അശ്വിന്‍ സ്വീറ്റ് ബോയ്! ഓസി പോവുന്നതോര്‍ക്കുമ്പോള്‍ സങ്കടമുണ്ട്! മകളുടെ വിവാഹത്തെക്കുറിച്ച് സിന്ധു കൃഷ്ണ

കൃഷ്ണകുമാറിന്റെ കുടുംബത്തിലെ വിശേഷങ്ങളെല്ലാം എല്ലാവരും അറിയാറുണ്ട്. വ്‌ളോഗിലൂടെയായി അമ്മയും മക്കളും സജീവമാണ്. കുടുംബസമേതമായും അല്ലാതെയുമൊക്കെയായി ഇവരെല്ലാം വീഡിയോകളുമായി എത്തുന്നുണ്ട്. അമ്മയും മക്കളും എന്ത് ചെയ്താലും വീഡിയോ എടുക്കുന്നത് കൊണ്ട് എനിക്കും എല്ലാം അറിയാന്‍ പറ്റാറുണ്ടെന്നാണ് കൃഷ്ണകുമാര്‍ പറയാറുള്ളത്. മക്കളില്‍ രണ്ടാമത്തെ ആളായ ഓസിയെന്ന ദിയ കൃഷ്ണയുടെ വിവാഹത്തെക്കുറിച്ചുള്ള വിശേഷങ്ങളാണ് ഇപ്പോള്‍ സോഷ്യല്‍മീഡിയയില്‍ നിറഞ്ഞുനില്‍ക്കുന്നത്. അടുത്ത സുഹൃത്തായ അശ്വിന്‍ ഗണേഷാണ് ദിയയെ വിവാഹം ചെയ്യുന്നത്.

നീണ്ടനാളത്തെ സൗഹൃദം പ്രണയമായി മാറിയതോടെയായിരുന്നു ഇരുവരും വീട്ടുകാരോട് കാര്യം പറഞ്ഞത്. തമിഴ്‌നാട്ടുകാരനാണെങ്കിലും അസ്സലായി തന്നെ മലയാളം പറയും അശ്വിന്‍. അശ്വിന്റെ അച്ഛനും അമ്മയും സഹോദരനും കുടുംബവുമെല്ലാം പ്രേക്ഷകര്‍ക്ക് പരിചിതരാണ്. കല്യാണം തീരുമാനിച്ചത് മുതലുള്ള വിശേഷങ്ങളെല്ലാം ദിയയും അശ്വിനും പങ്കിടുന്നുണ്ട്. സെപ്റ്റംബറിലാണ് വിവാഹം എന്ന് ഇവര്‍ പറഞ്ഞിരുന്നു. താലി വാങ്ങിയതും സ്വര്‍ണ്ണം വാങ്ങാന്‍ പോയതുമെല്ലാം ദിയ കാണിച്ചിരുന്നു. അടുത്തിടെ കൃഷ്ണകുമാറും കുടുംബവും അശ്വിന്റെ സഹോദരന്റെ ഫ്‌ളാറ്റ് സന്ദര്‍ശിച്ചിരുന്നു. അച്ഛന്‍ ദുബായിലേക്ക് പോവുകയാണ്, അതിന് മുന്നോടിയായി എല്ലാവരെയും കണ്ടതാണ്, ഇതൊരു സൗഹൃദ സന്ദര്‍ശനമാണെന്ന് ദിയ പറഞ്ഞിരുന്നു.

ഇപ്പോഴിതാ മകളുടെ വിവാഹത്തെക്കുറിച്ച് സിന്ധു കൃഷ്ണ പറഞ്ഞ കാര്യങ്ങളാണ് വൈറലായിക്കൊണ്ടിരിക്കുന്നത്. ഇന്‍സ്റ്റഗ്രാം ക്യുആന്‍ഡ്എ യിലൂടെയാണ് സിന്ധു മറുപടിയേകിയത്. ഓസിയുടെ കല്യാണത്തെക്കുറിച്ച് ഓര്‍ക്കുമ്പോള്‍ എന്താണ് തോന്നുന്നതെന്നായിരുന്നു ചോദ്യം. രാത്രിയില്‍ അവളെ ഇവിടെ മിസ്സ് ചെയ്യും. രാത്രി എത്താന്‍ ലേറ്റായാല്‍ വഴക്ക് പറയുന്നതും, നേരത്തെ കിടക്കാന്‍ പറയുന്നതുമെല്ലാം മിസ്സ് ചെയ്യും. നാല് പെണ്‍കുട്ടികളും വീട്ടിലുള്ളപ്പോള്‍ കിട്ടുന്ന സന്തോഷം വേറെ തന്നെയല്ലേ എന്നായിരുന്നു സിന്ധു പറഞ്ഞത്. അമ്മയുടെ വീഡിയോ പങ്കുവെച്ച് ഞാന്‍ ഒരു ചുമരിന് അപ്പുറത്തല്ലേ താമസിക്കുന്നത് എന്നായിരുന്നു ദിയ ചോദിച്ചത്.

സമയം എത്ര പെട്ടെന്നാണ് കടന്ന് പോവുന്നത്. എല്ലാവരും കുഞ്ഞായിട്ടിരുന്നാല്‍ മതി എന്ന് ചിലപ്പോഴൊക്കെ തോന്നാറുണ്ട്. പിന്നെ വിചാരിക്കും മക്കളെല്ലാം കുടുംബമായി ജീവിക്കുന്നതും കാണേണ്ടേ, എക്‌സൈറ്റഡാണ് ഞാന്‍. കല്യാണത്തിനുള്ള ഷോപ്പിംഗ് തുടങ്ങിയതേയുള്ളൂ, ഇനിയും സമയമുണ്ടല്ലോ എന്നും ചോദ്യങ്ങള്‍ക്ക് മറുപടിയായി സിന്ധു പറഞ്ഞിരുന്നു. അശ്വിനെക്കുറിച്ച് ചോദിച്ചപ്പോള്‍ ഹീ ഈസ് എ സ്വീറ്റ് ബോയ് എന്നായിരുന്നു മറുപടി. ഞങ്ങളുടെ കൂടെയൊക്കെ വരുമ്പോള്‍ വെരി സ്വീറ്റ്, വളരെ കെയറിംഗാണ്, ഹോംലിയാണ്, നൈസ് ബോയ് എന്നായിരുന്നു ഭാവി മരുമകനെക്കുറിച്ചുള്ള കമന്റ്. യാ അതാണെന്റെ മാമിയാര്‍ എന്ന ക്യാപ്ഷനോടെ അശ്വിനും ഇത് ഇന്‍സ്റ്റഗ്രാം സ്‌റ്റോറിയായി പോസ്റ്റ് ചെയ്തിരുന്നു.

@All rights reserved Typical Malayali.