എന്റെ ഹൃദയം അങ്ങ് അലിഞ്ഞുപോയി; അവളുടെ സ്റ്റെപ്പുകൾ എന്നേക്കാൾ നന്നായിരിക്കുന്നു; മഞ്ജുവിന്റെ വാക്കുകൾ ഷെയർ ചെയ്ത് പേളി

മഞ്ജു വാര്യർ എന്ന നടിയുടെ ഏറ്റവും പുത്തൻ റിലീസ് ആണ് വേട്ടയ്യൻ. സൂപ്പർ സ്റ്റാർ രജനിക്കൊപ്പം ആവേശം സൃഷ്ടിച്ച് കൊണ്ടാണ് മഞ്ജു വാര്യർ സോഷ്യൽ മീഡിയ ട്രെൻഡിങ് ലിസ്റ്റിലും ഇടം പിടിക്കുന്നത്. വെട്രിമാരൻ ചിത്രത്തിലൂടെ തമിഴ് സിനിമയിൽ അരങ്ങേറ്റം കുറിച്ച മഞ്ജു ഇപ്പോൾ അവിടെയും തന്റെ വിജയക്കൊടി പാറിച്ചു കഴിഞ്ഞു.

റിലീസ് ചെയ്തു ഒരു ആഴ്ച പിന്നിടുമ്പോൾ കോടികൾ ആണ് ചിത്രം നേടിയത്. ചിത്രം റിലീസ് ചെയ്യും മുൻപേ തന്നെ ചിത്രത്തിലെ ‘മനസ്സിലായോ’ എന്ന ഗാനം സോഷ്യൽ മീഡിയയിൽ വമ്പൻ ഹിറ്റായിരുന്നു. ഏറ്റവും കൂടുതൽ കൈയടിയും മഞ്ജു നേടി.

രജിനികാന്തിനൊപ്പമുള്ള മഞ്ജു വാര്യരുടെ ഡാൻസ് എല്ലായിടത്തും ട്രെൻഡിങ് ആയി.ഇപ്പോള്‍ റിലീസിന് ശേഷവും മഞ്ജു വാര്യരുടെ താര എന്ന കഥാപാത്രത്തിന്റെ മാസ്സ് സീൻ തിയേറ്ററിൽ നിറഞ്ഞ കൈയ്യടിയോടെയാണ് സ്വീകരിക്കപ്പെടുന്നത്. രജനികാന്തിന്റെ ഭാര്യാ കഥാപാത്രമായിട്ടാണ് മഞ്ജു വാര്യർ ചിത്രത്തിലെത്തുന്നത്. വേട്ടയ്യൻ രണ്ടാം ആഴ്‌ചയിക്കലേക്ക് കടക്കുമ്പോളും മികച്ച പ്രേക്ഷക പ്രീതി നേടി മുന്നേറുകയാണ്. കഴിഞ്ഞദിവസമാണ് അവതാരകയും നടിയും ആയ പേളി മാണി കുടുംബത്തിന് ഒപ്പം സിനിമ കാണാൻ വേണ്ടി പോകുന്നത്.

പേളിയുടെ കുട്ടി സ്റ്റാർ നിറ്റാര ബേബിയും സിനിമ കാണാൻ അമ്മയ്ക്കും അച്ഛനും ഒപ്പം ഉണ്ടായിരുന്നു. സാധാരണ തീയേറ്ററുകളിൽ എത്തിയാൽ ബോറടിയാണ് കുഞ്ഞു കുട്ടികൾക്ക് എന്നാൽ ഇത് അമ്മയെ വെല്ലുന്ന പ്രകടനം ആണ് നിറ്റാര നടത്തുന്നത്. മനസ്സിലായോ ഗാനം കേൾക്കുന്നതും ബേബി ഭയങ്കര ത്രില്ലിൽ ആണ്. നല്ല കിടിലൻ വൈബോഡെയാണ് ഡാൻസ് ചെയ്യുന്നത്. ഇത് കണ്ടതും മഞ്ജു വാര്യർ ഈ വീഡിയോ ഷെയർ ചെയ്തു എന്നിട്ട് ഇങ്ങനെ കുറിച്ചു. എന്റെ ഹൃദയം അങ്ങ് അലിഞ്ഞു പോയി. അവളുടെ സ്റ്റെപ്പുകൾ എന്നേക്കാൾ നന്നായിരിക്കുന്നു എന്നാണ് മഞ്ജു കുറിച്ചത്. മഞ്ജു പങ്കിട്ട വാക്കുകൾ പേളിയും ഷെയർ ചെയ്തിട്ടുണ്ട്.അതോടെയാണ് മീനൂട്ടി ആ അമ്മ മനസ്സ് കാണുന്നുണ്ടോ എന്ന ചോദ്യവുമായി ആരാധകരും എത്തിയത്.

അതേസമയം വേട്ടയ്യനിൽ വലിയ രീതിയിൽ ഉള്ള സ്‌ക്രീൻ സ്‌പെയ്‌സ് മഞ്ജുവിന് ഇല്ലെന്നാണ് റിപ്പോർട്ടുകൾ; എന്നിരുന്നാൽ തന്നെയും രജിനിക്കൊപ്പമുള്ള സീനുകളിൽ മഞ്ജുവിന്റെ താര കയ്യടി നേടുന്നുണ്ട്. രണ്ടാം പകുതിയുടെ അവസാനത്തോട് അടുക്കുമ്പോൾ ഉള്ള സീനിൽ രജനിക്കൊപ്പം തിയേറ്ററിൽ ആവേശം സൃഷ്ടിക്കാനും മഞ്ജു വാര്യർക്ക് സാധിക്കുന്നുണ്ട്.

അസുരൻ എന്ന ചിത്രത്തിലൂടെയാണ് മഞ്ജു വാര്യർ തമിഴ് സിനിമയിൽ അരങ്ങേറ്റം കുറിച്ചത്. ചിത്രത്തിൽ മഞ്ജു അവതരിപ്പിച്ച പച്ചയമ്മാൾ ഏറെ പ്രശംസ പിടിച്ചുപറ്റിയ കഥാപാത്രമായിരുന്നു. തുടർന്ന് അജിത് ചിത്രമായ തുനിവിലും ശ്രദ്ധേയമായ വേഷം മഞ്ജു വാര്യർ അവതരിപ്പിച്ചു. വെട്രിമാരന്‍ ഒരുക്കുന്ന വിടുതലെെ 2വിലും മഞ്ജു പ്രധാന വേഷത്തിലെത്തുന്നുണ്ട്.

വേട്ടയ്യനിൽ മഞ്ജു വാര്യർക്ക് 2 കോടിയും ഫഹദ് നാലുകോടിയും പ്രതിഫലം വാങ്ങി എന്നാണ് റിപ്പോർട്ട്. അമിതാഭ് ബച്ചൻ അതിഥി വേഷം ആയതുകൊണ്ടുതന്നെ പ്രതിഫലം വെറും 7 കോടി രൂപയും റാണ ദഗ്ഗുബട്ടിക്ക് 5 കോടിയുമാണ് പ്രതിഫലം. റിതിക സിംഗും ചിത്രത്തിലുണ്ട്. 25 ലക്ഷം ആണ് കിങ്‌ഫ് ഓഫ് കൊത്ത താരം കൂടിയായ റിതിക വാങ്ങുന്നത്.

@All rights reserved Typical Malayali.