ഇത് താത്കാലികം മാത്രമാണെന്ന് വിസ്മയ മോഹന്‍ലാല്‍; എന്താണ് ഇപ്പോള്‍ ഇത്ര ആക്ടീവായത് എന്ന ചോദ്യത്തിന് ഉത്തരം കിട്ടിയല്ലോ?
കഴിഞ്ഞ കുറച്ച് ആഴ്ചകളായി സോഷ്യല്‍ മീഡിയയില്‍ വളരെ ആക്ടീവാണ് മോഹന്‍ലാലിന്റെ മകള്‍ വിസ്മയ മോഹന്‍ലാല്‍. പൊതുവെ അങ്ങനെ അല്ലല്ലോ, സോഷ്യല്‍ മീഡിയയുടെ ഭാഗത്തേക്ക് വരാത്ത വിസ്മയയ്ക്ക് ഇതെന്തു പറ്റി. അമ്മയുടെ ആഗ്രഹങ്ങള്‍ സാധിച്ചു കൊടുത്തതിനെ കുറിച്ച് പറയുന്നു, പതിവില്ലാതെ അച്ഛനും അമ്മയ്ക്കും എല്ലാം ബര്‍ത്ത് ഡേ ആശംസകള്‍ അറിയിക്കുന്നു. തുരു തുരെ എന്ന് ഫോട്ടോകള്‍ പങ്കുവയ്ക്കുന്നു, ഇന്‍സ്റ്റഗ്രാം സ്റ്റോറികള്‍ സ്ഥിരം അപ്‌ഡേറ്റ് ചെയ്യുന്നു.. മൊത്തത്തില്‍ മാറ്റമാണല്ലോ എന്ന് സംസാരം പൊതുവെ ഉണ്ടായിരുന്നു.
എന്നാല്‍ ഇതെല്ലാം താത്കാലികം മാത്രമാണെന്നാണ് ഏറ്റവുമൊടുവില്‍ താരപുത്രി പറഞ്ഞിരിയ്ക്കുന്നത്. മണിക്കൂറുകള്‍ക്ക് മുന്‍പ് പങ്കുവച്ച ഇന്‍സ്റ്റഗ്രാം സ്റ്റോറിയില്‍ ഇക്കാര്യം വ്യക്തമാക്കുന്നു. ‘പ്രസന്റായിരിക്കുക, എല്ലാം താത്കാലികം മാത്രം’ എന്ന് എഴുതി പങ്കുവച്ച ഇന്‍സ്റ്റഗ്രാം സ്റ്റോറിയെ കുറിച്ചാണ് പറയുന്നത്. കാവ്യാത്മകമായ ഇന്‍സ്റ്റഗ്രാം സ്‌റ്റോറികളും അടിക്കുറിപ്പുകളുമാണ് പലപ്പോഴും വിസ്മയ പങ്കുവയ്ക്കുന്നത്. അടുത്ത പുസ്തകം എഴുതാനുള്ള തയ്യാറെടുപ്പിലാണെന്ന് നേരത്തെ താരപുത്രി പറഞ്ഞിട്ടുണ്ട്. അതിന്റെ മുന്നൊരുക്കമാവാം ഇതെന്നാണ് അനുമാനം.
ഗ്രെയിന്‍ ഓഫ് സ്റ്റാര്‍ ഡസ്റ്റ് ആണ് വിസ്മയ മോഹന്‍ലാലിന്റെ ആദ്യത്തെ പുസ്തകം. എഴുതണം എന്ന് കരുതിയ പുസ്തകമല്ല, യാത്രകളില്‍ പലപ്പോഴായി കുറിച്ചിട്ട കവിതകള്‍ ഒന്നിപ്പിച്ച് പുസ്തകം ഇറക്കുകയായിരുന്നു എന്ന് സുഹൃത്തായ ബ്ലോഗര്‍ക്ക് നല്‍കിയ അഭിമുഖത്തില്‍ താരപുത്രി പറഞ്ഞിരുന്നു. ഇപ്പോള്‍ ആ പുസ്തകത്തിന്റെ രണ്ടാം പതിപ്പ് എഴുതാനുള്ള തയ്യാറെടുപ്പിലാണെന്നും താരപുത്രി വ്യക്തമാക്കിയിട്ടുണ്ട്.
അച്ഛനമ്മമാരുടെ പാരമ്പര്യം പിന്‍തുടര്‍ന്ന് അഭിനയത്തിലേക്ക് വരാന്‍ സാധ്യതയില്ലാത്ത താരപുത്രിമാരില്‍ ഒരാളാണ് വിസ്മയ മോഹന്‍ലാല്‍. ചേട്ടന്‍ പ്രണവ് മോഹന്‍ലാലിനെ പോലെ യാത്രകളോടും പുസ്തകങ്ങളോടും ഒക്കെയാണ് വിസ്മയയ്ക്കും താത്പര്യം. ആര്‍ട് ഫോമുകളും, ക്ലേ ആര്‍ട്ടുകളുമൊക്കെ വിസ്മയയുടെ ഹോബീസില്‍ പെടുന്നു. ഒരു പൊതു പരിപാടികളിലും, ചടങ്ങുകളിലും പങ്കെടുക്കാത്ത വിസ്മയയും പ്രണവും എന്നും ലാല്‍ ഫാന്‍സിന് ഒരു കൗതുകം തന്നെയാണ്. അച്ഛന്റെ സ്റ്റാര്‍ഡത്തില്‍ അറിയപ്പെടാന്‍ താത്പര്യമില്ല എന്നാണ് രണ്ടു പേരുടെയും നിലപാട്.
സോഷ്യല്‍ മീഡിയയില്‍ പോലും രണ്ട് പേരും ആക്ടീവ് ആയിരുന്നില്ല. ഇപ്പോള്‍ വിസ്മയ കൂടുതല്‍ ഫോട്ടോകളും വിശേഷങ്ങളും എല്ലാ ഇന്‍സ്റ്റഗ്രാമിലൂടെ പങ്കുവയ്ക്കുന്നുണ്ട് എങ്കിലും കമന്റ് ബോക്‌സ് ഓഫാണ്.
@All rights reserved Typical Malayali.
Leave a Comment