കെട്ടിപ്പിടിക്കുമ്പോള്‍ നിന്റെ മൂക്കിള എന്റെ ദേഹത്ത് ആക്കരുത് എന്ന്; മോഷണലാവുമ്പോൾ ലാലു പറയുന്നതിനെ കുറിച്ച് ശോഭന, അത് മൂക്കിളയല്ല എന്ന് 40 കൊല്ലമായി പറയുന്നു
കഴിഞ്ഞ ദിവസം (മെയ് 21) മോഹന്‍ലാലിന്റെ ജന്മദിനമായിരുന്നു. കൂടെ അഭിനയിച്ച അനുഭവങ്ങളെല്ലാം പങ്കുവച്ചുകൊണ്ട് പലരും സോഷ്യല്‍ മീഡിയയില്‍ എത്തിയിരുന്നു. പലപ്പോഴായി പല പ്രമുഖരും മോഹന്‍ലാലിനെ കുറിച്ച് പറഞ്ഞ കാര്യങ്ങള്‍ ആരാധകര്‍ കുത്തിപ്പൊക്കുകയും ചെയ്തു. അങ്ങനെ വീണ്ടും സോഷ്യല്‍ മീഡിയയില്‍ വൈറലായ ഒരു വീഡിയോ ആണ്, ശോഭന മോഹന്‍ലാലിനെ കുറിച്ച് പറഞ്ഞത്.
ഒരു തമിഴ് ടിവി ഷോയില്‍, കൂടെ അഭിനയിച്ചവരെ കുറിച്ച് പറയുന്ന ഒരു സെഗ്മെന്റിലാണ് ശോഭന ലാലിനെ കുറിച്ച് വളരെ രസകരമായ ചില കാര്യങ്ങള്‍ പറഞ്ഞത്. ലാലു എന്നാണ് ശോഭന മലയാളികളുടെ പ്രിയപ്പെട്ട ലാലേട്ടനെ വിളിക്കുന്നത്.
‘ഇമോഷണല്‍ രംഗങ്ങളില്‍ അഭിനയിക്കുമ്പോള്‍ കണ്ണില്‍ ഗ്ലിസറിനിടുമല്ലോ, കെട്ടിപ്പിടിക്കുമ്പോള്‍ ലാലുവിന്റെ ഷര്‍ട്ടില്‍ അത് പതിയും. അപ്പോള്‍, എപ്പോഴും പറയും നിന്റെ മൂക്കിള എന്റെ ദേഹത്ത് ആക്കരുത് എന്ന്. അത് മൂക്കിളയല്ല, ഗ്ലിസറിനാണ് ലാലു എന്ന് എത്ര പറഞ്ഞാലും ലാലു കേള്‍ക്കില്ല. നാല്‍പത് വര്‍ഷമായി അത് തന്നെ പറഞ്ഞുകൊണ്ടിരിയ്ക്കുകയാണ്’ ശോഭന പറഞ്ഞു.
മോഹന്‍ലാലിനൊപ്പ ഏറ്റവും അധികം ചിത്രങ്ങളില്‍ നായികയായി അഭിനയിച്ച നടിയാണ് ശോഭന. ഒന്നിച്ചഭിനയിച്ച ചിത്രങ്ങളെല്ലാം സൂപ്പര്‍ ഹിറ്റാണ്. ഇരുപത് വര്‍ഷങ്ങള്‍ക്ക് ശേഷം ഇരുവരും ഒന്നിച്ചഭിനയിക്കുന്ന സിനിമയുടെ ഷൂട്ടിങ് നടന്നുകൊണ്ടിരിയ്ക്കുകയാണ്. തരുണ്‍ മൂര്‍ത്തി സംവിധാനം ചെയ്യുന്ന ചിത്രം നിര്‍മിയ്ക്കുന്നത് രജപുത്ര ഫിലിംസാണ്.
മോഹന്‍ലാലിന്റെ ബര്‍ത്ത്‌ഡേയ്ക്ക് ഒരുമിച്ചുള്ള ചിത്രത്തിനൊപ്പം ശോഭന പങ്കുവച്ച ഫോട്ടോ വൈറലായിരുന്നു. ലാലിന്റെ തോളില്‍ അധികാരത്തോടെ കൈ വച്ച് ചേര്‍ത്ത് പിടിക്കുന്ന ശോഭനയെയും, എളിമയോടെ ശോഭനയോട് ചേര്‍ന്ന് നില്‍ക്കുന്ന ലാലിനെയും ചിത്രത്തില്‍ കാണാമായിരുന്നു.
@All rights reserved Typical Malayali.
Leave a Comment