നോ അല്ല ഇനി യെസ്! നിര്‍ണ്ണായക തീരുമാനമെടുത്ത് മേതില്‍ ദേവിക! ഇത് വലിയൊരു വഴിത്തിരിവാകുമെന്ന് പ്രിയപ്പെട്ടവര്‍

നോ അല്ല ഇനി യെസ്! നിര്‍ണ്ണായക തീരുമാനമെടുത്ത് മേതില്‍ ദേവിക! ഇത് വലിയൊരു വഴിത്തിരിവാകുമെന്ന് പ്രിയപ്പെട്ടവര്‍.കരിയറിലെ സുപ്രധാനമായൊരു തീരുമാനത്തെക്കുറിച്ച് അറിയിച്ചെത്തിയിരിക്കുകയാണ് മേതില്‍ ദേവിക. നര്‍ത്തകിയായി ലോകം അറിയുന്ന കാലം മുതലേ സിനിമയില്‍ നിന്നുള്ള അവസരങ്ങള്‍ അവരെ തേടിയെത്തിയിരുന്നുവെങ്കിലും, അഭിനേത്രിയായല്ല, ഡാന്‍സറായി മുന്നേറാനാണ് താന്‍ ആഗ്രഹിക്കുന്നതെന്ന് പറഞ്ഞ് ഒഴിഞ്ഞുമാറുകയായിരുന്നു അവര്‍. കാലങ്ങള്‍ക്ക് ശേഷം ദേവിക ഇപ്പോള്‍ തന്റെ തീരുമാനം മാറ്റിയിരിക്കുകയാണ്.methil devika shared a happy news about her career.നൃത്തമേഖലയിലെ മിന്നും താരങ്ങള്‍ക്ക് സിനിമ വിദൂരമല്ല. ബിഗ് സ്‌ക്രീനില്‍ നിന്നുള്ള മികച്ച അവസരങ്ങള്‍ നര്‍ത്തകരെ തേടിയെത്താറുണ്ട്. സിനിമ തേടിയെത്തിയപ്പോഴൊക്കെ എനിക്ക് ഇത് പറ്റില്ലെന്നും, താല്‍പര്യമില്ലെന്നും പറഞ്ഞ് മാറി നില്‍ക്കുകയായിരുന്നു മേതില്‍ ദേവിക. പ്രതീക്ഷയോടെ സമീപിച്ചിരുന്ന സംവിധായകരെയെല്ലാം അവരുടെ നോ നിരാശപ്പെടുത്തിയിരുന്നു. നര്‍ത്തകിയുടെ റോളിലേക്ക് ക്ഷണിച്ചിട്ട് പോലും ദേവിക തീരുമാനം മാറ്റിയിരുന്നില്ല. വര്‍ഷങ്ങള്‍ക്കിപ്പുറം അവര്‍ തന്റെ തീരുമാനം മാറ്റിയിരിക്കുകയാണ്. സംവിധായകന്‍ വിഷ്ണു മോഹന്റെ ചിത്രത്തിലൂടെ സിനിമയില്‍ അരങ്ങേറുകയാണ് മേതില്‍ ദേവിക.നമ്മുടെ സൗകര്യവും സമയവും ഏറെ പ്രധാനപ്പെട്ടതാണ് സിനിമയില്‍. നാഷണല്‍ അവാര്‍ഡ് വിന്നറായ വിഷ്ണു മോഹന്‍ ഇങ്ങനെയൊരു അവസരം തന്നതില്‍ സന്തോഷമുണ്ട്. എന്റെ ഡാന്‍സ് പ്രാക്ടീസും പരിപാടികളുമെല്ലാം പരിഗണിച്ചാണ് അദ്ദേഹം എന്നെ ഈഈ പ്രൊജക്ടിലേക്ക് ക്ഷണിച്ചത്. ഒരുപാട് സന്തോഷത്തോടെ ഞാന്‍ ഇത് നിങ്ങളുമായി പങ്കിടുന്നുവെന്നായിരുന്നു മേതില്‍ ദേവികയുടെ പോസ്റ്റ്.

