ഇനി ആ വലിയ വീട്ടില്‍ ഞാന്‍ തനിച്ചല്ലേ മോളേ..!! മാളവികയെ യാത്രയാക്കാന്‍ നേരം വിങ്ങിപ്പൊട്ടി അമ്മ..!! നെഞ്ചുനുറുങ്ങിയ കാഴ്ച
നായികനായകന്‍ റിയാലിറ്റി ഷോയിലൂടെയായാണ് തേജസ് മാളവികയെ പരിചയപ്പെട്ടത്. ഷോ കഴിഞ്ഞ് വര്‍ഷങ്ങള്‍ക്ക് ശേഷം ഇരുവരും ജീവിതത്തില്‍ ഒന്നിച്ചിരിക്കുകയാണ്. കഴിഞ്ഞ ദിവസമായിരുന്നു ഇവരുടെ വിവാഹം. വിവാഹത്തിന്റെ ചിത്രങ്ങളും വീഡിയോയും സോഷ്യല്‍മീഡിയയിലൂടെ വൈറലായിരുന്നു.
തന്റെ പുതിയ സിനിമയിലേക്ക് നായകനെയും നായികയേയും കണ്ടെത്താനായാണ് ലാല്‍ ജോസ് നായികനായകന്‍ റിയാലിറ്റി ഷോ നടത്തിയത്. കുഞ്ചാക്കോ ബോബനും സംവൃത സുനിലുമായിരുന്നു ഷോയുടെ മെന്റര്‍മാര്‍. ഇടയ്ക്കിടയ്ക്ക് ഷോയിലേക്ക് ചില അതിഥികളുമെത്തിയിരുന്നു. വിവിധ റൗണ്ടുകളിലായി നടത്തിയ ഷോയിലെ മത്സരാര്‍ത്ഥികളെല്ലാം പ്രേക്ഷകര്‍ക്ക് പരിചിതരാണ്. തട്ടിന്‍പുറത്ത് അച്യുതന്‍ എന്ന ചിത്രത്തില്‍ മിക്കവരെയും അദ്ദേഹം ഉള്‍പ്പെടുത്തിയിരുന്നു. പ്രേമം റൗണ്ട് മുതല്‍ ഒന്നിച്ച് ചെയ്ത പെര്‍ഫോമന്‍സുകളിലെല്ലാം മികച്ച കൈയ്യടിയായിരുന്നു തേജസും മാളവികയും സ്വന്തമാക്കിയത്. ജീവിതത്തിലും നിങ്ങള്‍ ഒന്നിച്ചിരുന്നുവെങ്കില്‍ എന്നാഗ്രഹിച്ച് പോവുന്നു എന്നായിരുന്നു സംവൃത പറഞ്ഞത്. ഇപ്പോഴിതാ അത് യാഥാര്‍ത്ഥ്യമായിരിക്കുകയാണ്. ആ ചടങ്ങില്‍ പങ്കെടുക്കാന്‍ എത്തിയില്ലെങ്കിലും ഇവര്‍ക്ക് ആശംസകള്‍ അറിയിച്ചിരുന്നു. വിവാഹത്തില്‍ ലാല്‍ ജോസ് പങ്കെടുത്തിരുന്നു.
മാളവികയുടെയും തേജസിന്റെയും കല്യാണത്തില്‍ പങ്കുചേരാനായി ലാല്‍ ജോസ് എത്തിയിരുന്നു. നായികനായകന്‍ താരങ്ങളായ വെങ്കിടേഷ്, ശിവ, ദര്‍ശന, ആഡിസ് തുടങ്ങിയവരും എത്തിയിരുന്നു. നായികാ നായകൻ ടീമിലെ രണ്ടു പേർ ഇന്ന് ഒരുമിച്ച് ഒരു ജീവിതം തുടങ്ങുന്നു. തേജസ്സിനും മാളവികയ്ക്കും വിവാഹ മംഗളാശംസകൾ. ഈ ചേർച്ചയിൽ സന്തോഷം, സമാധാനം, ആയുരാരോഗ്യം,സമൃദ്ധി എല്ലാം നിറയട്ടെ എന്നായിരുന്നു ലാൽ ജോസ് ഫേസ്ബുക്കിൽ കുറിച്ചത്.നിമിഷനേരം കൊണ്ടായിരുന്നു ലാല്‍ ജോസിന്റെ പോസ്റ്റ് വൈറലായി മാറിയത്. സാര്‍ നേരിട്ട് വന്ന് ഞങ്ങളെ അനുഗ്രഹിച്ചതില്‍ ഒരുപാട് സന്തോഷം എന്നായിരുന്നു തേജസ് കമന്റ് ചെയ്തത്. തേജസിന്റെ കമന്റിന് താഴെയായി സ്‌നേഹം അറിയിച്ച് ലാല്‍ ജോസ് എത്തിയിരുന്നു. താലികെട്ട് ചിത്രം പങ്കുവെച്ചായിരുന്നു കുഞ്ചാക്കോ ബോബന്‍ ആശംസ അറിയിച്ചത്. മാളൂനും തേജൂനും ആശംസയുമായി സംവൃതയും എത്തിയിരുന്നു. ഇവരുടെ ആശംസ പോസ്റ്റുകള്‍ മാളവികയും തേജസും സ്‌റ്റോറിയാക്കിയിരുന്നു.സര്‍പ്രൈസായിരുന്നു.മാളവികയും തേജസും തമ്മിലുള്ള വിവാഹത്തെക്കുറിച്ച് ഞങ്ങള്‍ അറിഞ്ഞത് ആ വീഡിയോ കണ്ടപ്പോഴാണ്. ആളെ കാണുന്നതിന് മുന്‍പ് തന്നെ ഇത് തേജസാണോ എന്ന് സംശയിച്ചിരുന്നു. അളിയാ, നേരത്തെ പറയാന്‍ പറ്റിയില്ലെന്നായിരുന്നു വെങ്കിടേഷ് പറഞ്ഞത്. അവര്‍ പെര്‍ഫെക്റ്റ് മാച്ചാണ്, ചേരേണ്ടവര്‍ തന്നെയാണ് ചേര്‍ന്നത്. വര്‍ഷങ്ങള്‍ക്ക് ശേഷം ഞങ്ങള്‍ക്ക് കൂടിച്ചേരാനുള്ള അവസരവും അവര്‍ തന്നു. തിരക്ക് കാരണം പലര്‍ക്കും ഇവിടെ എത്താനായില്ലെന്നുമായിരുന്നു ദര്‍ശന പറഞ്ഞത്.
ഞങ്ങളുടേത് പ്രണയവിവാഹമല്ലെന്ന് മാളവികയും തേജസും ആവര്‍ത്തിക്കുന്നുണ്ടായിരുന്നു. നായികനായകന്‍ ഓഡിഷനിലാണ് മാളവികയെ കണ്ടത്. വിവാഹം ആലോചിച്ച് തുടങ്ങിയ സമയത്താണ് മാളുവിനെ ആലോചിച്ചാലോ എന്ന ചോദ്യങ്ങള്‍ വന്നത്. ജാതകവും നോക്കി ഇരുവീട്ടുകാരും ചേര്‍ന്നാണ് വിവാഹം തീരുമാനിച്ചത്. കരിയറുമായി മുന്നോട്ട് പോവാനാണ് തീരുമാനമെന്നും ഇരുവരും വ്യക്തമാക്കിയിരുന്നു.
@All rights reserved Typical Malayali.
Leave a Comment