27 വര്‍ഷത്തെ ദാമ്പത്യം, സുഹൃത്തിന്റെ മകളെ പ്രേമിച്ചു കെട്ടിയതെങ്ങനെ? അത് തെറ്റല്ലേ എന്ന് ചോദിച്ചാല്‍ നന്ദുവിന്റെ മറുപടി

സഹതാര വേഷങ്ങളിലൂടെ മലയാള സിനിമയില്‍ തന്റേതായ ഇടം കണ്ടെത്തിയ നടനാണ് നന്ദു. സിനിമയില്‍ വന്നിട്ട് എന്തു നേടി എന്ന ചോദ്യത്തിന് നന്ദു പറഞ്ഞ മറുപടി, നല്ല കുറച്ച് കഥാപാത്രങ്ങള്‍ ചെയ്യാന്‍ സാധിച്ചു, ആളുകള്‍ തിരിച്ചറിയുന്നു ഒപ്പം നല്ല ഒരു കുടുംബവും കിട്ടി എന്നാണ്. അതെ, ഇന്ന് നന്ദുവിന്റെ വിവാഹ വാര്‍ഷികമാണ്. കവിത നന്ദുവിന്റെ ജീവിതത്തിലേക്ക് വന്നിട്ട് 27 വര്‍ഷങ്ങള്‍ പൂര്‍ത്തിയാവുന്നു.

1997 സെപ്റ്റംബര്‍ 3 നായിരുന്നു നന്ദുവിന്റെ വിവാഹം. അന്ന് വിവാഹ ദിവസം എടുത്ത ഒരു ഫോട്ടോയും, ഇരുപത്തിയേഴ് വര്‍ഷങ്ങള്‍ക്കിപ്പുറം ഇന്ന്, സെപ്റ്റംബര്‍ 3 ന് എടുത്ത ഒരു ഫോട്ടോയും ചേര്‍ത്ത് വച്ചാണ് നന്ദി തന്റെ വിവാഹ വാര്‍ഷികത്തെ കുറിച്ച് സോഷ്യല്‍ മീഡിയയിലൂടെ അറിയിച്ചത്. പോസ്റ്റിന് താഴെ നടനെയും ഭാര്യയെയും ആശംസിച്ച് ഒരുപാട് കമന്റുകളാണ് ചിത്രത്തിന് താഴെ വരുന്നത്.

സുഹൃത്തിന്റെ മകളായിരുന്നു കവിത. ഞങ്ങളുടേത് പ്രണയ വിവാഹമാണെന്ന് നേരത്തെ ഒരു അഭിമുഖത്തില്‍ നന്ദു തന്നെ വെളിപ്പെടുത്തിയിരുന്നു. അഹം എന്ന സിനിമയില്‍ അസിസ്റ്റന്റ് ഡയരക്ടറായി പ്രവൃത്തിയ്ക്കുന്ന കാലം. സിനിമയിലെ ഒരു ഡോക്ടറുടെ വേഷം ചെയ്യാന്‍ മോഹന്‍ലാലിന്റെ സുഹൃത്തായ കൃഷ്ണകുമാര്‍ മദ്രാസില്‍ നിന്ന് കേരളത്തിലെത്തി. അദ്ദേഹവുമായി നന്ദു നല്ല സൗഹൃദത്തിലായി. പിന്നീട് മദ്രാസില്‍ പോകുമ്പോഴൊക്കെ കൃഷ്ണകുമാര്‍ വീട്ടിലേക്ക് ക്ഷണിച്ചു. ആ സൗഹൃദം അങ്ങനെ വളര്‍ന്നു.

കൃഷ്ണദാസിന്റെ മകളാണ് കവിത. അങ്ങനെ കണ്ടു പരിചയപ്പെട്ടു ഇഷ്ടപ്പെട്ടു, പ്രണയത്തിലായി. സുഹൃത്തിന്റെ മകളെ പ്രണയിക്കുന്നതൊക്കെ തെറ്റല്ലേ എന്ന് ചോദിച്ചാല്‍, ഞങ്ങളങ്ങ് പ്രണയിച്ചു എന്നാണ് നന്ദുവിന്റെ മറുപടി. സൗഹൃദ ബന്ധങ്ങള്‍ക്ക് വലിയ വില കൊടുക്കുന്ന ആളാണ് ഞാന്‍. അത് കവിതയുടെ അച്ഛനും അറിയാം. എനിക്ക് പിതൃസ്ഥാനത്താണ് കവിതയുടെ അച്ഛന്‍ എന്നും നന്ദു അഭിമുഖത്തില്‍ പറഞ്ഞിരുന്നു.

രണ്ട് മക്കളാണ് നന്ദുവിനും കവിതയ്ക്കും. മകള്‍ നന്ദിത. ആറാം ക്ലാസില്‍ പഠിക്കുന്ന കൃഷാലാണ് മകന്‍. കുടുംബ വിശേഷങ്ങള്‍ നന്ദു സോഷ്യല്‍ മീഡിയയിലൂടെ ആരാധകരുമായി പങ്കുവയ്ക്കാറുണ്ട്.

@All rights reserved Typical Malayali.