മീനാക്ഷിയെ കെട്ടിപ്പിടിച്ച് മഹാലക്ഷ്മി! അമ്മയ്ക്ക് വേണ്ടി മക്കള്‍ പോസ് ചെയ്തപ്പോള്‍ സംഭവിച്ചത്? വൈറലായി ചിത്രം

ദിലീപിന്റെയും കാവ്യ മാധവന്റെയും മകളായ മഹാലക്ഷ്മി എന്ന മാമാട്ടിയും പ്രേക്ഷകര്‍ക്ക് പരിചിതയാണ്. വിജയദശമി ദിനത്തിലായിരുന്നു മകള്‍ ജനിച്ചത്. അങ്ങനെയാണ് ഈ പേര് തെരഞ്ഞെടുത്തതെന്ന് ദിലീപ് വ്യക്തമാക്കിയിരുന്നു. വീട്ടിലെ കുസൃതിക്കുടുക്കയാണ് മഹാലക്ഷ്മിയെന്ന് ദിലീപും മീനാക്ഷിയും ഒരുപോലെ പറഞ്ഞിരുന്നു. ചേച്ചിയുമായി നല്ല കൂട്ടാണ് മഹാലക്ഷ്മി. ചേച്ചിയുണ്ടെങ്കില്‍ എവിടെ പോയാലും വേറെ ആരും വേണ്ട. പ്രായവ്യത്യാസമൊന്നും അവര്‍ക്കിടയിലൊരു വിഷയമല്ല.

കുട്ടിക്കാലത്തെ ചിത്രങ്ങള്‍ നോക്കുമ്പോള്‍ രണ്ടുപേരും തമ്മില്‍ നല്ല സാമ്യമാണെന്നായിരുന്നു ദിലീപ് പറഞ്ഞത്. യുകെജി വിദ്യാര്‍ത്ഥിനിയായ മഹാലക്ഷ്മി ഇതിനകം തന്നെ അഭിനയത്തില്‍ താല്‍പര്യം അറിയിട്ട് കഴിഞ്ഞിട്ടുണ്ട്. തക്കംകിട്ടിയാല്‍ ഫോണ്‍ എടുത്ത് ക്യാമറ ഓണാക്കി വ്‌ളോഗ് ചെയ്യാറാണ് പതിവ്. ഹായ് ഗൈസ് എന്നൊക്കെ പറഞ്ഞ് എന്തൊക്കെയോ സംസാരിക്കുന്നത് കാണാം. അവളുടെ മേല്‍ എപ്പോഴും ഒരു കണ്ണ് വേണമെന്ന് ദിലീപ് തന്നെ കാവ്യയ്ക്ക് നിര്‍ദേശം നല്‍കിയിട്ടുണ്ട്. മാമാട്ടിയുടെ പഠനവും, അവള്‍ക്ക് ഭക്ഷണം നല്‍കുന്നതുമെല്ലാം കാവ്യയാണ്. ഞാന്‍ ആ വഴിക്ക് പോകാറേയില്ലെന്നാണ് ദിലീപ് മകളെ നോക്കുന്നതിനെക്കുറിച്ച് ചോദിച്ചപ്പോള്‍ പറഞ്ഞത്.

കാവ്യ മാധവന്റെ ഓണ്‍ലൈന്‍ ബോട്ടീക്കായ ലക്ഷ്യയ്ക്ക് ഇടയ്ക്ക് മീനാക്ഷി മോഡലായിരുന്നു. ഇപ്പോഴിതാ മഹാലക്ഷ്മിയും അമ്മയുടെ ബിസിനസിന് പിന്തുണ അറിയിച്ചിരിക്കുകയാണ്. മീനാക്ഷിയെ കെട്ടിപ്പിടിച്ചുള്ള മഹാലക്ഷ്മിയുടെ ചിത്രം ഇതിനകം തന്നെ വൈറലായിക്കഴിഞ്ഞിട്ടുണ്ട്. ഉണ്ണി പിഎസാണ് ഞങ്ങളെ ഒരുക്കിയതെന്ന് മീനാക്ഷി വ്യക്തമാക്കിയിട്ടുണ്ട്. നിരവധി പേരായിരുന്നു ചിത്രത്തിന് താഴെയായി സ്‌നേഹം അറിയിച്ചിട്ടുള്ളത്.

തന്റെ സിനിമകള്‍ കണ്ട് മാമാട്ടി അഭിപ്രായങ്ങളൊക്കെ പറയാറുണ്ടെന്ന് ദിലീപ് പറഞ്ഞിരുന്നു. വോയ്‌സ് ഓഫ് സത്യനാഥന്‍ കണ്ടപ്പോള്‍ ചിരി നിര്‍ത്തുന്നുണ്ടായിരുന്നില്ല. ഇടയ്ക്ക് അതിലെ ഡയലോഗ് ഒക്കെ പറയുന്നത് കേട്ടിരുന്നു. ഈ അച്ഛന്‍ എന്തൊക്കെയാണ് കാണിക്കുന്നതെന്നായിരുന്നു മായാമോഹിനി കണ്ടപ്പോള്‍ മഹാലക്ഷ്മി ചോദിച്ചത്.

സിനിമകളും ക്യാരക്ടറുമൊക്കെ തിരഞ്ഞെടുക്കുമ്പോള്‍ മക്കളുടെ കാര്യങ്ങള്‍ കൂടി പരിഗണിക്കാറുണ്ടെന്ന് ദിലീപ് പറഞ്ഞിരുന്നു. ബാന്ദ്രയില്‍ തമന്നയ്‌ക്കൊപ്പം ഡാന്‍സുണ്ടെന്ന് പറഞ്ഞപ്പോള്‍ അച്ഛന്‍ നാണം കെടുത്തരുത് എന്നായിരുന്നു മീനാക്ഷി പറഞ്ഞത്. അമ്മയെ പോലെ തന്നെ നൃത്തത്തില്‍ താല്‍പര്യമുണ്ട് മീനാക്ഷിക്ക്. ഇടയ്ക്ക് ഡാന്‍സ് വീഡിയോയുമായി താരപുത്രി എത്താറുണ്ട്. അച്ഛനും അമ്മയ്ക്കും പിന്നാലെ മകളും സിനിമയിലെത്തുമെന്നായിരുന്നു തുടക്കത്തിലെ വിലയിരുത്തലുകള്‍. എന്നാല് ഡോക്ടറാവാനാണ് ആഗ്രഹമെന്ന് വ്യക്തമാക്കുകയായിരുന്നു മീനാക്ഷി, അടുത്തിടെയായിരുന്നു കോഴ്സ് കഴിഞ്ഞത്.

@All rights reserved Typical Malayali.