോലെ. അനുഭവങ്ങൾ ഉള്ളതുപോലെ. പക്വത അധികമുള്ള ഒരാളെ പോലെ. കുടുംബത്തിലെ 6 പേരിൽ ഏറ്റവും അധികം ക്ഷമയുള്ള ആൾ. അവളിൽ നിന്നും പലതും ചോദിച്ചു മനസിലാക്കാറുണ്ട്, പഠിക്കാറുണ്ട്. ഒരു പിതാവെന്ന നിലയിൽ ഇതൊക്കെ ജീവിതത്തിലെ വലിയ വിജയങ്ങളായി തോന്നാറുണ്ട്. ദൈവത്തിനു നന്ദി എന്നായിരുന്നു കുറിപ്പ്.

ജീവിതം ഇനിയും ഗംഭീരമാവട്ടെ. ഏറ്റവും ചെറിയ കുട്ടിക്ക് എല്ലാവരേക്കാളും വിവരം കൂടും. കാരണം എല്ലാവരെയും കണ്ടുപഠിച്ചാണ് അവര്‍ വളരുന്നത്. ഇനിയെങ്കിലും താങ്കള്‍ സൗന്ദര്യരഹസ്യം വെളിപ്പെടുത്തണം തുടങ്ങിയ കമന്റുകളായിരുന്നു പോസ്റ്റിന് താഴെയുണ്ടായിരുന്നത്. മുന്‍പും ഹന്‍സികയ്‌ക്കൊപ്പമുള്ള ചിത്രങ്ങളും വീഡിയോയും അദ്ദേഹം പങ്കുവെച്ചിട്ടുണ്ട്.

ഇന്നു 55 വയസ്സായപ്പോൾ എല്ലാം റോക്കറ്റ് സ്പീഡ് പോലെ തോന്നുന്നു. ഓരോ വർഷവും പതുക്കെ പോയാൽ മതിയെന്ന് തോന്നും, പക്ഷെ പോകുന്ന സ്പീഡ് താങ്ങാനാവുന്നില്ല. കാരണമെന്തെന്നു 50 കഴിഞ്ഞവർക്ക് മനസ്സിലാവും. ഹാൻസികയ്ക്ക് 18 വയസായി. എപ്പോഴാണ് ഈ 18 വർഷം കടന്നു പോയതെന്ന് ഞാൻ അറിഞ്ഞില്ല. വളരെ അടുത്തകാലത്തു ജനിച്ച ഒരു മകൾ എന്ന തോന്നലാണ് മനസ്സിൽ. സ്കൂളിൽ ചേർക്കാൻ കൊണ്ടുപോയതൊക്കെ ഇന്നലെ നടന്ന ഒരു സംഭവമായി തോന്നുന്നു. എല്ലാ മാതാപിതാക്കൾക്കും ഇതുപോലുള്ള ചിന്തകൾ കാണുമായിരിക്കാം.. അല്ലേ എന്നായിരുന്നു മുൻപൊരു കുറിപ്പിൽ കൃഷ്ണകുമാർ ചോദിച്ചത്.

ജീവിതത്തിൽ എല്ലാം സംഭവിക്കുന്നതാണ്. നല്ലതും, നല്ലതല്ലാത്തതും. പല കാര്യങ്ങളും നമ്മൾ ശ്രമിക്കാറുണ്ട്‌. ചിലതു വിചാരിച്ചപോലെ നടക്കും, ചിലത് നടക്കില്ല. നടക്കുമ്പോൾ സന്തോഷിക്കും, നടക്കാത്തപ്പോൾ ദുഖിക്കും. കല്യാണവും ഏകദേശം അതുപോലെയൊക്കെ ആണെന്ന് ഞാൻ വിശ്വസിക്കുന്നു. ബഹുഭൂരിപക്ഷം കല്യാണങ്ങളിലും മുൻപരിചയമില്ലാത്ത ഒരു വ്യകതിയുമായി ഒരുമിച്ചു പോകുവാൻ തീരുമാനിക്കുന്നു. പിന്നീട് അവരുടെ ജീവിതത്തിൽ കുറെ കാര്യങ്ങൾ സംഭവിക്കുന്നു. ചിലരുടെ ബന്ധം നീണ്ടു നില്കും. ചിലരുടെത്തു ഇടയ്ക്കു പിരിയുന്നു. ചിലർ പങ്കാളി നഷ്ടപ്പെട്ടു ഒറ്റയാവുന്നു. എല്ലാം സംഭവിക്കുന്നതാണ്. ദൈവം എന്നു നമ്മൾ വിളിക്കുന്ന, വിശ്വസിക്കുന്ന ആ അദൃശ്യ ശക്തിയുടെ അനുഗ്രഹത്താൽ 29 വർഷം മുൻപ് ഒരു ഡിസംബർ മാസം 12 ആം തിയതി സിന്ധുവിനോടൊപ്പം തുടങ്ങിയ ആ യാത്ര മറ്റു നാലുപേരെയും കൂടെ കൂട്ടി ഇപ്പോഴും തുടരുന്നുവെന്നായിരുന്നു മറ്റൊരു കുറിപ്പിലുണ്ടായിരുന്നത്.

@All rights reserved Typical Malayali.