ബിജു മേനോന്റെ നായികയായാണ് മേതില്‍ ദേവികയുടെ സിനിമാപ്രവേശനം. കഥ ഇന്നുവരെ എന്ന് പേരിട്ടിരിക്കുന്ന ചിത്രത്തില്‍ അനു മോഹന്‍, അനുശ്രീ, നിഖില വിമല്‍, ഹക്കിം, സിദ്ദിഖ്, രണ്‍ജി പണിക്കര്‍ തുടങ്ങിയവരും അഭിനയിക്കുന്നുണ്ട്. സിനിമയുടെ പോസ്റ്റും അവര്‍ പങ്കുവെച്ചിരുന്നു. നിങ്ങളുടെ പുതിയ തീരുമാനത്തിന് ആശംസകള്‍, ബിഗ് സ്‌ക്രീനില്‍ ദേവികയെ കാണാനായി കാത്തിരിക്കുകയായിരുന്നു, നിങ്ങളുടെ കരിയറിലെ പ്രധാന വഴിത്തിരിവായിരിക്കും ഇത്് തുടങ്ങി നിരവധി കമന്റുകളാണ് പോസ്റ്റിന് താഴെയുള്ളത്.
നൃത്തം ജീവവായുവായതിനാല്‍ അതുമായി മുന്നേറാനായിരുന്നു ദേവിക തീരുമാനിച്ചത്. സിനിമയിലെ അവസരങ്ങള്‍ വന്നപ്പോഴൊന്നും അധികം ആലോചിക്കാതെ ഞാനില്ലെന്ന് പറയുകയായിരുന്നു പതിവ്. എന്നാല്‍ വിഷ്ണു മോഹന്റെ നിര്‍ബന്ധം കൂടിയപ്പോള്‍ അവര്‍ തീരുമാനം മാറ്റുകയായിരുന്നു. സിനിമാലോകവും പ്രേക്ഷകരും ഇരുകൈയ്യും നീട്ടി സ്വാഗതം ചെയ്തിരിക്കുകയാണ് ദേവികയെ.അക്കാദമിക് മേഖലയിലും നൃത്തത്തിലെയും പോലെ അഭിനയത്തിലും സ്വതസിദ്ധമായ സ്ഥാനം നേടിയെടുക്കാന്‍ നിങ്ങള്‍ക്ക് കഴിയും. ഊര്‍മ്മിള ഉണ്ണിയടക്കം സിനിമാമേഖലയിലുള്ളവരും ദേവികയ്ക്ക് ആശംസ അറിയിച്ചിട്ടുണ്ട്. ഡാന്‍സ് പ്രാക്ടീസും പരിപാടികളെയുമൊന്നും ബാധിക്കാത്ത തരത്തിലാണ് സിനിമയുടെ ചിത്രീകരണം പ്ലാന്‍ ചെയ്തിട്ടുള്ളത്. അതും തന്നെ ആകര്‍ഷിച്ച ഘടകമാണെന്ന് ദേവിക വ്യക്തമാക്കിയിരുന്നു.ദേവികയുടെ വ്യക്തി ജീവിതത്തിലെ കാര്യങ്ങള്‍ ഇടക്കാലത്ത് വലിയ വാര്‍ത്തയായിരുന്നു. കരിയറിലെ കഴിവിലൂടെയാണ് എന്നെ വിലയിരുത്തേണ്ടതെന്നായിരുന്നു അന്ന് അവര്‍ പറഞ്ഞത്. ഇമോഷണലായും സാമ്പത്തികമായും ആരേയും ആശ്രയിക്കാതെ ജീവിക്കാന്‍ കഴിഞ്ഞാല്‍ തന്നെ ജീവിത വിജയം നമുക്കൊപ്പമുണ്ടാവും. നമ്മുടെ സന്തോഷങ്ങള്‍ സ്വന്തമായി കണ്ടെത്താനാവണം. മറ്റൊരാളുടെ കൈയ്യില്‍ അതിന്റെ താക്കോല്‍ കൊടുക്കരുതെന്നും മുന്‍പ് ദേവിക പറഞ്ഞിരുന്നു.

@All rights reserved Typical Malayali.