എന്നാലും ആരായിരിക്കും ആ നടി? കാശ് കൊടുത്ത് സൂപ്പര്‍സ്റ്റാറാണെന്ന് പറയിപ്പിക്കുന്ന, മംമ്ത മോഹന്‍ദാസ് പറഞ്ഞ നടിയെ തിരഞ്ഞ് സോഷ്യല്‍ മീഡിയ
സൂപ്പര്‍സ്റ്റാര്‍, മെഗാസ്റ്റാര്‍, പവര്‍സ്റ്റാര്‍, ആക്ഷന്‍ സ്റ്റാര്‍, സ്റ്റൈല്‍ മന്നന്‍, ഉലകനായകന്‍, ഇളയദളപതി, തല, പെര്‍ഫക്ട് സ്റ്റാര്‍ എന്നിങ്ങനെ ഓരോ ഇന്റസ്ട്രിയിലും നടന്മാര്‍ക്ക് പല ടാഗുകളാണ്. ചുരുക്കം ചില നടിമാരെയും ഇത്തരത്തില്‍ ടാഗോടു കൂടെ വിശേഷിപ്പിക്കുന്നുണ്ട്. ക്വീന്‍ നായിക, സൂപ്പര്‍സ്റ്റാര്‍, ലേഡി സൂപ്പര്‍സ്റ്റാര്‍ എന്നിങ്ങനെ പോകുന്നു അത്തരം വിശേഷണങ്ങള്‍. എന്നാല്‍ ചിലര്‍ക്ക് അത് ജനം മനസ്സറിഞ്ഞ് കൊടുത്ത വിശേഷണം അല്ല എന്നാണ് മംമ്ത മോഹന്‍ദാസ് പറയുന്നത്.
മഹാരാജ എന്ന ഏറ്റവും പുതിയ ചിത്രത്തിന്റെ പ്രമോഷന്‍ തിരക്കുകളിലാണ് മംമ്ത. തന്റെ സ്വകാര്യ ജീവിതത്തിലെ കാര്യങ്ങളും, സിനിമ ഇന്റസ്ട്രിയില്‍ നേരിടുന്ന പ്രശ്‌നങ്ങളും എല്ലാം മംമ്ത അഭിമുഖങ്ങളില്‍ സംസാരിക്കുന്നുണ്ട്. അത്തരത്തില്‍ ഗലാട്ട തമിഴിന് നല്‍കിയ ഒരു അഭിമുഖത്തില്‍ മംമ്ത പറഞ്ഞ കാര്യത്തെ കുറിച്ച് വലിയ രീതിയില്‍ സോഷ്യല്‍ മീഡിയയില്‍ ചര്‍ച്ചകള്‍ നടക്കുന്നു.
ഇന്റസ്ട്രിയില്‍ പ്രൊഡ്യൂസര്‍മാരുടെ കാശ് വെറുതേ കളയുന്ന ഒത്തിരി നായികമാരുണ്ട് എന്ന് പറഞ്ഞു വരികയായിരുന്നു മംമ്ത. ‘നിര്‍മാതാവിന്റെ ഭാഗത്ത് നിന്ന് കൂടെ ചിന്തിക്കുന്ന നടിയാണ് ഞാന്‍. ഞാന്‍ കാരണം സിനിമയുടെ പ്രൊഡ്യൂസര്‍ക്ക് അമിതമായ ചെലവ് വരാതിരിക്കാന്‍ ഞാന്‍ എപ്പോഴും ശ്രദ്ധിയ്ക്കും. ഒരു ഹോട്ടല്‍ റൂം ബുക്ക് ചെയ്യുമ്പോള്‍ പോലും, അദ്ദേഹത്തിന്റെ പൈസ വെറുതേ കളയരുത് എന്ന് ഞാന്‍ ചിന്തിക്കാറുണ്ട്. അസിസ്റ്റന്റ്‌സിനൊപ്പമല്ല ഞാന്‍ ലൊക്കേഷനിലേക്ക് വരുന്നത്. എന്റെ എല്ലാ കാര്യങ്ങളും നോക്കുന്നത് അമ്മ തന്നെയാണ്’
‘എന്നാല്‍ നിര്‍മാതാവിന്റെ കാശ് കളയാന്‍ വേണ്ടി മാത്രം അനാവശ്യമായ ചെലവ് കൊണ്ടുവരുന്ന നടിമാരുണ്ട്. മൂന്ന് നാല് അസിസ്റ്റന്റ്‌സിനൊപ്പമാണ് അവര്‍ ലൊക്കേഷനിലേക്ക് വരുന്നത് തന്നെ. അവരുടെ ആവശ്യങ്ങള്‍ പലപ്പോഴും നിര്‍മാതാവിന് താങ്ങാന്‍ പറ്റാത്തതാവും. അത് മാത്രമല്ല, ഓരോ പോസ്റ്റാണ് നടിമാര്‍ ആഗ്രഹിക്കുന്നത്. കാശ് കൊടുത്ത് പി ആറിനെ വച്ച് സൂപ്പര്‍സ്റ്റാറാണെന്ന് പറഞ്ഞ് നടക്കുന്ന നടിമാരുണ്ട്. ജനങ്ങള്‍ അംഗീകരിച്ചു നല്‍കിയതല്ല. അവര്‍ കാശ് കൊടുത്ത് വാങ്ങിയതാണ്’ എന്നാണ് മംമ്ത പറഞ്ഞത്.
എന്നാലും ആരായിരിക്കും ആ നടി എന്നാണ് ആരാധകരുടെ ചോദ്യം. മലയാളത്തിലും വൈറലായ ഇന്റര്‍വ്യുവില്‍ ചിലര്‍ മഞ്ജു വാര്യരുടെ പേര് എടുത്ത് സംസാരിക്കുന്നുണ്ട്. എന്നാല്‍ ദയവ് ചെയ്ത് എന്നെ സൂപ്പര്‍ സ്റ്റാര്‍ എന്ന് വിളിക്കരുത്, അത് ഇഷ്ടമല്ല. നടി എന്ന് വിളിച്ചോളൂ, അങ്ങനെ മാത്രം വിശേഷിപ്പിക്കരുത് എന്ന് പല അഭിമുഖങ്ങളിലും മഞ്ജു പറഞ്ഞതാണ്.
മഞ്ജു വാര്യരല്ല, നയന്‍താരയാണ് ആ നടിയെന്നാണ് തമിഴകം പറയുന്നത്. ലേഡി സൂപ്പര്‍ സ്റ്റാര്‍ എന്ന ടാഗ് നയന്‍ കാശ് കൊടുത്ത് വാങ്ങിയതാണെന്ന് അഭിമുഖത്തിന് താഴെ വരുന്ന കമന്റുകള്‍. മലയാളം തമിഴ് ഇന്റസ്ട്രിയെ സംബന്ധിച്ച് മഞ്ജുവും നയന്‍താരയുമാണ് ഇപ്പോള്‍ ആ പദവി അലങ്കരിക്കുന്നത്. ചിലര്‍ക്ക് അത് ഉര്‍വശിയാണ്, മറ്റു ചിലര്‍ക്ക് ശോഭനയാണ്. ഇവരില്‍ ആരെങ്കിലും ആണോ അതോ ബോളിവുഡിലെ ആരെയെങ്കിലും ഉദ്ദേശിച്ചാണോ മംമ്ത പറഞ്ഞത് എന്നാണ് സോഷ്യല്‍ മീഡിയയുടെ സംശയം.
@All rights reserved Typical Malayali.
Leave a Comment