തോള്‍ ചായാന്‍ ഒരു കൂട്ട്! പ്രണയം, ജീവിതം; രചന നാരായണന്‍ കുട്ടിയുടെ പോസ്റ്റ് വൈറലാവുന്നു, കൂടെ ഉള്ളതാരാണ്?
മറിമായം എന്ന ഷോയിലൂടെ പ്രേക്ഷക ശ്രദ്ധ നേടിയ നടിയാണ് രചന നാരായണന്‍ കുട്ടി. തൃശ്ശൂര്‍ സ്ലാഗില്‍ പടെ പടെ എന്ന സംസാരവും, മുഖഭാവങ്ങളും വളരെ പെട്ടന്ന് പ്രക്ഷേകര്‍ ഇഷ്ടപ്പെടട്തുകൊണ്ട് തന്നെ സിനിമയിലേക്കുള്ള തുടക്കം അത്ര പ്രയാസമായിരുന്നില്ല. ആമേന്‍ ചിത്രത്തിലെ ‘പോ കോഴി’ ഡയലോഗിനൊപ്പം രചന നായാരണന്‍ കുട്ടിയും സജീവമായി.
സഹതാര വേഷങ്ങളിലൂടെയും നായികാ വേഷങ്ങളിലൂടെയും മലയാള സിനിമയില്‍ തന്റേതായ ഇടം കണ്ടെത്തിയ രചന, താരസംഘടനയായിരുന്ന അമ്മയുടെ എക്‌സിക്യുട്ടീവ് അംഗം എന്ന നിലയിലും ശ്രദ്ധേയയായിരുന്നു. അഭിനേത്രി എന്നതിനപ്പുറം നര്‍ത്തകി എന്ന നിലയിലാണ് ഇപ്പോള്‍ കൂടുതലും രചന സജീവമാവുന്നത്. ഇപ്പോഴിതാ നടി പങ്കുവച്ച പുതിയ ഫോട്ടോ സോഷ്യല്‍ മീഡിയയില്‍ ചര്‍ച്ചയാകുന്നു.
ഒരാളുടെ തോള്‍ ചാരിയിരിക്കുന്ന ചിത്രമാണ് രചന പങ്കുവച്ചിരിയ്ക്കുന്നത്. ഒരു സുഹൃത്തിന്റെ തോള്‍ ചായുന്നതില്‍ എന്തിരിക്കുന്നു എന്ന് ചോദിച്ചാല്‍, ക്യാപ്ഷന്‍ ആശയക്കുഴപ്പത്തിലാക്കുന്നു. ജീവിതം എന്നാണ് ക്യാപ്ഷന്‍. വെള്ള നിറത്തിലുള്ള ഹാര്‍ട്ടിന്റെ ഇമോജിയും പങ്കുവച്ചിട്ടുണ്ട്. പ്രണയം, ജീവിതം എന്ന ഹാഷ് ടാഗോടു കൂടെ പങ്കുവച്ച പോസ്റ്റിന് താഴെ നിരവധി കമന്റുകളാണ് വരുന്നത്. കൂടെ ഉള്ളതാരാണ് എന്ന ചോദ്യമാണ് കൂടുതലും.
തന്റെ സ്വകാര്യ ജീവിതത്തെ കുറിച്ച് മുന്‍പ് പലപ്പോഴും രചന നാരായണന്‍ കുട്ടി തന്നെ തുറന്ന് പറഞ്ഞിട്ടുള്ളതാണ്. ഈ ഇന്റസ്ട്രിയില്‍ സജീവമാവുന്നതിന് മുന്‍പായിരുന്നു വിവാഹം. വെറും 19 ദിവസം മാത്രമേ ആ ദാമ്പത്യത്തിന് ആയുസുണ്ടായിരുന്നുള്ളൂ. ആ കാലമൊക്കെ ഞാന്‍ മറന്നു. ഇപ്പോല്‍ 12 വര്‍ഷങ്ങള്‍ കഴിഞ്ഞു. ഇപ്പോഴും 19 ദിവസത്തെ ദാമ്പത്യ ജീവിതത്തെ കുറിച്ചുള്ള വാര്‍ത്തകള്‍ വരുമ്പോള്‍ കൗതുകമാണെന്നാണ് രചന പറഞ്ഞിട്ടുള്ളത്.
അടുത്തിടെ മൂകാംബികയില്‍ പോയി രചന നാരായണന്‍കുട്ടി തല മുണ്ഡനം ചെയ്തത് വാര്‍ത്തായായിരുന്നു. പ്രത്യേകിച്ച് കാരണം ഒന്നുമില്ല, മൂകാംബിക ദേവി ഭക്തയാണ് ആഗ്രഹിച്ചു ചെയ്തു എന്നാണ് ഇതേക്കുറിന്ന് രചന പറഞ്ഞിരുന്നത്.
@All rights reserved Typical Malayali.
Leave a Comment