എനിക്ക് ഇപ്പോഴും തേജസ്സേട്ടനെ ‘ഭര്‍ത്താവ്’ എന്ന നിലയില്‍ കാണാന്‍ പറ്റിയിട്ടില്ല, തേജസേട്ടന് തിരിച്ചും; മാളിവിക പറയുന്നു
തേജസിന്റെ വീട്ടില്‍ ഒരു ദിവസം താന്‍ എങ്ങനെയാണ് ചെലവഴിക്കുന്നത് എന്ന് കാണിച്ചുകൊണ്ടാണ് മാളവിക കൃഷ്ണദാസിന്റെ ഏറ്റവും പുതിയ വീഡിയോ. നാത്തൂനുമായുള്ള വിശേഷം പറച്ചിലില്‍ ആണ് തേജസ്സേട്ടനെ ഇപ്പോഴും തനിക്ക് ഭര്‍ത്താവ് എന്ന നിലയില്‍ കാണാന്‍ പറ്റിയിട്ടില്ല എന്ന് മാളവിക പറഞ്ഞത്.എനിക്ക് ഇപ്പോഴും തേജസ്സേട്ടനെ ‘ഭര്‍ത്താവ്’ എന്ന നിലയില്‍ കാണാന്‍ പറ്റിയിട്ടില്ല, തേജസേട്ടന് തിരിച്ചും; മാളിവിക പറയുന്നു
നായികാ നായകന്‍ എന്ന ഷോയിലൂടെ പ്രേക്ഷകര്‍ക്ക് പരിചിതരായതാണ് മാളവിക കൃഷ്ണദാസും തേജസും. ഇരുവരും ജീവിതത്തിലും ഒന്നിക്കുന്നു എന്ന വാര്‍ത്ത പുറത്തുവന്നത് ആരാധകര്‍ക്ക് വലിയ ഒരു സര്‍പ്രൈസ് ആയിരുന്നു. വിവാഹ ജീവിതത്തിലേക്ക് കടന്നതിന് ശേഷവും ജീവിതത്തിലെ വിശേഷങ്ങളും, സന്തോഷങ്ങളും എല്ലാം പങ്കുവച്ച് മാളവിക യൂട്യൂബില്‍ എത്താറുണ്ട്.തേജസിന്റെ വീട്ടിലെ ഒരു ദിവസത്തെ കുറിച്ച് പറഞ്ഞുകൊണ്ടാണ് പുതിയ വീഡിയോ. രാവിലെ എഴുന്നേറ്റ് നാത്തൂനൊപ്പം ക്ഷേത്രത്തില്‍ പോകുന്നതും അവിടെയുള്ള ഐതിഹ്യങ്ങളെ കുറിച്ച് പറയുന്നതും ഒക്കെ കേള്‍ക്കാന്‍ രസമുള്ള ഒരു കഥപോലെ സുഖമുള്ളതാണ്. മാളവികയുടെയും നാത്തൂന്റെയും കോമ്പോ ഇതിനോടകം യൂട്യൂബില്‍ ഹിറ്റായതുമാണ്. ഇരുവരുടെയും രസകരമായ സംഭാഷണമാണ് ഈ വീഡിയോയിലെയും ആകര്‍ഷണം.
നാത്തൂനുമായുള്ള സംസാരത്തിനിടയിലാണ് തേജസ്സേട്ടനെ തനിക്കിപ്പോഴും ഭര്‍ത്താവ് എന്ന നിലയില്‍ കാണാന്‍ പറ്റിയിട്ടില്ല എന്ന് മാളവിക പറയുന്നത്. തിരിച്ച് തേജസ്സേട്ടനും അങ്ങനെയാണ്, ഭാര്യ എന്ന പദവിയൊന്നും ഇല്ല. അത് ഇപ്പോഴത്തെ ജനറേഷന്റെ മാറ്റമാണ് ഭാര്യ – ഭര്‍ത്താവ് എന്നതിനപ്പുറം, സുഹൃത്തുക്കള്‍, പാര്‍ട്ണര്‍ എന്ന നിലയിലാണ് കണ്‍സിഡര്‍ ചെയ്യുന്നത് എന്ന് മാളവിക പറയുന്നു.
ക്ഷേത്രത്തില്‍ പോയി വന്നതിന് ശേഷം വീട്ടിലെ കുഞ്ഞു കുഞ്ഞു വിശേഷങ്ങളും, ചില ഓര്‍മകളും എല്ലാം മാളവിക പങ്കുവയ്ക്കുന്നുണ്ട്. അമ്മയുടെ കണ്ണ് വെട്ടിച്ച് സിപ് അപ് കഴിച്ചതിനെ കുറിച്ചും, സ്‌കൂള്‍ ഓര്‍മകളും എല്ലാം മാളവിക അയവിറുത്തു. ഉച്ചഭക്ഷണവും, ക്രിസ്മസ് ട്രീ ഒരുക്കുന്നതുമൊക്കെയായ കാഴ്ചകള്‍ക്ക് സ്ബ്‌സ്‌ക്രൈബേഴ്‌സും പങ്കാളികളായി. അതിന് ശേഷം ഒരു ബന്ധുവിന്റെ ബേര്‍ത്ത് ഡേ സെലിബ്രേറ്റ് ചെയ്തതും വീഡിയോയില്‍ കാണാം.
സിനിമ നടി എന്ന സ്വപ്‌നത്തിലാണ് മാളവിക നായികാ നായകന്‍ എന്ന ഷോയില്‍ എത്തയിത്. അതിന് മുമ്പ് ചില ഡാന്‍സ് റിയാലിറ്റി ഷോകളിലും പങ്കെടുത്തിരുന്നു. എന്നാല്‍ സിനിമയില്‍ പ്രതീക്ഷിച്ച നല്ല വേഷങ്ങളൊന്നും മാളവികയ്ക്ക് ലഭിച്ചില്ല. സൂര്യ ടിവിയില്‍ ഒരു സീരിയല്‍ ചെയ്തുവെങ്കിലും ഇപ്പോള്‍ അഭിനയത്തില്‍ നിന്നും വിട്ടു നില്‍ക്കുകയാണ് താരം. അതേ സമയം യൂട്യൂബില്‍ വളരെ സജീവവുമാണ്.
@All rights reserved Typical Malayali.
Leave a Comment