മഞ്ജു വാര്യര്‍ പ്രണയത്തില്‍? പുതുജീവിതത്തിലേക്ക് പ്രവേശിക്കും മുന്‍പ് മകളെ കണ്ടു?
യുവജനോത്സവ വേദിയില്‍ നിന്നുമായി സിനിമയിലേക്കെത്തിയതാണ് മഞ്ജു വാര്യര്‍. സാക്ഷ്യമെന്ന ചിത്രത്തിലൂടെയായി തുടങ്ങിയ അഭിനയ ജീവിതം ആയിഷയിലെത്തി നില്‍ക്കുകയാണ്. അഭിനയവും ഡാന്‍സും പാട്ടുമൊക്കെയായി സജീവമാണ് താരം. ചാനല്‍ പരിപാടികളിലും മഞ്ജു അതിഥിയായി എത്താറുണ്ട്. സോഷ്യല്‍മീഡിയയിലൂടെയായും വിശേഷങ്ങള്‍ പങ്കിടാറുണ്ട്. ഇടക്കാലത്ത് സിനിമയില്‍ നിന്നും മാറി നിന്നിരുന്നുവെങ്കിലും ശക്തമായ തിരിച്ചുവരവായിരുന്നു മഞ്ജു നടത്തിയത്. മഞ്ജു വാര്യര്‍ മകള്‍ മീനാക്ഷിയുടെ കോളേജില്‍ അതിഥിയായി എത്തിയെന്നും, മകള്‍ അമ്മയെ ഗൗനിച്ചില്ലെന്ന തരത്തിലുമുള്ള ഗോസിപ്പുകളായിരുന്നു ഇടക്കാലത്ത് പ്രചരിച്ചത്. താരം പ്രണയത്തിലാണെന്ന തരത്തിലുള്ള ഗോസിപ്പുകളാണ് ഇപ്പോള്‍ തമിഴകത്തെ ചര്‍ച്ചാ വിഷയം. പതിവ് പോലെ തന്നെ ഗോസിപ്പുകളില്‍ മൗനം പാലിച്ചിരിക്കുകയാണ് മഞ്ജു.
പ്രണയത്തിലോ?
പ്രണയത്തിലോ?
താരങ്ങളുടെ വ്യക്തി ജീവിതത്തിലെ കാര്യങ്ങളും ചര്‍ച്ചയായി മാറാറുണ്ട്. മഞ്ജു വാര്യര്‍ പ്രണയത്തിലാണെന്ന തരത്തിലുള്ള റിപ്പോര്‍ട്ടുകളാണ് സോഷ്യല്‍മീഡിയയിലൂടെ പ്രചരിച്ചുകൊണ്ടിരിക്കുന്നത്. പുതിയ സിനിമയുടെ പ്രമോഷനുമായി ബന്ധപ്പെട്ട് നല്‍കിയ അഭിമുഖത്തിലെ കാര്യങ്ങള്‍ ചൂണ്ടിക്കാണിച്ചാണ് പ്രണയവാര്‍ത്ത പുറത്തുവന്നത്. ആരെയാണ് പ്രൊപ്പോസ് ചെയ്യാനാഗ്രഹിക്കുന്നതെന്ന് ചോദിച്ചപ്പോള്‍ അതേക്കുറിച്ച് ഇപ്പോള്‍ പറയാനാവില്ലെന്ന് താരം മറുപടിയേകിയിരുന്നു. ഇതോടെയാണ് താരം പ്രണയത്തിലാണെന്ന് റിപ്പോര്‍ട്ടുകള്‍ വന്നത്. വ്യക്തി ജീവിതത്തിലെ കാര്യങ്ങള്‍ ചര്‍ച്ചയാക്കാനാഗ്രഹിക്കാത്തയാളാണ് മഞ്ജു. അങ്ങനെയുള്ള ചോദ്യങ്ങള്‍ക്കൊന്നും മറുപടി നല്‍കാറുമില്ല.
