ഒരു ഭാര്യ ആഗ്രഹിക്കുന്നതെന്തോ അതാണ് എന്റെ ഭർത്താവ് …തേജസിന്റെ സപ്പോർട്ടിനെ കുറിച്ച് മാളവിക ..

ആഗ്രഹിച്ച പോലെയൊരു പങ്കാളിയെ കിട്ടുന്നത് അനുഗ്രഹമാണ്. അക്കാര്യത്തില്‍ ഞാന്‍ ഭാഗ്യവതിയാണെന്ന് മാളവിക കൃഷ്ണദാസ് വ്യക്തമാക്കിയിരുന്നു. പരസ്പരം മനസിലാക്കിയാണ് ഞങ്ങള്‍ ജീവിക്കുന്നതെന്ന് തേജസും പറഞ്ഞിരുന്നു. നായികനായകനിലൂടെയായിരുന്നു ഇരുവരും പ്രേക്ഷകര്‍ക്ക് മുന്നില്‍ ഒന്നിച്ചെത്തിയത്. അന്ന് തേജസിനോട് വലിയ സൗഹൃദമൊന്നും ഇല്ലായിരുന്നു മാളവികയ്ക്ക്. ഡാന്‍സ് അറിയാത്തതിനാല്‍ അദ്ദേഹത്തിന്റെ ടീമില്‍ ആവരുതേ എന്ന് വരെ മാളവിക പ്രാര്‍ത്ഥിച്ചിട്ടുണ്ട്. സ്‌കിറ്റുകളില്‍ ഇവര്‍ ഒന്നിച്ചെത്തിയതോടെയായിരുന്നു ജീവിതത്തിലും നിങ്ങള്‍ ഒന്നിച്ചാല്‍ നല്ലതായിരിക്കുമെന്ന അഭിപ്രായം വന്നത്.

സംവൃത സുനില്‍ ഇവരോട് നേരിട്ട് ഇതേക്കുറിച്ച് പറഞ്ഞിരുന്നു. ജീവിതത്തിലും മികച്ച ജോഡികളാവാന്‍ നിങ്ങള്‍ക്ക് പറ്റുമെന്നായിരുന്നു സംവൃതയുടെ കമന്റ്. വര്‍ഷങ്ങള്‍ക്കിപ്പുറം അത് യാഥാര്‍ത്ഥ്യമാവുകയായിരുന്നു. വിവാഹാലോചനകള്‍ തുടങ്ങിയ സമയത്തായിരുന്നു തേജസിനോട് സഹോദരി മാളുവിനെക്കുറിച്ച് സൂചിപ്പിച്ചത്. സഹോദരനെപ്പോലെയാണ് കാണുന്നതെന്ന് പറഞ്ഞതോടെ ആകെ തകര്‍ന്നുപോയെന്ന് തേജസ് പറഞ്ഞിരുന്നു. വീണ്ടും ചോദിച്ചപ്പോഴായിരുന്നു ജാതകത്തെക്കുറിച്ച് ചോദിച്ചത്. പൊരുത്തങ്ങളെല്ലാം ഉത്തമമായതോടെയായിരുന്നു വിവാഹം തീരുമാനിച്ചത്.

കല്യാണം തീരുമാനിച്ചപ്പോള്‍ മുതല്‍ മാളവികയുടെ വ്‌ളോഗില്‍ തേജസിന്റെ സാന്നിധ്യമുണ്ടായിരുന്നു. നിങ്ങളൊന്നിച്ച് വീഡിയോകള്‍ ചെയ്യണമെന്നായിരുന്നു ആരാധകര്‍ പറഞ്ഞത്. ഇടയ്ക്ക് ക്യുആന്‍ഡ് എയുമായും ഇവരെത്തിയിരുന്നു. മര്‍ച്ചന്റ് നേവിയില്‍ ഉദ്യോഗസ്ഥനാണ് തേജസ്. അടുത്തിടെയായിരുന്നു അവധിയെടുത്ത് വന്നത്. വന്നത് മുതലുള്ള വിശേഷങ്ങള്‍ മാളവിക കാണിച്ചിരുന്നു. ബൊക്കൈ കൊടുത്തായിരുന്നു മാളവിക തേജസിനെ സ്വീകരിച്ചത്.

അപ്രതീക്ഷിതമായാണ് ഞങ്ങള്‍ക്കിടയിലേക്ക് ഒരാള്‍ വരുന്നതിനെക്കുറിച്ച് അറിഞ്ഞത്. ആദ്യമൊരു ഞെട്ടലായിരുന്നു. സമയമെടുത്താണ് ഇത് ഉള്‍ക്കൊണ്ടതെന്നായിരുന്നു മാളവിക പറഞ്ഞത്. പിന്നീടങ്ങോട്ടുള്ള വ്‌ളോഗുകളിലെല്ലാം പ്രഗ്നന്‍സിയെക്കുറിച്ച് ഉള്ളതായിരുന്നു. അധികം ബുദ്ധിമുട്ടുകളൊന്നുമില്ലെന്ന് താരം വ്യക്തമാക്കിയിരുന്നു.

പ്രസവത്തിന് മുന്നോടിയായി വളകാപ്പ് ചടങ്ങ് നടത്തിയിരുന്നു. ആ വിശേഷങ്ങളാണ് കഴിഞ്ഞ ദിവസം മുതല്‍ മാളവിക പങ്കുവെച്ചുകൊണ്ടിരിക്കുന്നത്. ഈ യാത്രയില്‍ നിന്റെ സ്‌നേഹവും സപ്പോര്‍ട്ടുമാണ് എനിക്ക് എല്ലാം. എന്റെ ശക്തിയും, കംഫര്‍ട്ടും, ജീവിതത്തിലെ വലിയ അനുഗ്രഹവും നീയാണ്. നല്ലൊരു അച്ഛനായിരിക്കും നീ എന്നതില്‍ സംശയമമില്ല. നിന്നിലെ അച്ഛനെ കാണാനായി ഇനിയും കാത്തിരിക്കാന്‍ വയ്യ. ഇങ്ങനെയൊക്കെ എന്നോട് പറയാന്‍ പറഞ്ഞു എന്ന ക്യാപ്ഷനോടെയായിരുന്നു മാളവിക തേജസിനൊപ്പമുള്ള ചിത്രങ്ങള്‍ പങ്കുവെച്ചത്.

@All rights reserved Typical Malayali.