സിമന്റ് ആണോ മുഖത്ത് ഇട്ടിരിക്കുന്നത്, ഈ ചുടിലും അനങ്ങുന്നില്ലല്ലോ; മിയയുടെ മേക്കപ്പിനെ കുറിച്ച് കാര്‍ത്തിക് സൂര്യ പറഞ്ഞത്! എന്തായിരുന്നു മിയയുടെ പ്രിതകരണം
ദിവസങ്ങള്‍ക്ക് കാര്‍ത്തിക് സൂര്യയും മിയ ജോര്‍ജ്ജും ഒന്നിച്ച് ഒരു ഉദ്ഘാടന പരിപാടിയ്ക്ക് പോയ വീഡിയോകളും ഫോട്ടോകളും എല്ലാം പുറത്തുവന്നിരുന്നു. കൊല്ലത്ത് വച്ച് നടന്ന ആ പരിപാടിയുടെ വീഡിയോ വിശേഷങ്ങള്‍ ഇപ്പോഴാണ് വ്‌ളോഗറും ആങ്കറുമായ കാര്‍ത്തിക് സൂര്യ തന്റെ യൂട്യൂബ് ചാനലിലൂടെ പുറത്തുവിട്ടിരിയ്ക്കുന്നത്. രസകരമായ വീഡിയോ ആരാധകര്‍ ഏറ്റെടുത്തു കഴിഞ്ഞു
പതിവ് പോലെ തന്റെ ഒരു ദിവസത്തെ മുഴുവന്‍ വിശേഷങ്ങളും കാര്‍ത്തിക് സൂര്യ വീഡിയോയില്‍ ഉള്‍പ്പെടുത്തിയിട്ടുണ്ട്. അതിലൊരു ചെറിയ ഭാഗം മാത്രമാണ് മിയയ്‌ക്കൊപ്പം ഷോ ഇനാഗുറേറ്റ് ചെയ്യാന്‍ പോകുന്നത്. ഒരു ചിരി ഇരു ചിരി ബംബര്‍ ചിരിയില്‍ അതിഥിയായി എത്തിയപ്പോള്‍ മുതല്‍ ഇരുവര്‍ക്കുമിടയില്‍ നല്ല സൗഹൃദമുണ്ട്. കഴിഞ്ഞ ദിവസമാണ് മിയ എത്തിയ ബംബര്‍ ചിരി എപ്പിസോഡ് ടെലിക്കാസ്റ്റ് ചെയ്തത്. വന്നപ്പോള്‍ മുതല്‍ ആ വിശേഷങ്ങള്‍ ഒക്കെയായിരുന്നു മിയയും സംസാരിച്ചത്.
കാര്‍ത്തിക്കിന്റെ വൈബിനൊപ്പം, ഒട്ടും താരജാഡയില്ലാതെ ആളുകള്‍ക്കൊപ്പം ഇടപഴകുന്ന മിയയെ കുറിച്ച് കാര്‍ത്തിക്കിന്റെ വീഡിയോയ്ക്ക് താഴെ പലരും കമന്റ് ചെയ്തിട്ടുണ്ട്. വന്‍ ജനസാഗരമാണ് കാര്‍്ത്തിക്കിനെയും മിയയെയും സ്വീകരിച്ചത്. ഈ ചൂടിലും പൊടിപടലങ്ങള്‍ക്കുമിടയില്‍ ഇത്രയധികം സ്‌നേഹത്തോടെ തങ്ങള്‍ക്ക് വേണ്ടി കാത്തു നിന്ന് കൂടിയെത്തിയ ജനങ്ങളുടെ സ്‌നേഹത്തെ കുറിച്ചും ഇരുവരും സംസാരിക്കുന്നു.
ചൂട് എന്ന് പറഞ്ഞാല്‍ ഭീകരമായ ചൂടാണ്. പുഴുങ്ങി എടുത്തത് പോലെയുണ്ട് എന്നാണ് കാര്‍ത്തിക് സൂര്യ പറയുന്നത്. വിയര്‍ത്ത് കുളിച്ചിരുന്നു അപ്പോഴേക്കും കാര്‍ത്തിക് എന്നാല്‍ മിയയുടെ മുഖത്ത് വലിയ മാറ്റങ്ങളൊന്നും കണ്ടില്ല അപ്പോഴായിരുന്നു കാര്‍ത്തിക്കിന്റെ കമന്റ്, ‘ഇതെന്തോന്ന് സിമന്റാണോ മുഖത്തിട്ടേക്കുന്നത്. ഈ ചൂടിനും അത് അനങ്ങുന്നില്ലല്ലോ’ എന്ന്. അത് കേട്ടിട്ട് ഒന്ന് ചിരിക്കുകയല്ലാതെ മറുത്തൊന്നും മിയ പറയുന്നില്ല. ആ കമന്റ് ഒരു തമാശയായിട്ട് മാത്രമേ മിയ കണ്ടിട്ടുള്ളൂ.
ഈ വെയിലിനും മുഖത്ത് നിന്ന് മേക്കപ്പ് ഒലിക്കുന്നില്ല എങ്കില്‍ മനസ്സിലാക്കുക, അത് മിയയുടെ ഒറിജിനല്‍ സൗന്ദര്യം തന്നെയാണ് എന്ന് കമന്റില്‍ ചിലര്‍ പറയുന്നുണ്ട്. സ്ഥിരം തേന്‍ മുഖത്ത് നോക്കുന്നത് കൊണ്ടാണ് മുഖം ഫെയര്‍ ആയും സോഫ്റ്റ് ആയും ഇരിക്കുന്നത് എന്ന് ഒരിക്കല്‍ മിയ വെളിപ്പെടുത്തിയിരുന്നു.
ഉദ്ഘാടനത്തിന് ശേഷം കാര്‍ത്തിക് സൂര്യയും മിയയും യാത്ര പറഞ്ഞ് പിരിഞ്ഞു. അതിന് ശേഷം കാര്‍ത്തിക് ഒരു സുഹൃത്തിന്റെ വീട്ടില്‍ പോകുന്നതും, അവിടെയുള്ള വിശേഷങ്ങളും എല്ലാം കാണിച്ചതിന് ശേഷമാണ് വീഡിയോ അവസാനിപ്പിയ്ക്കുന്നത്.
@All rights reserved Typical Malayali.
Leave a Comment