ലാലേട്ടന്‍ കമന്റിട്ടാലേ ബിസ്‌ക്കറ്റ് തിന്നൂ എന്ന്, പോസ്റ്റിന് താഴെ മറുപടിയുമായി സാക്ഷാല്‍ മോഹന്‍ലാല്‍! വൈറലായ സോഷ്യല്‍ മീഡിയ പോസ്റ്റ്ലാലേട്ടന്‍ കമന്റിട്ടാലേ ബിസ്‌ക്കറ്റ് തിന്നൂ എന്ന്, പോസ്റ്റിന് താഴെ മറുപടിയുമായി സാക്ഷാല്‍ മോഹന്‍ലാല്‍! വൈറലായ സോഷ്യല്‍ മീഡിയ പോസ്റ്റ്
തെലുങ്ക് സിനിമാ ലോകത്ത് നിന്നാണ് ആ ട്രെന്‍്‌സിന് തുടങ്ങിയത്. വിജയ് ദേവരകൊണ്ട വീഡിയോയ്ക്ക് കമന്റിട്ടാലേ എക്‌സാം എഴുതുള്ളൂ എന്ന് പറഞ്ഞ് പെണ്‍കുട്ടികള്‍ എത്തി. തൊണ്ണൂറ് ശതമാനം മാര്‍ക്കോടുകൂടെ വിജയിച്ചാല്‍ ഞാന്‍ നേരില്‍ വന്ന് കാണും എന്ന് വിജയ് ദേവരകൊണ്ട പറഞ്ഞതോടെ സംഭവം അങ്ങ് വൈറലായി.
അതിന്റെ ചുവട് പിടിച്ച് ഇങ്ങ് കേരളത്തിലും പല പോസ്റ്റുകളും ഉണ്ടായിരുന്നു. തിന്നാനും കുടിക്കാനും, ഉറങ്ങാനും, പഠിക്കാനും ഒക്കെ സെലിബ്രിറ്റികളുടെ കമന്റ് വേണം എന്ന് വാശി പിടിച്ചവരില്‍ ചിലര്‍ക്കൊക്കെ റിപ്ലേയും കിട്ടി. സാനിയ ഇയ്യപ്പന്‍ കമന്റിട്ടാല്‍ റിവ്യു ഡാന്‍സ് നിര്‍ത്തുമെന്ന് പറഞ്ഞ് അലന്‍ ജോസ് പെരേര എത്തിയതും, അതിന് സാനിയ മറുപടി കൊടുത്തതും എല്ലാം വൈറലായിരുന്നു.
ഇപ്പോഴിതാ, മോഹന്‍ലാലിന് നേരെ തിരിഞ്ഞിരിക്കുകയാണ്. ലാലേട്ടന്‍ കമന്റിട്ടാലേ ബിസ്‌ക്കറ്റ് തിന്നൂ എന്ന് പറഞ്ഞ് മൂന്ന് പിള്ളേര്‍ വീഡിയോ പങ്കുവയ്ക്കുകയായിരുന്നു. ചായയും കുടിച്ചുകൊണ്ട് പങ്കുവച്ച വീഡിയോയ്ക്ക് താഴെ മോഹന്‍ലാലിന്റെ മറുപടി വന്നു. ‘കഴിക്ക് മോനേ, ഫ്രണ്ട്‌സിനും കൊടുക്കൂ’ എന്ന് പറഞ്ഞ് കണിറുക്കുന്ന ഇമോജിയായിരുന്നു കമന്റ്.
മോഹന്‍ലാലിന്റെ പേജ് ഹാന്റില്‍ ചെയ്യുന്നവരാണ് കമന്റിട്ടത് എങ്കിലും, അത് സാക്ഷാല്‍ മോഹന്‍ലാല്‍ പ്രതികരിച്ചത് പോലെ തന്നെയാണ് ആരാധകര്‍ക്ക്. പതിനാറായിരത്തിലധികം ലൈക്കുകളും രണ്ടായിരത്തിലധികം കമന്റുകളും ആ ഒരൊറ്റ റിപ്ലേ കമന്റിന് തന്നെ വന്നു. ഒറ്റ ദിവസം കൊണ്ട് ആരോമല്‍ ആര്‍ എന്ന ഇന്‍സ്റ്റഗ്രാമറുടെ പേജും വൈറലായി.
മോഹന്‍ലാലിന്റെ ഒഫിഷ്യല്‍ ഇന്‍സ്റ്റഗ്രാം – പേസ്ബുക്ക് പേജുകളിലെല്ലാം ദിവസും ആയിരക്കണക്കിന് മെസേജുകള്‍ വരാറുണ്ട്. ഹായി തരാമോ, ഹലോ പറയാമോ എന്നൊക്കെ ചോദിച്ച് വരുന്ന നൂറ് കൂട്ടം മെസേജുകള്‍ക്ക് പ്രതികരിക്കാതെ, ലാലും ട്രെന്റിനൊപ്പം നീങ്ങിയ സന്തോഷത്തിലാണ് ആരാധകര്‍. ലാല്‍ ഫാന്‍സ് പേജുകളില്‍ ഈ പോസ്റ്റും കമന്റും വൈറലായിത്തുടങ്ങി
ഓപ്പറേഷന്‍ ജാവ, സൗദി വെള്ളക്ക തുടങ്ങിയ ചിത്രങ്ങള്‍ക്ക് ശേഷം തരുണ്‍ മൂര്‍ത്തി സംവിധാനം ചെയ്യുന്ന പുതിയ ചിത്രം മോഹന്‍ലാല്‍ ഏറ്റെടുത്തു എന്ന വാര്‍ത്തയാണ് ഏറ്റവുമൊടുവില്‍ പുറത്ത് വന്നത്. മോഹന്‍ലാലിന്റെ മുന്നൂറ്റി അറുപതാമത്തെ ചിത്രം നിര്‍മിയ്ക്കുന്നത്. രജപുത്ര വിഷ്വല്‍ മീഡിയയുടെ ബാനറില്‍ എം രഞ്ജിത്താണ്.
@All rights reserved Typical Malayali.
Leave a Comment