ഒരുപാട് വേദന സഹിക്കുന്നുണ്ട്, എന്റെ ചിരിച്ച മുഖം ഒരു മുഖംമൂടിയാണ്, ഈ അവസ്ഥയിലും വെറുക്കുന്നവരോട് മീന; ഇമോഷണല്‍ പോസ്റ്റ് വൈറലാവുന്നു
സിനിമ പോലൊരു ലോകത്തം നാല്‍ പതിറ്റാണ്ടുകളോളം പിടിച്ചു നില്‍ക്കുക, അതും മുന്‍നിര നായികയായി നിലനില്‍ക്കുക എന്ന് പറയുന്നത് ചെറിയ കാര്യമല്ല, അതിനിടയില്‍ പല തരത്തിലുള്ള കിംവദന്തികലും വിവാദങ്ങളും കേള്‍ക്കേണ്ടി വന്നേക്കാം. അതിനെ എല്ലാം നിറഞ്ഞ ചിരിയോടെ, അര്‍ഹിയ്ക്കുന്ന പുച്ഛത്തോടെ വകഞ്ഞുമാറ്റിയാണ് മീന സാഗര്‍ തന്റെ ജൈത്രയാത്ര ഇപ്പോഴും തുടരുന്നത്.
ഈ നാല്‍പത്തിയേഴാം വയസ്സിലും നായികാ നിരയില്‍ സജീവമായി നില്‍ക്കുന്ന മീന സെലക്ടീവായി മാത്രമേ സിനിമകള്‍ ചെയ്യാറുള്ളൂ. ടെലിവിഷന്‍ ലോകത്തും മീന ഇപ്പോള്‍ വളരെ അധികം സജീവമാണ്. നിഷ്‌കളങ്കമായ സംസാരവും ശബ്ദവും ചിരിയും ആളുകളഎ കൂടുതല്‍ മീനയിലേക്ക് അടുപ്പിയ്ക്കുന്നു. അപ്പോഴും വെറുക്കുന്നവരും വെറുപ്പിക്കുന്നവരംു ഉമ്ടാവുക സ്വാഭാവികമാണല്ലോ.
ഒരുപാട് വേദനകള്‍ കടിച്ചമര്‍ത്തി നില്‍ക്കുമ്പോഴും തന്നെ കുറിച്ച് അപവാദപ്രചരണങ്ങള്‍ നടത്തുകയും മോശമായി സംസാരിക്കുകയും ചെയ്യുന്നവര്‍ക്ക് മറുപടിയായി മീന പങ്കുവച്ച ഇന്‍സ്റ്റഗ്രാം പോസ്റ്റാണ് ഇപ്പോള്‍ വൈറലാവുന്നത്. മുഖത്ത് നിറഞ്ഞ ചിരിയോടെ പങ്കുവച്ച പോസ്റ്റ് ആരാധകര്‍ ഏറ്റെടുത്തു കഴിഞ്ഞു.
‘ഇത് ഉള്ളിലുള്ള നിരന്തര പോരാട്ടമാണ്. ഒരുപാട് വേദനകള്‍ അനുഭവിയ്ക്കുമ്പോഴും ഒരു മുഖംമൂടിയ്ക്ക് പിന്നില്‍ അതെല്ലാം മറച്ചുവച്ച്, ഞാന്‍ സുഖമായിരിക്കുന്നു എന്ന് കാണിക്കാനുള്ള കഠിന ശ്രമം. വെറുക്കുന്നവര്‍ വെറുത്തുകൊണ്ടേയിരിക്കും, വിഡ്ഢികള്‍ വിഡ്ഢികള്‍ ആയിക്കൊണ്ടേയിരിക്കു’ എന്നാണ് മീന കുറിച്ചത്. ജീവിയ്ക്കുക മറ്റുള്ളവരെ ജീവിക്കാന്‍ അനുവദിയ്ക്കുക, ജീവിയ്ക്കുക പഠിക്കുക, ജീവിതം വിലപ്പെട്ടതാണ്, പോസിറ്റീവിറ്റ് സ്‌പ്രെഡ് ചെയ്യുക, സ്‌നേഹം സ്‌പ്രെഡ് ചെയ്യുക എന്നൊക്കെയാണ് പോസ്റ്റിന്റെ ഹാഷ് ടാഗ് ആയി നടി നല്‍കിയിരിക്കുന്നത്.
ഭര്‍ത്താവിന്റെ മരണത്തിന്റെ വേദനയില്‍ നിന്ന് വളരെ പ്രയാസപ്പെട്ടാണ് മീന മുന്നോട്ട് വന്നത്. താന്‍ തളര്‍ന്നിരുന്നാല്‍, മകളെയും ചുറ്റുമുള്ളവരെയും അത് ബാധിക്കും എന്ന് മനസ്സിലാക്കി ചിരിക്കുന്ന മുഖം മൂടി ധരിക്കുകയാണ് എന്ന് മീന പറഞ്ഞിട്ടുണ്ട്. എന്നാല്‍ അപ്പോഴും മീനയുടെ രണ്ടാം വിവാഹം എന്ന് പറഞ്ഞ് പല കിംവദന്തികളും പ്രചരിച്ചിരുന്നു. പരിതി കടന്ന അത്തരം കിംവദന്തികള്‍ മകളെയും അവളുടെ സ്‌കൂള്‍ ജീവിതത്തെയും ബാധിക്കുന്നു എന്ന് മനസ്സിലാക്കി, അത് അവസാനിപ്പിക്കണം എന്ന് അഭ്യര്‍ത്ഥിച്ച് മീന രംഗത്തെത്തുകയും ചെയ്തിരുന്നു. എന്നിട്ടും നിര്‍ത്താത്ത വിദ്വേഷ പ്രചരണങ്ങള്‍ക്ക് മീനയുടെ മറുപടി ഈ ചിരിച്ച മുഖം മാത്രമാണ്.
@All rights reserved Typical Malayali.
Leave a Comment