മകളെ കണ്ടു
മകളെ കണ്ടു
ചെന്നൈയില്‍ എംബിബിഎസ് വിദ്യാര്‍ത്ഥിനിയായ മീനാക്ഷിയുടെ കോളേജിലേക്ക് മഞ്ജു വാര്യര്‍ അതിഥിയായെത്തി എന്ന തരത്തിലുള്ള ഗോസിപ്പുകളും ഇടയ്ക്ക് പ്രചരിച്ചിരുന്നു. ഇതേക്കുറിച്ച് മഞ്ജുവോ മീനാക്ഷിയോ ഇവരുമായി ബന്ധപ്പെട്ടവരോ പ്രതികരിച്ചിരുന്നില്ല. ദിലീപുമായുള്ള വിവാഹബന്ധം വേര്‍പെടുത്തുന്ന സമയത്ത് അച്ഛനൊപ്പം പോവാനാണ് ഇഷ്ടമെന്ന് മകള്‍ പറഞ്ഞപ്പോള്‍ ആ തീരുമാനത്തെ പിന്തുണയ്ക്കുകയായിരുന്നു മഞ്ജു. മകളെക്കുറിച്ചോ, മകളുടെ അച്ഛനെക്കുറിച്ചോ പിന്നീടിന്നുവരെ പറഞ്ഞിട്ടുമില്ല. അങ്ങനെയുള്ള ചോദ്യങ്ങള്‍ വേണ്ട, അല്ലെങ്കില്‍ പ്രതികരിക്കില്ല. മഞ്ജുവിന്റെ അഭിമുഖങ്ങള്‍ ശ്രദ്ധിച്ചാലറിയാം ആ നിലപാട്.
തമിഴകത്ത്
തമിഴകത്ത്
അസുരനിലൂടെയായാണ് മഞ്ജു തമിഴില്‍ അരങ്ങേറിയത്. തമിഴ് അറിയാമെങ്കിലും അഭിനയിക്കാന്‍ അവസരം ലഭിച്ചപ്പോള്‍ താരം സ്വീകരിച്ചിരുന്നില്ല. അസുരനിലെ അഭിനയത്തിന് മികച്ച പ്രതികരണങ്ങളായിരുന്നു ലഭിച്ചത്. ഇതോടെയാണ് കൂടുതല്‍ സിനിമകള്‍ തേടിയെത്തിയത്. അജിതിനൊപ്പമായി അഭിനയിച്ച തുനിവ് റിലീസിനായി തയ്യാറെടുക്കുകയാണ്. ഈ ചിത്രത്തിലേക്ക് തന്നെ അഭിനയിപ്പിക്കാനായി തീരുമാനിച്ച് സംവിധായകനാണ് റിസ്‌ക്ക് എടുത്തതെന്നായിരുന്നു മഞ്ജു പറഞ്ഞത്. അജിത്തിനൊപ്പമുള്ള അനുഭവങ്ങള്‍ മനോഹരമായിരുന്നുവെന്നും താരം വ്യക്തമാക്കിയിരുന്നു.
നേരത്തെയും
നേരത്തെയും
മഞ്ജു വാര്യര്‍ പ്രണയത്തിലാണെന്നും പുതുജീവിതത്തിലേക്ക് പ്രവേശിച്ചേക്കുമെന്ന തരത്തിലുള്ള ഗോസിപ്പുകള്‍ നേരത്തെയും പ്രചരിച്ചിരുന്നു. വ്യക്തി ജീവിതത്തിലെ കാര്യങ്ങളെക്കുറിച്ചുള്ള ഗോസിപ്പുകള്‍ സജീവമായപ്പോഴും താരം പ്രതികരിച്ചിരുന്നില്ല. ആ മൗനത്തില്‍ നിന്ന് കാര്യങ്ങള്‍ മനസിലാക്കാമെന്നായിരുന്നു ആരാധകര്‍ പറഞ്ഞത്. സിനിമയിലും വ്യക്തി ജീവിതത്തിലുമെല്ലാം മഞ്ജു മികച്ച മാതൃകയാണെന്നാണ് ആരാധകര്‍ പറയാറുള്ളത്. ദാമ്പത്യ ജീവിതത്തിലെ അപ്രതീക്ഷിത തിരിച്ചടികളില്‍ പതറാതെ പൊരുതി മുന്നേറുകയായിരുന്നു മഞ്ജു എന്നാണ് ആരാധികമാരുടെ വിലയിരുത്തല്‍.
@All rights reserved Typical Malayali.
Leave a Comment