മനോജ് കെ ജയന്റെ വീട്ടിലേക്ക് വമ്പന്‍ സൗഭാഗ്യം

ഹാസ്യകഥാപാത്രങ്ങളിലൂടേയും വില്ലന്‍ വേഷങ്ങളിലൂടേയും നായക കഥാപാത്രങ്ങളിലൂടേയും മലയാളികള്‍ക്ക് സുപരിചിതനായ നടനാണ് മനോജ് കെ.ജയന്‍. താരത്തിന്റെ ജന്മദിനമാണ് ഇന്ന്. 1966 മാര്‍ച്ച് 15 നാണ് അദ്ദേഹത്തിന്റെ ജനനം. ഇന്ന് 58-ാം ജന്മദിനമാണ് മനോജ് കെ ജയന്‍ ആഘോഷിക്കുന്നത്. അനന്തഭദ്രത്തിലെ ദിഗംബരൻ, കുട്ടന്‍ തമ്പുരാൻ എന്നിങ്ങിനെ നിരവധി കഥാപാത്രങ്ങൾ അദ്ദേഹം മലയാള സിനിമയ്ക്ക് ഇതിനോടകം സമ്മാനിച്ചു കഴിഞ്ഞു. ഇടയ്ക്ക് കോമഡി ട്രാക്കിലേക്ക് കയറിയപ്പോഴും ആരാധകരെ പൊട്ടി ചിരിപ്പിക്കാൻ പാകത്തിൽ നല്ല കഥാപാത്രങ്ങളെ അദ്ദേഹം സമ്മാനിച്ചു. വിവിധ വേഷപ്പകർച്ചയിലൂടെ മലയാളികളെ അമ്പരപ്പിച്ച് കൊണ്ടേയിരിക്കുന്ന മനോജ് കെ ജയന് ആശംസയുമായി സിനിമയ്ക്ക് അകത്തു നിന്നും പുറത്തു നിന്നും നിരവധി ആളുകൾ എത്തിയിരുന്നു.

ഇപ്പോഴിതാ മനോജ് കെ ജയൻ പങ്കുവച്ച ഒരു പോസ്റ്റാണ് ശ്രദ്ധ നേടുന്നത്. ” ഒരു പിറന്നാൾ മധുരം കൂടി…പിന്നിട്ട വഴികൾ, അനുഭവങ്ങൾ, മാതാപിതാക്കൾ,ഗുരുശ്രേഷ്ഠർ, എന്നെ ഞാനാക്കിയ പ്രേക്ഷകർ , അഭ്യുദയകാംക്ഷികൾ,എല്ലാവരെയും ഈ ജന്മദിനത്തിൽ സ്നേഹപൂർവ്വം സ്മരിക്കുന്നു” എന്നാണ് അദ്ദേഹം ഇൻസ്റ്റാഗ്രാമിൽ കുറിച്ചത്. സർഗത്തിലെ കുട്ടൻ തമ്പുരാനായി വന്നാണ് മലയാളി പ്രേക്ഷകരുടെ പ്രിയങ്കരനായി മനോജ് കെ ജയൻ മാറിയത്.

പ്രശസ്ത കർണ്ണാടക സംഗീതജ്ഞനായ കടംപൂത്രമഠം ജയൻ്റെയും (ജയവിജയന്മാർ) അധ്യാപികയായ സരോജിനിയുടേയും മകനായി ആണ് മനോജ് കെ ജയൻ ജനിച്ചത്. മനോജ് കടംപൂത്രമഠം ജയൻ എന്നാണ് അദ്ദേഹത്തിന്റെ മുഴുവൻ പേര്. നാട്ടകം ഗവ.കോളേജിൽ നിന്ന് പ്രീഡിഗ്രി പൂർത്തിയാക്കിയ ശേഷം തിരുവനന്തപുരം ഫിലിം ഇൻസ്റ്റിറ്റ്യൂട്ടിൽ അഭിനയം പഠിക്കുവാൻ ചേർന്നെങ്കിലും അദ്ദേഹം പഠനം പൂർത്തിയാക്കിയില്ല. മാമലകൾക്കപ്പുറത്ത് എന്ന സിനിമയിൽ ഒരു പ്രധാന കഥാപാത്രം അദ്ദേഹം ചെയ്തെങ്കിലും ആ സിനിമ പുറത്തിറങ്ങിയില്ല. പിന്നീട് 1990-ൽ റിലീസായ പെരുന്തച്ചൻ 1992-ൽ പുറത്തിറങ്ങിയ സർഗ്ഗം എന്നീ സിനിമകൾ മനോജിൻ്റെ അഭിനയ ജീവിതത്തിൽ വഴിത്തിരിവായി മാറിയ സിനിമകളാണ്.

കഴിഞ്ഞ ദിവസം സർഗം സിനിമയയുടെ ലൊക്കേഷനിലേക്ക് മൂന്നര പതിറ്റാണ്ടിന് ശേഷം മനോജ് കെ ജയൻ എത്തിയ ദൃശ്യങ്ങൾ പുറത്തു വന്നിരുന്നു. കൊയിലാണ്ടിയിലെ മുച്ച്ക്കുന്നു കോട്ടയില്‍ ശിവക്ഷേത്രവും പരിസരവുമായിരുന്നു ചിത്രത്തിന്റെ പ്രധാന ലൊക്കേഷന്‍. ഇവിടെയുള്ള ക്ഷേത്രത്തിലെ നടപന്തലിന്റെ സമര്‍പ്പണത്തിനാണ് വര്‍ഷങ്ങള്‍ക്ക് ശേഷം മനോജ് കെ ജയൻ എത്തിയത്. 33 വര്‍ഷങ്ങള്‍ക്ക് ശേഷം ഇവിടെ എത്തിയതിന്റെ വിശേഷങ്ങൾ താരം സമൂഹമാധ്യമങ്ങളിൽ പങ്കുവച്ചിരുന്നു.

@All rights reserved Typical Malayali.