ഞാൻ ഒരു തെറ്റും മുരളിയോട് ചെയ്തിട്ടില്ല! എന്റെ മുരളിയുടെ കാര്‍ത്തികയെ ഞാന്‍ അനുഗ്രഹിച്ചിരുന്നു; മമ്മൂട്ടി പറഞ്ഞ വാക്കുകൾ

സിനിമ മേഖലയിൽ പ്രവർത്തിക്കുന്നവർ തമ്മിൽ സൗഹൃദം കാത്തുസൂക്ഷിക്കുന്നവർ മുതൽ തമ്മിൽ കണ്ടാൽ മിണ്ടാത്തവർ വരെയുണ്ട്. അത്തരത്തിൽ ഒരു കാലത്ത് അത്രയും ആത്മമിത്രങ്ങൾ ആയി നടന്നവർ ആയിരുന്നു മമ്മൂട്ടിയും അന്തരിച്ച നടൻ മുരളിയും. മുരളിയും മമ്മൂട്ടിയും തമ്മിലുള്ള പിണക്കത്തെ കുറിച്ച് മുൻപും വാർത്തകൾ വന്നിരുന്നു. പിന്നാലെ കഴിഞ്ഞദിവസമാണ് നടൻ മുരളിയുടെ കുടുംബത്തിന്റെ ഒരു വീഡിയോ സമൂഹ മാധ്യമങ്ങളിൽ വൈറൽ ആയത്

മുരളിയുടെ മകൾ ആണ് മമ്മൂട്ടിയും മുരളിയും തമ്മിൽ മുൻകാലത്ത് സംഭവിച്ച പിണക്കത്തെ കുറിച്ച് സംസാരിച്ചത്. അതോടെയാണ് വീണ്ടും മുൻപൊരിക്കൽ മമ്മൂട്ടി മുരളിയെക്കുറിച്ച് പറഞ്ഞ വാക്കുകൾ ചർച്ച ആയത്.
മമ്മൂട്ടിയുടെ വാക്കുകൾ

ഞാൻ ആർക്കും മദ്യ സേവ നൽകാത്ത, മദ്യപിയ്ക്കാത്ത ആളാണ് ഞാൻ. ആരെങ്കിലും മദ്യപിച്ചു ബിൽ കൊടുത്തിട്ടുണ്ട് എങ്കിൽ അത് മുരളി കുടിച്ച ബിൽ ആകും. ഞാനും മുരളിയും തമ്മിൽ അഭിനയിക്കുന്ന കഥാപാത്രങ്ങൾക്ക് ഒരു ഇമോഷണൽ ലോക്ക് ഉണ്ടാകുമായിരുന്നു,. ആ പടത്തിൽ സുഹൃത്തുക്കൾ ആയാണ് എങ്കിലും ശത്രുക്കൾ ആയാണ് എത്തുന്നത് എങ്കിലും ഒരു ഇമോഷണൽ ലോക്ക് ഉണ്ട് ഞങ്ങൾക്ക് ഇടയിൽ. അമരം, ഇൻസ്‌പെക്ടർ ബൽറാം അതിലൊക്കെ അത് കാണാൻ കഴിയും.അത്രയും ഇമോഷണൽ ആയി അറ്റാച്ഡ് ആയ ആളുകൾ ആണ്. എന്നാൽ ഒരു സുപ്രഭാതത്തിൽ മുരളിക്ക് ഞാൻ ശത്രു ആയി. ഞാൻ എന്ത്ചെയ്തിട്ടാണ്. പിന്നെ ഒരുപാട് അകന്നു പോയി.

എനിയ്ക്ക് ഭയങ്കരമായി മിസ് ചെയ്ത ആളാണ് മുരളി. ലോഹിതദാസ് ഒക്കെ മരണപ്പെടുമ്പോൾ നമ്മൾ സ്നേഹത്തോടെയാണ് പിരിയുന്നത്. എന്നാൽ ഇത് അങ്ങനെ അല്ല ഒരിക്കലും എന്താണ് പിണങ്ങിയത്. ഇയാൾക്ക് എന്താണ് വിരോധം എന്ന് അറിയാത്ത സങ്കടം ഇപ്പോഴും എന്റെ ഉള്ളിൽ ഉണ്ട്. എനിക്ക് നാഷണൽ അവാർഡ് കിട്ടിയപ്പോൾ എന്നെ അത്രയും പുകഴ്ത്തിയ ആളാണ്. ഞാൻ എന്തെങ്കിലും ചെയ്തു എന്ന് എനിക്ക് ഇപ്പോഴും തോന്നുന്നില്ല. അത്രയും ഇമോഷണൽ അട്ടച്ച്മെന്റ്റ് എനിക്ക് അദ്ദേഹത്തോട് ഉണ്ടായിരുന്നു- മമ്മൂട്ടി മുൻപൊരിക്കൽ കൈരളി ടിവിയിൽ സംസാരിക്കുമ്പോഴാണ് ഇക്കാര്യം പറയുന്നത്.

“മുരളിയുടെ മകളുടെ വിവാഹത്തിന് ഞാന്‍ പോയിരുന്നു. കാര്‍ത്തികയെ ഞാന്‍ അനുഗ്രഹിച്ചിരുന്നു. വിവാഹം തികച്ചും ലളിതമായി, സ്വകാര്യ ചടങ്ങായാണ് നടത്തുന്നതെന്ന് അറിഞ്ഞതിനാല്‍ നേരത്തെ പോയി കാണുകയായിരുന്നുവെന്നും” മമ്മൂട്ടി പറഞ്ഞിരുന്നു.

മലയാളികളുടെ എക്കാലത്തേയും പ്രിയപ്പെട്ട അഭിനേതാവായിരുന്നു മുരളി. വ്യത്യസ്തമായ കഥാപാത്രങ്ങളുമായി മുന്നേറുന്നതിനിടയിലായിരുന്നു അപ്രതീക്ഷിതമായ വിയോഗം.മുരളിയുമായി അടുത്ത സൗഹൃദം സൂക്ഷിച്ചിരുന്നയാളാണ് മമ്മൂട്ടി. സിനിമയ്ക്കപ്പുറത്ത് ജീവിതത്തിലും ആ ബന്ധം ഇരുവരും നിലനിര്‍ത്തിയിരുന്നു.

@All rights reserved Typical Malayali.