കൊച്ചിയിലും ദുബായിലും ഫ്‌ളാറ്റുകളും ഡാൻസ് സ്‌കൂളുമോ, കുട്ട്യോള് ശരിക്കും റിച്ചാണല്ലേ; ദീപ- കുക്കു വിശേഷങ്ങൾ

സോഷ്യൽ മീഡിയയിൽ ആരാധകർ ഏറെയുള്ള കപ്പിളാണ് കുക്കു- ദീപ. ഫാമിലി വ്ലോഗേഴ്‌സായും പ്രേക്ഷകർക്ക് മുൻപിൽ എത്തുന്ന ഇരുവരും ജീവിതത്തിൽ പ്രണയിച്ചു വിവാഹം കഴിച്ചവരാണ്. കുടുംബത്തിന്റെ എതിർപ്പുകൾ ഏറെ താണ്ടിയ ഇരുവരും സ്വന്തം അധ്വാനത്തിലൂടെ കരിയറിന്റെ വലിയ ഒരു ഘട്ടത്തിലേക്ക് എത്തുകയും ചെയ്തു. സ്വന്തം അധ്വാനത്തിലൂടെ ഇന്ന് നല്ല നിലയിലേക്ക് രണ്ടാളുകളും എത്തിച്ചേർന്നു എന്നുപറയുന്നതിൽ ഒരു തെറ്റുമില്ല.

ഏറെ പരിഹാസങ്ങളും ഒരു സമയത്ത് നേരിടേണ്ടി വന്നുവെങ്കിലും ഇരുവരുടെയും കഠിനാധ്വാനത്തിന്റെ ഫലമായി നല്ല നിലയിലേക്ക് ഉയരുകയും ചെയ്തു. സോഷ്യല്‍ മീഡിയയില്‍ വളരെ ആക്ടീവ് ആയിട്ടുള്ള കപ്പിള്‍സ് ആണ് ദീപയും കുക്കുവും. യൂട്യൂബില്‍ വളരെ സജീവമായിട്ടുള്ള രണ്ട് പേരും തങ്ങളുടെ വിശേഷങ്ങള്‍ എല്ലാം നിരന്തരം ആരാധകരുമായി പങ്കുവയ്ക്കാറുണ്ട്. മഴവില്‍ മനോരമയിലെ ഡി ഫോര്‍ ഡാന്‍സ് എന്ന പരിപാടിയിലൂടെയാണ് മലയാളികള്‍ക്ക് കുക്കു സുപരിചിതൻ ആയി മാറിയത്. ഉടൻ പണത്തിൽ അവതാരകനായും കുക്കു എത്തിയിരുന്നു.

നിരവധി സിനിമകളിലും വേഷമിട്ടിട്ടുള്ള കുക്കുവും ദീപയും ഡികെ ടെയിൽസ് എന്നപേരിലുള്ള ചാനലിലൂടെയാണ് വിശേഷങ്ങൾ കൂടുതലും പങ്കിടുക. അടുത്തിടെയാണ് താനും ദീപയും ഏറെനാളത്തെ ഒരു സ്വപ്നം സഫലീകരിച്ചതിന്റെ സന്തോഷം പങ്കിട്ടത്. കൊച്ചിയിൽ നൃത്തവിദ്യാലയം തുടങ്ങിയപ്പോൾ മുതലേയുള്ള സ്വപ്നമായിരുന്നു ജിസിസിയിലും ഒരു നൃത്ത വിദ്യാലയം. ആ സ്വപ്നം അടുത്തിടെയാണ് കുക്കുവും ദീപയും സഫലീകരിച്ചത്.

ദുബായിൽ ആണ് നിലവിൽ നൃത്താവിദ്യാലയം തുടങ്ങിയത്. അതോടെ ദീപയും കുക്കുവും നാടുവിട്ടോ എന്നായി ചോദ്യങ്ങൾ. നാടുവിട്ടതല്ല, സ്‌കൂളിന്റെ ആവശ്യങ്ങൾക്കായി ദുബായിൽ നിൽക്കേണ്ടതായി വരും എന്നാണ് ഇരുവരും പറയുന്നത്. ദുബായിൽ ഒരു വീടും അടുത്തിടെ ഇരുവരുംഎടുത്തിരുന്നു . കഴിഞ്ഞദിവസമാണ് ദുബായിലെ വീടിന്റെ ഹോം ടൂർ വീഡിയോ കുക്കു പങ്കുവച്ചത്. അതോടെയാണ് ഇവർക്ക് കൊച്ചിയിലും, ദുബായിലും വീടുകൾ ഉണ്ടോ, ഇത്രയും റിച്ചായിരുന്നോ എന്ന ചോദ്യങ്ങൾ എത്തിയത്. എന്നാൽ വീഡിയോ മുഴുവനായും കണ്ടവർക്ക് അറിയാം. വാടകവീട്ടിലേക്ക് ആണ് ഇരുവരും തത്കാലത്തേക്ക് താമസം മാറിയിരിക്കുന്നത്.

കൊച്ചിയിലെ ഹോം ടൂർ വീഡിയോ പങ്കിടാൻ നിരവധി ആളുകൾ ആവശ്യപ്പെട്ടിരുന്നു എന്നാൽ ആ വീട് വിടേണ്ടി വന്നു അപ്പോൾ ഈ വീടിന്റെ എങ്കിലും വീഡിയോ പങ്കിടാം അങ്ങനെയാണ് ദുബായ് വീടിന്റെ വിശേഷങ്ങളുമായി ഇരുവരും എത്തിയതും.

ഹണിബീ, നീലി, അഡാര്‍ ലവ്, കളി, സകലകലാശാല തുടങ്ങിയ സിനിമകളില്‍ കുക്കു അഭിനയിച്ചിരുന്നു. ദീപയുടെ പ്ലാറ്റ്‌ഫോം ഇന്‍സ്റ്റഗ്രാം റീല്‍സാണ്. അവസരം വന്നാല്‍ അഭിനയിക്കുമോയെന്ന് ചോദിച്ചപ്പോള്‍ തനിക്കിഷ്ടമാണെന്ന് ഒരിക്കൽ ദീപ പറഞ്ഞിരുന്നു. കുടുംബത്തിലെ പ്രശ്നങ്ങൾ എല്ലാം മാറി ഇപ്പോൾ ഇരുകുടുംബങ്ങളും അതിസന്തോഷകരമായി മുൻപോട്ട് പോവുകയാണ്.

@All rights reserved Typical Malayali.