സഹിക്കാന്‍ പറ്റാത്തത്ര വേദനയായിരുന്നു! സിസേറിയന് ശേഷം വീണ്ടുമൊരു സര്‍ജറി ചെയ്യേണ്ടി വന്നതിനെക്കുറിച്ച് അനുരാധ

ലക്ഷ്മി നായരും കുടുംബവും പ്രേക്ഷകര്‍ക്ക് പരിചിതരാണ്. അടുത്തിടെ തനിക്ക് സര്‍ജറി ചെയ്തതിനെക്കുറിച്ച് അവര്‍ തുറന്നുപറഞ്ഞിരുന്നു. ബാക്ക് പെയ്ന്‍ പ്രശ്‌നങ്ങളായിരുന്നു ആദ്യം വന്നത്. അങ്ങനെ നടത്തിയ പരിശോധനയിലാണ് സര്‍ജറി വേണമെന്ന് കണ്ടെത്തിയതെന്ന് ലക്ഷ്മി നായര്‍ പറഞ്ഞിരുന്നു. ആശുപത്രിയിലേക്ക് പോയതും, സര്‍ജറിയെക്കുറിച്ചും, അതിന് ശേഷമുള്ള അവസ്ഥയെക്കുറിച്ചുമെല്ലാം അവര്‍ വീഡിയോയിലൂടെ തുറന്നുപറഞ്ഞിരുന്നു. ഇപ്പോഴിതാ മരുമകളായ അനുരാധയും തന്റെ സര്‍ജറിയെക്കുറിച്ച് പറഞ്ഞ് വീഡിയോ ചെയ്തിരിക്കുകയാണ്.

മൈ സര്‍ജറി അപ്‌ഡേറ്റ്‌സ് എന്ന ക്യാപ്ഷനോടെയായിരുന്നു അനുരാധ പുതിയ വീഡിയോ പബ്ലിഷ് ചെയ്തത്. പെട്ടെന്ന് എനിക്കൊരു സര്‍ജറി വേണ്ടി വന്നു. അത് കഴിഞ്ഞിട്ട് മാസങ്ങളായി. ഇപ്പോഴാണ് ഞാന്‍ അതേക്കുറിച്ച് വീഡിയോ ചെയ്യുന്നത്. എന്റെ ഗോള്‍ ബ്ലാഡര്‍ റിമൂവ് ചെയ്തു. ഗോള്‍ ബ്ലാഡറില്‍ സ്‌റ്റോണ്‍സ് ഉണ്ടായിരുന്നു. ഭയങ്കര വേദനയായിരുന്നു എനിക്ക്. പെട്ടെന്നാണ് സര്‍ജറി തീരുമാനിച്ചത്. ഏപ്രിലില്‍ ആയിരുന്നു സര്‍ജറി ചെയ്തത്. ലാപ്രോസ്‌കോപിക് സര്‍ജറിയായിരുന്നു. പറയുമ്പോള്‍ വളരെ എളുപ്പമാണെങ്കിലും അവസ്ഥ മോശമായിരുന്നു അന്ന്.

എനിക്ക് സി സെക്ഷനായിരുന്നു. അത് കഴിഞ്ഞിട്ട് പെട്ടെന്ന് തന്നെ മറ്റൊരു സര്‍ജറി ചിന്തിക്കാനാവുമായിരുന്നില്ല. അതിനോട് പൊരുത്തപ്പെടാന്‍ കുറച്ച് സമയമെടുത്തു. ഇപ്പോള്‍ വേറൊരു പ്രശ്‌നമൊന്നുമില്ല. ഈയൊരു സര്‍ജറി ചെയ്യാനെടുത്ത തീരുമാനം എന്റെ ജീവിതത്തിലെ മികച്ച കാര്യമായാണ് ഞാന്‍ കാണുന്നത്. കാരണം അത്രയും വേദന അനുഭവിക്കുന്നുണ്ടായിരുന്നു. നോക്കാം, കുറച്ചുനാള്‍ വെയ്റ്റ് ചെയ്യാം എന്നൊക്കെയായിരുന്നു പലരും പറഞ്ഞത്.

നിങ്ങള്‍ക്ക് ഇന്‍ഫോമേറ്റീവ് ആകാമെന്ന് കരുതിയാണ് ഞാന്‍ ആ സമയത്തെ കാര്യങ്ങള്‍ വീഡിയോയില്‍ ആക്കിയത്. ഈയൊരു വേദന അനുഭവിക്കുന്നവര്‍ക്ക് കൃത്യമായി മനസിലാവും. പ്രസവ ശേഷം വയറിന്റെ മുകള്‍ ഭാഗത്ത് നല്ല വേദന വരാറുണ്ടായിരുന്നു. ദഹന പ്രശ്‌നമായിരിക്കുമെന്നാണ് കരുതിയത്. സഹിക്കാന്‍ പറ്റാത്ത വേദനയായിരുന്നു. ഇഞ്ചക്ഷനും ഗുളികയും ഒക്കെ എടുത്താലും പിന്നെയും വേദന വരുമായിരുന്നു. അങ്ങനെയാണ് വിദഗദ്ധ പരിശോധനകള്‍ നടത്തിയത്. ഇമ്മീഡിയറ്റ് സര്‍ജറിയാണ് പരിഹാരമെന്നായിരുന്നു ഡോക്ടര്‍മാര്‍ പറഞ്ഞത്. ഞാനും അതിനോട് പൊരുത്തപ്പെടുകയായിരുന്നു.

@All rights reserved Typical Malayali.